အီရန် ရေနံတင်သင်္ဘော တောင်းဆိုချက်နှင့်ကိုက်ညီပါက ပြန်လွှတ်ပေးမည်ဟု ဗြိတိန်ဆို

လန်ဒန်၊ ဇူလိုင် ၁၅ ရက်(ဆင်ဟွာ)

ဗြိတိန်မှ ထိန်းသိမ်းထားသည့် ရေနံတင်သင်္ဘောသည် ဆီးရီးယားသို့ သွားရောက်ခြင်းမဟုတ်ဟု အီရန်က အာမခံပါက ပြန်လွှတ်ပေးမည်ဟု ဗြိတိန် နိုင်ငံခြားရေးဝန်ကြီးJeremy Hunt က ဇူလိုင် ၁၃ ရက်တွင် ပြောကြားခဲ့ကြောင်း သိရသည်။

Jeremy Hunt က ယင်းနေ့တွင် အီရန်နိုင်ငံခြားရေးဝန်ကြီးMohammad Javad Zarif နှင့် ဖုန်းဖြင့် ဆက်သွယ်စဉ် ထိုသို့ပြောကြားခဲ့ခြင်း ဖြစ်ကြောင်း သိရသည်။ ထိုပြောကြားချက်က ရေနံသင်္ဘော ဖမ်းဆီးထိန်းခြင်းကြောင့် ဗြိတိန်-အီရန်အကြား တင်းမာလာသည့် ဆက်ဆံရေးကို ဖြေလျော့ရန် အခွင့်အလမ်းကောင်း ဖြစ်ကြောင်း ဗြိတိန်လူထုက ထင်မှတ်ကြသည်။

အီရန်နှင့် ဖုန်းဖြင့်ဆွေးနွေးမှုတွင် အပြုသဘောဆောင်ကြောင်း ၊ အီရန်ကလည်း ယင်းကိစ္စအား တွန်းအားပေး ဖြေရှင်းလိုကြောင်း Jeremy Hunt က ၎င်း၏ တွစ်တာလူမှုကွန်ရက်တွင် ဖော်ပြထား သည်။

ဗြိတိန်နိုင်ငံသည် ယခုလဆန်းပိုင်းတွင် ဂျီဘရောတာ ရေလက်ကြား၌ အီရန်၏ Grace 1 ရေနံတင် သင်္ဘော အား ထိန်းသိမ်းခဲ့သည်။ အီးယူမှ ဆီးရီးယားနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား ချိုးဖောက်ပြီး ဆီးရီးယားနိုင်ငံသို့ ရေနံစိမ်းတင်ပို့ြ့ခြင်းကြောင့် ၎င်းသင်္ဘောအား ထိန်းသိမ်းရခြင်းဖြစ်ကြောင်း ဆိုသည်။

အီရန်က ယင်းကိစ္စကို ငြင်းဆိုထားရာ ထိန်းသိမ်းထားသည့် ရေနံသင်္ဘောအမြန်ဆုံး ပြန်လွှတ်ပေးရန် နှင့် အန္တရာယ်များသည့်ကစားပွဲ ဗြိတိန် မဆင်နွှဲရန် သတိပေးခဲ့ကြောင်း သိရသည်။(Xinhua)