Connect with us

Politics, Law & Military

တရုတ် နိုင်ငံ နှင့် ဂျပန် နိုင်ငံ တို့မှ ထိပ်တန်း အရာရှိ များ၏ ဒုတိယ အကြိမ်မြောက် နိုင်ငံရေး ဆွေးနွေးပွဲ အား တိုကျိုမြို့ တွင် ပြုလုပ်

တ႐ုတ္ ႏိုင္ငံေတာ္ ေကာင္စီဝင္ ယန္က်ဲ႕ခ်ီႏွင့္ ဂ်ပန္ ႏိုင္ငံ အမ်ိဳးသား လံုၿခံဳေရး ဌာန ဌာနမွဴး Shotaro Yachi တို႔ လက္ဆြဲ ႏႈတ္ဆက္ေနစဥ္ (ဓာတ္ပံု- ဆင္ဟြာ)

တိုကျို ၊ အောက်တိုဘာ ၁၄ ရက်(ဆင်ဟွာ)

တရုတ် နိုင်ငံတော် ကောင်စီဝင် ယန်ကျဲ့ချီ သည် အောက်တိုဘာ ၁၃ ရက်နေ့တွင် ဂျပန် အစိုးရ ၏ ဖိတ်ကြားမှု အရ ဂျပန် နိုင်ငံ အမျိုးသား လုံခြုံရေး ဌာန ဌာနမှူး Shotaro Yachi သဘာပတိ အဖြစ် ဆောင်ရွက် သည့် ဒုတိယ အကြိမ်မြောက် တရုတ်-ဂျပန် နိုင်ငံရေး ဆွေးနွေး ပွဲအား တက်ရောက် ခဲ့သည်။

ဆွေးနွေးပွဲ တွင် ယန်ကျဲ့ချီ မှ တရုတ်-ဂျပန် ဆက်ဆံရေးသည် တည်ငြိမ်တိုးတက်သည့် အခြေအနေ တွင် ရှိကြောင်း ၊ တရုတ် နိုင်ငံ အနေဖြင့် ဂျပန် နိုင်ငံ နှင့် ဆက်ဆံရေး အား အလေးထားကြောင်း ၊ သမိုင်း ဖြစ်ရပ်မှန် များအား အခြေခံ၍ အနာဂတ် ဆောင်ရွက်မှု ကို ပိုမို ကောင်းမွန်စေသော စိတ်ထား ဖြင့် တရုတ်-ဂျပန် နှစ်နိုင်ငံ ၏ အခြေခံ နိုင်ငံရေး မူဝါဒ ၄ ခု အပေါ် အခြေပြု၍ တရုတ်-ဂျပန် ဆက်ဆံရေး အား တိုးမြှင့် နိုင်ရန် ဆောင်ရွက် သွားရ မည် ဖြစ်ကြောင်း ပြောကြား ခဲ့သည်။

ထို့ပြင် ယန်ကျဲ့ချီ က ဂျပန် နိုင်ငံ အနေဖြင့် မိမိ ကတိ ပြုခဲ့သည့် အကြောင်း အရာ များအား လိုက်နာ သွားစေ လိုကြောင်း ၊ တရုတ် နိုင်ငံ အနေဖြင့် ဂျပန် နိုင်ငံနှင့် အတူတကွ နှစ်နိုင်ငံ ကုန်သွယ်ရေး ပူးပေါင်းဆောင်ရွက်မှု တိုးမြှင့် နိုင်ရန် ဆောင်ရွက် သွားမည် ဖြစ်ကြောင်း ၊ နှစ်နိုင်ငံ ယဉ်ကျေးမှု ဖလှယ်ရေး နှင့် အခြား ကဏ္ဍ များတွင် လည်း တွန်းအားပေး ဆောင်ရွက်သွားမည် ဖြစ်ကြောင်း ပြောကြား ခဲ့သည်။

Shotaro Yachi မှ လက်ရှိ ဂျပန်-တရုတ် ဆက်ဆံရေး သည် ကောင်မွန်စေအောင် ဆောင်ရွက်နေသည့် အခြေအနေ တွင် ရှိကြောင်း ၊ ကဏ္ဍ အသီးသီး တွင် အပြန်အလှန် ချိတ်ဆက် ဆောင်ရွက်မှု များ ရှိနေကြောင်း ၊ ဂျပန် နိုင်ငံ အနေဖြင့် အခြေခံ သဘောတူညီမှု ရရှိထား သည့် မူဝါဒ ၄ ခု ကို ဆက်လက် ထိန်းသိမ်း သွာပြီး ငြိမ်းချမ်းစွာ ဖွံ့ဖြိုးတိုးတက်ရေး လမ်းစဉ် ကို ဆောင်ရွက်သွား မည် ဖြစ်ကြောင်း ပြောကြား ခဲ့သည်။ (Xinhua)