မြန်မာနိုင်ငံက တရုတ်နိုင်ငံနှင့် ဆက်ဆံရေးကို လွန်စွာအရေးထားကြောင်း မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီ (SAC) ဥက္ကဋ္ဌပြောကြား

ရန်ကုန်၊ ဩဂုတ် ၂၂ ရက် (ဆင်ဟွာ)
မြန်မာနိုင်ငံ နိုင်ငံတော်စီမံအုပ်ချုပ်ရေးကောင်စီ (SAC) ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က မြန်မာနိုင်ငံအနေဖြင့် တရုတ်နိုင်ငံနှင့် ဆက်ဆံရေးကို လွန်စွာအရေးထားကြောင်း၊ နှစ်နိုင်ငံ ကဏ္ဍအသီးသီး ပူးပေါင်းဆောင်ရွက်မှုဖော်ဆောင်ကာ နှစ်နိုင်ငံအစဉ်အလာ ဆွေမျိုးပေါက်ဖော် ချစ်ကြည်ရေးသံယောဇဉ်ကို ခိုင်မြဲအောင် မြှင့်တင်ခြင်းဖြင့် နှစ်နိုင်ငံ ပြည်သူများ အကျိုးဖြစ်ထွန်းအောင် ဖော်ဆောင်လျက်ရှိကြောင်း ဩဂုတ် ၂၁ ရက်က ပြောကြားခဲ့သည်။
မြန်မာနိုင်ငံဆိုင်ရာ တရုတ်သံအမတ်အသစ်ဖြစ်သော Ms. Ma Jia ထံမှ သံအမတ်ခန့်အပ်လွှာကို လက်ခံစဉ် ဗိုလ်ချုပ်မှူးကြီး မင်းအောင်လှိုင်က မြန်မာနိုင်ငံနှင့် တရုတ်နိုင်ငံတို့သည် ငြိမ်းချမ်းစွာအတူယှဉ်တွဲနေထိုင်ရေးမူကြီး ၅ ရပ်ကို ပထမဦးဆုံး အဆိုပြုခဲ့ကြကြောင်း၊ မူကြီး ၅ ရပ်၏ စိတ်ဓာတ်ကို အမြဲတစေလိုက်နာကာ ချစ်ကြည်ရင်းနှီးစွာပူးပေါင်းဆောင်ရွက်မှု ဖော်ဆောင်လျက်ရှိကြောင်း ပြောကြားခဲ့သည်။
မြန်မာနိုင်ငံအနေဖြင့် မြန်မာနိုင်ငံရှိ တရုတ်စီမံကိန်းနှင့် ဝန်ထမ်းများ၏ ဘေးကင်းလုံခြုံမှုကို အစွမ်းကုန်ထိန်းသိမ်းကာကွယ်သွားမည်ဖြစ်ကြောင်း၊ မြန်မာ-တရုတ် နယ်စပ်ဒေသ တည်ငြိမ်အေးချမ်းရေးကို လက်တွေ့ကျကျ ကာကွယ်စောင့်ရှောက်သွားမည်ဖြစ်ကာ တရုတ်နိုင်ငံ လုံခြုံရေးနှင့် အကျိုးစီးပွားကို ထိခိုက်ပျက်ပြားစေမည့် မည်သည့်ကိစ္စရပ်ကိုမဆို ခွင့်ပြုမည်မဟုတ်ကြောင်း ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။
မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia က တရုတ်နိုင်ငံသည် မြန်မာနိုင်ငံအပေါ် ချစ်ကြည်ရင်းနှီးသည့်မူဝါဒကို မမှိတ်မသုန် မြှင့်တင်သွားမည်ဖြစ်ကြောင်း၊ မြန်မာနှင့် တရုတ် ချိတ်ဆက်မှုများတိုးမြှင့်ပြီး တရုတ်-မြန်မာ အေးအတူပူအမျှအသိုက်အဝန်းကို အတူတကွတည်ဆောက်သွားရန် ကြိုဆိုပါကြောင်း ပြောကြားခဲ့သည်။ မြန်မာနိုင်ငံဘက်က မြန်မာနိုင်ငံရှိ တရုတ်စီမံကိန်းနှင့် ဝန်ထမ်းများ၏ ဘေးကင်းလုံခြုံရေးကို လက်တွေ့ကျကျထိန်းသိမ်းကာကွယ်ပေး၍ နှစ်ဦးနှစ်ဖက်ကူးလူးဖလှယ် ပူးပေါင်းဆောင်ရွက်မှုအတွက် ဘေးကင်းသောပတ်ဝန်းကျင် ဖန်တီးပေးရန် မျှော်လင့်ကြောင်းလည်း Ms. Ma Jia က ပြောကြားခဲ့သည်။ (Xinhua)
……………………………………..
(English Version)
Myanmar highly values relations with China: SAC chairman
YANGON, Aug. 22 (Xinhua) — Chairman of Myanmar’s State Administration Council (SAC) Senior General Min Aung Hlaing said on Wednesday that Myanmar highly values its relations with China and is committed to developing bilateral cooperation in various fields, strengthening the traditional paukphaw (fraternal) friendship and benefiting both peoples.
Min Aung Hlaing, while receiving in Nay Pyi Taw the credentials presented by the new Chinese Ambassador to Myanmar Ma Jia, noted that Myanmar and China are the first initiators of the Five Principles of Peaceful Coexistence and have consistently carried out friendly cooperation in accordance with the principles.
Myanmar will make every effort to safeguard the safety of Chinese personnel and projects in Myanmar, effectively safeguard the security and stability of the Myanmar-China border, and will never allow any behavior that undermines China’s security and interests, Min Aung Hlaing added.
For her part, Ma said China will steadfastly promote its friendly policy toward Myanmar, and welcome Myanmar to strengthen engagement with China and jointly build a China-Myanmar community with a shared future. It is hoped that Myanmar will effectively safeguard the safety of Chinese personnel and projects in Myanmar and create a safe environment for exchanges and cooperation, Ma added.
Photo: Chairman of Myanmar’s State Administration Council (SAC) Senior General Min Aung Hlaing (L) receives the credentials presented by the new Chinese Ambassador to Myanmar Ma Jia, in Nay Pyi Taw, Myanmar, Aug. 21, 2024. (State Administration Council of Myanmar/Handout via Xinhua)