မက္ကဆီကိုနိုင်ငံ အလယ်ပိုင်းတွင် ယာဉ်မတော်တဆမှုကြောင့် လူ ၁၁ ဦး သေဆုံး

မက္ကဆီကိုစီးတီး ၊ မတ် ၁၀ ရက်(ဆင်ဟွာ)

မက္ကဆီကို နိုင်ငံ အလယ်ပိုင်း Guanajuatoပြည်နယ် Penjamoမြို့တွင် မတ် ၉ ရက်က ယာဉ်မတော်တဆမှုတစ်ခုဖြစ်ပွားရာ လူ ၁၁ ဦးသေဆုံးပြီး လူ ၁ ဦး ဒဏ်ရာရရှိခဲ့ကြောင်း သိရသည်။

Penjamoမြို့ရှိယာဉ်သွားလမ်းပေါ်တွင် မတ် ၉ ရက် နံနက်ပိုင်းက ခရီးသည်တင်ယာဉ်တစ်စီးနှင့် ကုန်တင်ယာဉ်တစ်စီး မျက်နှာချင်းဆိုက်တိုက်မှုဖြစ်ပွားခဲ့ရာ လူ ၁၁ ဦး သေဆုံးပြီး ၁ ဦး ဒဏ်ရာရရှိခဲ့ ကြောင်း ယင်းမြို့ ပြည်သူ့ကာကွယ်ရေးဝန်ကြီးဌာန အရာရှိတစ်ဦးက ပြောကြားခဲ့သည်။

အချင်းဖြစ်ပွားသည့် ခရီးသည်တင်ယာဉ်တွင် လူ ၁၂ ဦးလိုက်ပါလာကြောင်း ဒေသခံမီဒီယာများက ဆိုသည်။ ကုန်တင်ယာဉ်က ခရီးသည်တင်ယာဉ်မောင်းနှင်နေသည့်လမ်းကြောင်းကို ဝင်ရောက်လာရာ မှ မျက်နှာချင်းဆိုင်တိုက်မိခြင်းဖြစ်ကြောင်း မျက်မြင်သက်သေတစ်ဦး၏ပြောကြားချက်အရ သိရသည်။ လက်ရှိတွင် ကုန်တင်ယာဉ် ယာဉ်မောင်းဖြစ်သူ ပျောက်ဆုံးနေကြောင်း သိရသည်။

အချင်းဖြစ်ပွားသည့်နေရာကို ပိတ်ဆို့ထားပြီး စုံစမ်းစစ်ဆေမှုများပြုလုပ်နေကြောင်း သိရသည်။ (Xinhua)