အွန်လိုင်းဈေးကွက် နယ်မှ အသုံးပြုသူအရေအတွက်မှာ ယမန်နှစ်ထက် ၅၀ ရာခိုင်နှုန်းကျော်မြင့်တက်

ရန်ကုန်၊ မတ် ၁၄ ရက် (ဆင်ဟွာ)

အွန်လိုင်းဈေးကွက်ကို အသုံးပြုပြီး ပစ္စည်းများအရောင်းအဝယ် ပြုလုပ်သူများအနက် နယ်မှ အသုံးပြုသူအရေအတွက်မှာ ယမန်နှစ်ထက် ၅၀ ရာခိုင်နှုန်းကျော် မြင့်တက်လာခဲ့ကြောင်း အွန်လိုင်းအရောင်းအဝယ်ဝက်ဆိုက်တစ်ခုဖြစ်သည့် Ads.com.mm မှ ၎င်းတို့ပြုလုပ်ခဲ့သည့် စစ်တမ်းအား သတင်းထုတ်ပြန်ခဲ့သည်။

အဆိုပါ အသုံးပြုသူများအနက် အများစုမှာ ရန်ကုန် ၊ မန္တလေး ၊နေပြည်တော် စသည့် မြို့ကြီးများအပါအဝင် တောင်ကြီး ၊မုံရွာ ၊ ညောင်ဦး အစရှိသော ဒေသများမှ ဖြစ်ပြီး အင်တာနက်အသုံးပြုပြီး အွန်လိုင်းပေါ်တွင် မော်တော်ဆိုင်ကယ်နှင့်အခြားစက်တပ်ယာဉ်များရောင်းဝယ်မှုကိုပိုမိုပြုလုပ်လာခြင်းဖြစ်ကြောင်း Ads.com.mm ၏ လူထုဆက်ဆံရေးဌာနအကြီးအကဲ ကပြောသည် ။

ယခင်နှစ်များတွင် နယ်မှ အင်တာနက်အသုံးပြုပြီး အွန်လိုင်းပေါ်တွင် အရောင်းအဝယ် ပြုလုပ်ခြင်း အနည်းငယ်သာရှိခဲ့သော်လည်း ၂၀၁၆ ခုနှစ် နှစ်လယ်ပိုင်းမှ စတင်၍ အွန်လိုင်းဈေးကွက်တွင် အရောင်းအဝယ် ပြုလုပ်သူ တစ်ရက်လျှင် ခြောက်ထောင်ခန့် ရှိလာကြောင်း သိရသည်။ (Xinhua)