North America
အမေရိကန် နိုင်ငံ နယူးမက္ကဆီကို ပြည်နယ် တွင် သေနတ်ပစ်ခတ်မှု ဖြစ်ပွား ၂ ဦး သေဆုံးပြီး ၄ ဦး ဒဏ်ရာရရှိ
လော့စ်အိန်ဂျလစ် ၊ သြဂုတ် ၂၉ ရက် (ဆင်ဟွာ)
အမေရိကန် နိုင်ငံ နယူးမက္ကဆီကို ပြည်နယ် Clovis မြို့ရှိ စာကြည့်တိုက် တစ်ခုတွင် သြဂုတ်လ ၂၈ ရက်နေ့၌ သေနတ် ပစ်ခတ်မှု ဖြစ်ပွား ခဲ့ပြီး ၂ ဦး သေဆုံးကာ ၄ ဦး ဒဏ်ရာရရှိခဲ့ကြောင်း သိရှိခဲ့ရသည်။
အမေရိကန် နိုင်ငံ သတင်းမီဒီယာ များ၏ ဖော်ပြချက်အရ သေနတ် ပစ်ခတ်မှု သည် ဒေသစံတော်ချိန် ညနေ ၄ နာရီခန့်တွင် ဖြစ်ပွား ခဲ့ပြီး Clovis မြို့ အစိုးရ အဖွဲ့ မှ တာဝန်ရှိသူတစ်ဦး က သေနတ်ပစ်ခတ်သူ ကို ဖမ်းစီး နိုင်ခဲ့ပြီး ဖြစ်ကြောင်း ဆင်ဟွာ သတင်းဌာန သို့ ပြောကြား ခဲ့သည်။
လက်ရှိချိန်တွင် ဒဏ်ရာရရှိသူ ၄ ဦး အား ဆေးရုံ သို့ ပို့ဆောင်ပေးနိုင်ခဲ့ပြီး ရဲတပ်ဖွဲ့အနေဖြင့် သေနတ်ပစ်ခတ်သူ နှင့် ပတ်သက်သည့် အချက်အလက် များကို ဖော်ပြခြင်းမရှိသေးကြောင်း သိရှိခရသည်။
Clovis မြို့ သည် အမေရိကန် နိုင်ငံ နယူးမက္ကဆီကို ပြည်နယ်ရှိ မြို့ငယ် တစ်ခု ဖြစ်ပြီး လူဦးရေ ၄ သောင်းခန့်ရှိကာ ဒေသတွင်း အဓိက စီးပွားရေးမှာ စိုက်ပျိုးရေး ဆောင်ရွက်ခြင်း ဖြစ်ကြောင်း သိရှိခဲ့ရသည်။(Xinhua)