တူရကီနိုင်ငံ အနောက်ပိုင်း ရှိ စာသင်ကျောင်းတွင် ဓါတ်ငွေ့ပေါက်ကွဲမှုကြောင့် လူ ၁ဦးသေ၊ ၄ဦး ဒဏ်ရာရရှိ

အစ္စတန်ဘူလ်၊ ဖေဖော်ဝါရီ ၇ ရက် (ဆင်ဟွာ)

တူရကီနိုင်ငံ အနောက်ပိုင်း Izmir မြို့ ရှိ အထက်တန်းကျောင်းတစ်ခုတွင် ဖေဖော်ဝါရီ ၆ရက်က သဘာဝဓါတ်ငွေ့ပေါက်ကွဲမှုတစ်ခု ဖြစ်ပွားခဲ့ရာ လူတစ်ဦးသေဆုံးပြီး အခြားလူ ၄ဦး ဒဏ်ရာရရှိခဲ့ကြောင်း တူရကီ သတင်းဋ္ဌာနတစ်ခုက ဖော်ပြခဲ့သည်။

CNNTurk သတင်းဋ္ဌာန၏ဖော်ပြချက်အရ Gaziemir ခရိုင် ရှိ စာသင်ကျောင်း တွင် ကလေးများ စာသင်ကြားနေစဉ်အတွင်း ကျောင်း၏ ဘွိုင်လာခန်း ၌ ပေါက်ကွဲမှု ဖြစ်ပွားခဲ့ခြင်းဖြစ်ကြောင်း သိရသည်။

ပေါက်ကွဲမှုကြောင့် မီးလောင်မှုဖြစ်ပွားခဲ့ပြီး မီးသတ်ဝန်ထမ်းများ၊ ရဲတပ်ဖွဲ့ဝင်များ နှင့် အရေးပေါ်လူနာတင်ကားများ ရောက်ရှိလာကာ ကျောင်းသားအားလုံးကို အဆောက်အအုံအတွင်းမှ ကယ်ထုတ်ခဲ့ကြောင်း သတင်း၌ပါရှိသည်။

သေဆုံးသူ နှင့် ထိခိုက်ဒဏ်ရာရရှိသူများ၏ ကိုယ်ရေးအချက်လက်များကို ချက်ချင်းသိရှိခြင်းမရှိသေးဘဲ ရဲတပ်ဖွဲ့၏ ကနဦး အစီရင်ခံစာများအရ ပေါက်ကွဲမှုသည် ဓါတ်ငွေ့များ ပိတ်မိနေရာမှ စတင်ဖြစ်ပွားခဲ့ကြောင်း သိရသည်။ (Xinhua)