Politics, Law & Military
ရခိုင်ပြည်နယ်၊ ပုဏ္ဏားကျွန်းမြို့နယ်၌ ကျပ်သိန်းပေါင်း ၁၉,၅၀၀ တန်ဖိုးရှိ စိတ်ကြွရူးသွပ်ဆေးပြားများ သိမ်းဆည်းရမိ
ရန်ကုန်၊ နိုဝင်ဘာ ၁၀ ရက် (ဆင်ဟွာ)
ရခိုင်ပြည်နယ်၊ ပုဏ္ဏားကျွန်းမြို့နယ်၌ (၁ ပြားလျှင် ၂၀၀၀ ကျပ်နှုန်းဖြင့် စုစုပေါင်းတန်ဖိုး ကျပ်သိန်းပေါင်း ၁၉,၅၀၀)တန်ဖိုးရှိ စိတ်ကြွဆေးပြား ၉၇၅,၀၀၀ ပြားအား ပိုင်ရှင်မဲ့သိမ်းဆည်းရမိခဲ့ကြောင်း မြန်မာနိုင်ငံရဲတပ်ဖွဲ့ မှ သတင်းထုတ်ပြန်သည်။
ဖြစ်စဉ်မှာ ၂၀၁၈ ခုနှစ် နိုဝင်ဘာလ ၈ ရက် နေ့လယ်၁၂ နာရီခန့်တွင်ရဲတပ်ဖွဲ့ဝင်များမှ လှည့်ကင်း လုံခြုံရေးဆောင်ရွက်စဉ်ပုဏ္ဏားကျွန်းမြို့နယ်၊ ဒိုးတန်းကျေးရွာ(ရွာသစ်)၊ မှိုဟင်းပြွန်ချောင်းကမ်းစပ်၌ မသင်္ကာဖွယ်စက်လှေတစ်စီးအား တွေ့ရှိရသဖြင့် စောင့်ကြည့်ခဲ့ပြီး မည်သူတစ်ဦးတစ်ယောက်မှ ရောက်ရှိလာခြင်းမရှိသဖြင့် သက်သေများနှင့်အတူ စက်လှေအားစစ်ဆေးခဲ့ရာ ဆာလာအိတ်များဖြင့် ထည့်၍ မိုးကာအုပ်ထားသည့် WY စိတ်ကြွဆေးပြား ၉၇၅,၀၀၀ ပြား(၁ ပြားလျှင် ၂၀၀၀ ကျပ်နှုန်းဖြင့် စုစုပေါင်းတန်ဖိုး ကျပ်သိန်းပေါင်း ၁၉,၅၀၀)အား ပိုင်ရှင်မဲ့သိမ်းဆည်းရမိခဲ့သဖြင့် ပုဏ္ဏားကျွန်းမြို့မရဲစခန်း မူးယစ်(ပ)၆/၂၀၁၈၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ ၁၉(က)ဖြင့် အမှုဖွင့်စစ်ဆေးလျက်ရှိကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)
