Asia
ဂျပန်နိုင်ငံ တွင် အင်အား ၅.၆ ပမာဏ ရှိ ငလျင်တစ်ခုလှုပ်ခတ်၊ ဆူနာမီသတိပေးချက်ထုတ်ပြန်ခြင်းမရှိ
တိုကျို၊ စက်တင်ဘာ ၅ ရက် (ဆင်ဟွာ)
ဂျပန်နိုင်ငံ တိုကျိုမြို့ မြောက်ပိုင်း အီဘာရာခီစီရင်စု ကမ်းရိုးတန်းအလွန်တွင် စက်တင်ဘာ ၅ရက် နံနက်ပိုင်း က အင်အား ၅.၆ပမာဏရှိ ငလျင်တစ်ခု လှုပ်ခတ်ခဲ့ကြောင်း မိုးလေဝသဌာန က ပြောကြားခဲ့သည်။
ဂျပန်နိုင်ငံ မိုးလေဝသဌာန (JMA) က ငလျင်သည် မြောက်လတ္တီကျု ၃၆.၅ ဒီဂရီ၊ အရှေ့လောင်ဂျီကျု ၁၄၁ ဒီဂရီ ရှိ မြေပြင်အနက် ၆၀ကီလိုမီတာကို ဗဟိုပြု၍ လှုပ်ခတ်ခဲ့ကြောင်း ပြောကြားခဲ့သည်။
မိုးလေဝသဌာန က ကမ်းလွန်တွင်လှုပ်ခတ်သော ငလျင်ကြောင့် ဆူနာမီ ဖြစ်ပေါ်လာနိုင်ခြင်းမရှိကြောင်း ပြောကြားခဲ့ပြီး ဒေသခံအာဏာပိုင်များ၏ ပြောကြားချက်အရ ငလျင်ကြောင့် ထိခိုက်ဒဏ်ရာရရှိသူ မရှိသေးကြောင်း သိရသည်။
ငလျင်လှုပ်ခတ်မှုကြောင့် နျူကလီးယားဓါတ်ပေါင်းဖို အားလုံးတွင် အခြေအနေပုံမှန်ရှိနေကြောင်း ဂျပန်နိုင်ငံ နျူကလီးယားစောင့်ကြည့်ရေးအဖွဲ့ကပြောကြားခဲ့သည်။ (Xinhua)
Continue Reading