Connect with us

Politics, Law & Military

တရုတ်နိုင်ငံသို့ ဂျပန်နိုင်ငံခြားရေးဝန်ကြီး တရားဝင်ခရီးစဉ် လာရောက်မည်

တရုတ္ႏိုင္ငံ ႏုိင္ငံျခားေရးဝန္ႀကီး ဝမ္ရိ (ယာ) ႏွင့္ ဂ်ပန္ႏုိင္ငံ ႏုိင္ငံျခားေရးဝန္ႀကီး တာရိုကိုမို (ဝဲ) တို႔ ၂၀၁၇ခုႏွစ္ ၾသဂုတ္ ၇ရက္ က ဖိလစ္ပိုင္ႏုိင္ငံ မနီလာၿမိဳ႕၌ ေတြ႕ဆံုစဥ္ (ဆင္ဟြာ)

ပေကျင်း၊ ဇန်နဝါရီ ၂၇ ရက် (ဆင်ဟွာ)

ဂျပန်နိုင်ငံ နိုင်ငံခြားရေးဝန်ကြီး တာရိုကိုမို သည် ဇန်နဝါရီ ၂၇ ရက်မှ ၂၈ရက်အထိ တရုတ်နိုင်ငံသို့ တရားဝင်ခရီးစဉ်လာရောက်မည်ဖြစ်ကြောင်း တရုတ်နိုင်ငံ နိုင်ငံခြားရေးဝန်ကြီးဋ္ဌာန ပြောရေးဆိုခွင့်ရှိသူ ဟွာချွမ်းရင် က ပေကျင်းမြို့တွင် ဇန်နဝါရီ ၂၆ ရက်က ကြေညာခဲ့သည်။

ဟွာချွမ်းရင်က ယခုခရီးစဉ်သည် ကိုမို တာဝန်ထမ်းဆောင်စဉ်ကတည်းက တရုတ်နိုင်ငံသို့ ပထမဆုံးအကြိမ် လာရောက်သည့် ခရီးစဉ်ဖြစ်ကြောင်း၊ ၎င်းသည် တရုတ်နိုင်ငံ နိုင်ငံခြားရေးဝန်ကြီး ဝမ်ရိ နှင့် တွေ့ဆုံကာ နှစ်နိုင်ငံ ဆက်ဆံရေး နှင့် ဘုံစိုးရိမ်မှုများ နှင့် ပတ်သက်၍ အမြင်ချင်းဖလှယ်သွားမည်ဖြစ်ကြောင်း နေ့စဉ် သတင်းစာရှင်းလင်းပွဲ၌ပြောကြားခဲ့သည်။

၂၀၁၈ခုနှစ်သည် တရုတ်-ဂျပန် ငြိမ်းချမ်းရေးနှင့် ချစ်ကြည်ရေး စာချုပ် ချုပ်ဆိုသည့် နှစ် ၄၀ပြည့်နှစ်ဖြစ်ကြောင်း သိရသည်။ဟွာက များစွာသော စိန်ခေါ်မှုများ ရှိနေသော်လည်း တရုတ်နိုင်ငံ နှင့် ဂျပန်နိုင်ငံ အကြား ဆက်ဆံရေးသည် တိုးတက်မှု အရှိန်အဟုန်ကို ဆက်လက်ထိန်းသိမ်းထားဆဲဖြစ်ကြောင်း၊ ယခုခရီးစဉ်သည် နှစ်နိုင်ငံခေါင်းဆောင်များ အကြားသဘောတူညီချက်များကို ပြီးမြောက်စေခြင်းဖြင့် နှစ်နိုင်ငံ ဆက်ဆံရေးကို ထပ်မံ မြှင့်တင်နိုင်မည်ဟု မျှော်လင့်ပါကြောင်း ပြောကြားခဲ့သည်။ (Xinhua)