Environment, Disasters & Accidents
ပေကျင်းတွင် ပေါက်ကွဲမှု တစ်ခု ဖြစ်ပွား၍ လူတစ်ဦး သေဆုံး
ပေကျင်း၊ ဧပြီ ၁၁ ရက် (ဆင်ဟွာ)
ပေကျင်းတွင် ဧပြီလ ၁၀ ရက် နေ့လည်ပိုင်းက ဓါတ်ငွေ့ ပိုက်လိုင်း ပေါက်ကွဲရာမှ အစပြုခဲ့သည့် မီးလောင်မှု ကြောင့် လူတစ်ဦး သေဆုံးပြီး နှစ်ဦး ဒဏ်ရာ ရရှိခဲ့ကြောင်း မီးသတ် ဝန်ထမ်းများက ပြောကြားခဲ့သည်။
ဟိုင်သရန့် ဒေသတွင် နေ့လည် ၁ နာရီခန့်က မြေအောက် ဓါတ်ငွေ့ ပိုက်လိုင်း တစ်ခု ပေါက်ကွဲခဲ့ပြီး အနီးရှိ လူနေ အဆောက်အအုံများသို့ မီးကူးစက် လောင်ကျွမ်းခဲ့ကြောင်း မြို့နယ် မီးသတ်ဋ္ဌာန၏ ပြောကြားချက် အရ သိရသည်။
မီးသတ် ဝန်ထမ်းများသည် အဆောက်အအုံတွင်း ပိတ်မိနေသည့် လူ ၈ ဦးကို ကယ်ထုတ်နိုင်ခဲ့ပြီး အခြားလူ ၁၆၀ ကျော်ကို ရွှေ့ပြောင်း ပေးခဲ့ကြောင်း သိရသည်။
မီးသတ်ယာဉ် ၂၂ စီးဖြင့် ဝိုင်းဝန်း ငြိမ်းသတ်မှုကြောင့် နေ့လည် ၂း၃၀ နာရီတွင် မီးငြိမ်းခဲ့ကြောင်း သိရသည်။
ကနဦး စုံစမ်း စစ်ဆေးချက်များ အရ ပေါက်ကွဲမှုသည် ဆောက်လုပ်ရေး ဝန်ထမ်း တစ်ယောက် က ဓါတ်ငွေ့ ပိုက်လိုင်း အား မတော်တဆ ထိခိုက်မိသောကြောင့် ဖြစ်ပွားခဲ့ကြောင်း သိရသည်။ (Xinhua)