Europe
အီတလီ နိုင်ငံ တောင်ပိုင်း ဒေသ တွင် ရုတ်တရက် ရေကြီးမြေပြိုမှု ဖြစ်ပွား ခဲ့ရာ လူပေါင်း အနည်းဆုံး ၁၀ ဦး သေဆုံး
ရိုးမား ၊ သြဂုတ် ၂၁ ရက် (ဆင်ဟွာ)
အီတလီ နိုင်ငံ တောင်ပိုင်း Calabria တောင်ကြား ဒေသ တွင် သြဂုတ်လ ၂၀ ရက် ၌ ရုတ်တရက် မိုးသည်းထန်စွာ ရွာသွန်း ခဲ့ပြီး ရေကြီးမြေပြိုမှု ဖြစ်ပွား ခဲ့ပြီး တောင်ကြား ဒေသ အတွင်း ရှိ တောင်တက် ဝါသနာရှင် အနည်းဆုံး ၁၀ ဦး သေဆုံး ခဲ့ရကြောင်း သိရှိရသည်။
အီတလီ နိုင်ငံ ပြည်သူ့ကာကွယ်ရေး ဌာန ၏ ထုတ်ပြန်ချက်အရ ရေကြီးမြေပြိုမှု ဖြစ်ပွား ချိန်တွင် တောင်ကြားဒေသ ၌ အနည်းဆုံး လူပေါင်း ၃၆ ဦး ပါဝင်သည့် တောင်တက်သမား အဖွဲ့ ၂ ဖွဲ့ တည်ရှိနေကြောင်း ၊ ကျောက်တုံး ၊ ကျောက်ခဲ များ ရောပါနေသည့် ရုတ်တရက် ရေကြီးမှုကြောင့် တောင်တက်သမား များ တိမ်းရှောင်ချိန် မရရှိနိုင်ခဲ့ကြောင်း ၊ ၎င်းတို့ အနက် ၁၆ ဦး အား ကယ်ဆယ်နိုင်ခဲ့ပြီး ၆ ဦး ဒဏ်ရာရရှိခဲ့ကြောင်း ၊ ဒဏ်ရာ လွန်စွာ ပြင်းထန်သူများအား ရဟတ်ယာဉ်ဖြင့် ဆေးရုံ သို့ ပို့ဆောင်ပေးခဲ့ကြောင်း သိရှိရသည်။
သြဂုတ်လ ၂၀ ရက် အချိန်ထိ တောင်တက်သမား အချို့ မှာ သတ်မှတ်ထားသည့် စာရင်းပေးသွင်းမှု များ ပြုလုပ်ခြင်း မရှိသောကြောင့် ပျောက်ဆုံးသူ စုစုပေါင်း စာရင်း ကို မသိရှိနိုင်သေးဘဲ သေဆုံးသူများ ၏ နိုင်ငံစာရင်း ကိုလည်း မသိရှိသေးကြောင်း ၊ သတင်းဖော်ပြချက်များအရ သေဆုံးသူ အများစု မှာ အီတလီ နိုင်ငံသား များဖြစ်ကြကြောင်း သိရှိရသည်။
အချင်းဖြစ်ပွား ခဲ့သည့် တောင်ကြားဒေသ မှာ မြေအနေအထား လွန်စွာ အန္တရာယ် များသည့် ဒေသ တစ်ခု ဖြစ်ပွား နှစ်စဉ် အချိန် အတိုင်းအတာ တစ်ခု အတွင်း ဝင်ရောက်ခြင်း အား ကန့်သတ် ထားကြောင်း ၊ သက်ဆိုင်ရာ ဌာန များအနေဖြင့် တောင်ကြား ဒေသ သို့ ဝါရင့် တောင်တက်သမား များသာ ဝင်ရောက်ရန် အကြံပြု ခဲ့ပြီး အချင်းဖြစ်ပွား ချိန်တွင် တောင်ကြားဒေသ အတွင်း နာရီပေါင်း အနည်းငယ် လေပြင်းတိုက်ခိုက်မှု နှင့် မိုးသည်းထန်စွာ ရွာသွန်းမှု ဖြစ်ပွား ခဲ့ကြောင်း သိရှိရသည်။(Xinhua)