ဆီးရီးယားအရှေ့ပိုင်းတွင် ကားဗုံးပေါက်ကွဲမှုကြောင့် လူ ၂၀ဦးသေဆုံး

ဒမတ်စကပ်စ်၊ ဖေဖော်ဝါရီ ၂၂ ရက် (ဆင်ဟွာ)

ဆီးရီးယားနိုင်ငံ အရှေ့ပိုင်း တွင် ကာ့ဒ်တိုက်ခိုက်ရေးသမားများ ထိန်းချုပ်ထားသော မြို့တစ်မြို့၌ ဖေဖော်ဝါရီ ၂၁ ရက်က ကားဗုံးတစ်လုံးပေါက်ကွဲမှုဖြစ်ပွားခဲ့ရာ အနည်းဆုံး လူ ၂၀ဦးသေဆုံးခဲ့ကြောင်း စစ်ပွဲစောင့်ကြည့်ရေးအဖွဲ့တစ်ခုကပြောကြားခဲ့သည်။

နိုင်ငံ အရှေ့ပိုင်း Deir al-Zour ပြည်နယ် ရှိ Shehel မြို့ တွင် ကားဗုံးပေါက်ကွဲခဲ့ခြင်းဖြစ်ကြောင်း ဆီးရီးယားဆိုင်ရာ လူအခွင့်အရေးစောင့်ကြည့်ရေးအဖွဲ့ကပြောကြားခဲ့သည်။

ယင်းကားဗုံးသည် ကာ့ဒ်ကိုယ်ပိုင်ကာကွယ်ရေးတပ်ဖွဲ့၏ ယာဉ်တန်းတစ်ခုကို ပစ်မှတ်ထားတိုက်ခိုက်ခဲ့ခြင်းဖြစ်ပြီး သေဆုံးသူများတွင် ရေနံအလုပ်သမားများလည်းပါရှိကြောင်း လန်ဒန်အခြေစိုက် စောင့်ကြည့်ရေးအဖွဲ့ကပြောကြားခဲ့သည်။

အဆိုပါ တိုက်ခိုက်မှု၏ နောက်ကွယ်တွင် IS စစ်သွေးကြွတပ်ဖွဲ့ရှိနေကြောင်း ၎င်းကပြောကြားခဲ့သည်။

Deir al-Zour ပြည်နယ် Euphrates River ဒေသ ရှိ IS တို့၏ နောက်ဆုံးဧရိယာအား ပြန်လည်ရယူရန် IS တို့က စီစဉ်ဆောင်ရွက်နေစဉ် ယင်းပေါက်ကွဲမှုထွက်ပေါ်လာခြင်းဖြစ်သည်။ (Xinhua)