သမ္မတ ရှီနှင့် ဘင်္ဂလားဒေ့ရှ် ဝန်ကြီးချုပ် တွေ့ဆုံကာ နှစ်နိုင်ငံဆက်ဆံရေး အဆင့်မြှင့်တင်ကြောင်း ကြေညာ

ပေကျင်း၊ ဇူလိုင် ၁၃ ရက် (ဆင်ဟွာ)

တရုတ်နိုင်ငံနှင့် ဘင်္ဂလားဒေ့ရှ်နိုင်ငံတို့သည် နှစ်နိုင်ငံဆက်ဆံရေးကို ဘက်စုံမဟာဗျူဟာမြောက် ပူးပေါင်းဆောင်ရွက်မှု မိတ်ဖက်နိုင်ငံ ဆက်ဆံရေးအဖြစ် ဇူလိုင် ၁၀ ရက်က အဆင့်မြှင့်တင်ခဲ့ကြောင်း သိရသည်။
တရုတ်နိုင်ငံ သမ္မတ ရှီကျင့်ဖိန်နှင့် ဘင်္ဂလားဒေ့ရှ်နိုင်ငံ ဝန်ကြီးချုပ် ရှိတ်ဟာစီနာတို့ ပေကျင်းမြို့တွင် တွေ့ဆုံစဉ်က ထိုသို့ ကြေညာခဲ့ခြင်းဖြစ်သည်။

တရုတ်နှင့် ဘင်္ဂလားဒေ့ရှ်တို့သည် တစ်နိုင်ငံနှင့် တစ်နိုင်ငံ အစဉ်အမြဲလေးစားကာ ထောက်ခံပံ့ပိုးလျက်ရှိကြောင်း၊ တစ်နိုင်ငံနှင့် တစ်နိုင်ငံ တန်းတူရည်တူ ပြုမူလျက်ရှိကြောင်း၊ သံတမန်ဆက်ဆံရေးထူထောင်ချိန်မှစ၍ နှစ်နိုင်ငံ အပြန်အလှန်အကျိုးရလဒ်များအတွက် ပူးပေါင်းဆောင်ရွက်လျက်ရှိကြောင်း၊ အထူးသဖြင့် ကမ္ဘာ့တောင်ဘက်ခြမ်းနိုင်ငံများအကြား ချစ်ကြည်ရင်းနှီးစွာ ကူးလူးဆက်ဆံမှုများနှင့် အပြန်အလှန် အကျိုးဖြစ်ထွန်းသော ပူးပေါင်းဆောင်ရွက်မှု သာဓကကိုလည်း ချမှတ်နိုင်ခဲ့ကြောင်း သမ္မတ ရှီက ပြောခဲ့သည်။

ထို့ပြင် နှစ်နိုင်ငံတို့သည် လာမည့်နှစ်တွင် တရုတ်-ဘင်္ဂလားဒေ့ရှ် ပြည်သူအချင်းချင်း ကူးလူးဆက်ဆံရေးနှင့် ယဉ်ကျေးမှုဖလှယ်ရေးနှစ်ကို အောင်မြင်စွာ ဆောင်ရွက်မည်ဖြစ်သလို ယဉ်ကျေးမှု၊ ခရီးသွားလုပ်ငန်း၊ မီဒီယာနှင့် အားကစား စသည့်နယ်ပယ်များတွင် ကူးလူးဖလှယ်မှုနှင့် ပူးပေါင်းဆောင်ရွက်မှု မြှင့်တင်မည်ဖြစ်ကြောင်း ရှီက ဖြည့်စွက်ပြောခဲ့သည်။

ဘင်္ဂလားဒေ့ရှ်နိုင်ငံ ဝန်ကြီးချုပ် ရှိတ်ဟာစီနာက ဘင်္ဂလားဒေ့ရှ်နိုင်ငံအနေဖြင့် တရုတ်တစ်နိုင်ငံတည်း မူဝါဒကို အခိုင်အမာလိုက်နာလျက်ရှိကြောင်း၊ ထိုင်ဝမ်အရေးနှင့် စပ်လျဉ်း၍ တရုတ်နိုင်ငံ၏ ရပ်တည်ချက်ကို ထောက်ခံကြောင်း၊ တရုတ်နိုင်ငံ၏ ပြည်တွင်းရေးတွင် ပြင်ပမှဝင်ရောက်စွက်ဖက်မှုကို လုံးဝကန့်ကွက်ကြောင်း၊ တရုတ်နိုင်ငံက ၎င်းတို့၏ ဗဟိုအကျိုးစီးပွားအား ကာကွယ်ထိန်းသိမ်းမှုကိုလည်း အခိုင်အမာ ထောက်ခံကြောင်း ပြောကြားခဲ့သည်။ (Xinhua)

သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ xhtxs.cn/U5q

………………………….
(English Version)
Xi meets Bangladeshi PM, bilateral ties elevated
BEIJING, July 10 (Xinhua) — China and Bangladesh on Wednesday elevated their relations to a comprehensive strategic cooperative partnership.
Chinese President Xi Jinping and Bangladeshi Prime Minister Sheikh Hasina announced this while meeting in Beijing.
China and Bangladesh have always respected and supported each other, treated each other as equals and cooperated for win-win results since the establishment of diplomatic ties, setting an example of friendly exchanges and mutually beneficial cooperation between countries, especially among Global South countries, Xi said.
The two sides should make the China-Bangladesh Year of People-to-People and Cultural Exchanges next year a success and promote exchanges and cooperation in culture, tourism, media and sports, he added.
Bangladesh firmly abides by the one-China principle, supports China’s position on the Taiwan question, resolutely opposes external interference in China’s internal affairs and firmly supports China in safeguarding its core interests, Hasina said.