၂၀၂၅ ခုနှစ် မတ် ၄ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— မက်ဒရစ်မြို့ခံနှစ်သင်း ထိပ်တိုက်တွေ့သည့် ချန်ပီယံလိဂ် ရှုံးထွက်ပွဲစဉ်မှာ ရလဒ်ပိုင်း ကျဉ်းမြောင်းလိမ့်မည်ဟု အန်ဆလော့တီ ခန့်မှန်း
အက်သလက်တီကို မက်ဒရစ်နှင့် ယှဉ်ပြိုင်ကစားမည့် ချန်ပီယံလိဂ် ၁၆ သင်းအဆင့် ရှုံးထွက်ပွဲစဉ်မှာ ရလဒ်ပိုင်း ကျဉ်းမြောင်းလိမ့်မည်ဟု ယူဆကြောင်း ရီးရဲလ်မက်ဒရစ်နည်းပြ ကာလို အန်ဆလော့တီက ပြောကြားခဲ့သည်။
လက်ရှိ လာလီဂါအမှတ်ပေးဇယားတွင် တစ်မှတ်သာကွာဟသည့် အဆိုပါ ပြိုင်ဘက်နှစ်သင်းမှာ ရီးရဲလ်မက်ဒရစ်၏အိမ်ကွင်း ဆန်တီယာဂို ဘာနေဗျူး၌ ယှဉ်ပြိုင်ကစားကြမည်ဖြစ်ကာ ဒုတိယအကျော့ ပွဲစဉ်ကိုမူ အက်သလက်တီကို၏ အိမ်ကွင်းဖြစ်သည့် မက်ထရိုပိုလစ်တာနို အားကစားကွင်းတွင် မတ် ၁၂ ရက်၌ ယှဉ်ပြိင်ကစားမည်ဖြစ်သည်။ အဆိုပါ ပွဲစဉ်မှာ ရလဒ်ပိုင်း ကျဉ်းမြောင်းဖွယ်ရှိသည်ဟု မတ် ၃ ရက် ပွဲကြိုသတင်းစာရှင်းလင်းပွဲတွင် အန်ဆလော့တီက ပြောကြားခဲ့သည်။
“အဲဒီပွဲစဉ်က တကယ့်ကို ဂိုးရလဒ် ကျဉ်းမြောင်းပြီး ဒုတိယအကျော့ပွဲစဉ်က အဆုံးအဖြတ် ဖြစ်လာပါလိမ့်မယ်။ ဒါပေမဲ့ ကျွန်တော်တို့ အကောင်းဆုံးယှဉ်ပြိုင်ကစားပြီး ရလဒ်ပိုင်း အသာစီးယူနိုင်ဖို့ ရည်မှန်းထားပါတယ်” ဟု အန်ဆလော့တီက ဆိုသည်။
“ဒီပွဲစဉ်က ခြေရည်တူပြီး အတော်လေး ပြိုင်ဆိုင်မှုပြင်းထန်ပါလိမ့်မယ်။ ဒါကြောင့် ကြီးကြီးမားမား အသာစီးယူနိုင်ဖို့တော့ မျှော်လင့်လို့မရပါဘူး” ဟု ၎င်းက ဝန်ခံပြောကြားခဲ့သည်။
…..
— ကမ္ဘာ့ဖလား ခြေစစ်ပွဲအတွက် အာဂျင်တီးနားအသင်း၏ ပဏာမလူစာရင်းတွင် မက်ဆီ ပါဝင်
ဥရုဂွေး၊ ဘရာဇီး အသင်းတို့နှင့် ယှဉ်ပြိုင်ကစားမည့် ကမ္ဘာ့ဖလား ခြေစစ်ပွဲစဉ်များအတွက် ရွေးချယ်ထားသော အာဂျင်တီးနားအသင်း၏ ပဏာမ ၃၃ ဦး လူစာရင်း၌ အင်တာမိုင်ယာမီ တိုက်စစ်မှူး လီယွန်နယ် မက်ဆီ ပါဝင်ကြောင်း သိရသည်။
ယခုလ နှောင်းပိုင်းတွင် ယှဉ်ပြိုင်ကစားမည့် အဆိုပါ ပွဲစဉ်များအတွက် ပဏာမလူစာရင်းတွင် လက်ရွေးစင်အသင်းအတွက် ရွေးချယ်ခံရဖူးခြင်း မရှိသေးသည့် ကလော်ဒီယို အက်ချီဗယ်ရီ (မန်ချက်စတာစီးတီး) နှင့် ဆန်တီယာဂို ကက်စထရို (ဘိုလော့ညာ) တို့ကိုလည်း ထည့်သွင်းရွေးချယ်ထားကြောင်း အာဂျင်တီးနား ဘောလုံးအဖွဲ့ချုပ်၏ တရားဝင် ဝက်ဘ်ဆိုက်တွင် ဖော်ပြထားသည်။
ကမ္ဘာ့ဖလားနှင့် ကိုပါအမေရိကဖလား လက်ရှိချန်ပီယံ အာဂျင်တီးနားအသင်းမှာ လက်ရှိတွင် ၁၂ ပွဲ ယှဉ်ပြိုင်ကစားပြီးချိန်၌ ရမှတ် ၂၅ မှတ် ရရှိထားကာ တောင်အမေရိကဇုန်၌ ဦးဆောင်လျက်ရှိပြီး ဒုတိယနေရာမှ ဥရုဂွေးအသင်းအား ငါးမှတ်ဖြတ်ထားနိုင်ခဲ့သည်။
…..
— ရင်ခုန်စိတ်လှုပ်ရှားဖွယ် ဒါဘီပွဲစဉ်နှင့် လူငယ်ကြယ်ပွင့်များ ခြေစွမ်းပြခဲ့သည့် တရုတ်စူပါလိဂ် ပွဲစဉ်-၂
တရုတ်စူပါလိဂ်ပြိုင်ပွဲ (CSL) ပွဲစဉ်-၂ အား မတ် ၃ ရက်က ယှဉ်ပြိုင်ကစားခဲ့ပြီးဖြစ်ကာ Beijing Guoan နှင့် Shanghai Shenhua အသင်း၏ ဒါဘီပွဲစဉ်မှာ ရင်ခုန်စိတ်လှုပ်ရှားစရာကောင်းခဲ့ပြီး သရေရလဒ် ထွက်ပေါ်ခဲ့ကာ လက်ရှိချန်ပီယံ Shanghai Port အသင်းကမူ ၎င်း၏အကောင်းဆုံးပုံစံကို ဆက်လက်ထိန်းထားနိုင်ခဲ့သည်။
တရုတ်နိုင်ငံ၏ အကြီးဆုံးမြို့နှစ်မြို့မှ သမိုင်းဝင် ပြိုင်ဘက်နှစ်သင်းဖြစ်သည့် Guoan နှင့် Shenhua တို့ မတ် ၁ ရက်က ယှဉ်ပြိုင်ကစားခဲ့သည့် ပွဲစဉ်တွင် ပရိသတ် ၄၀,၀၀၀ ခန့် လာရောက်အားပေးခဲ့သည်။
ထိုစဉ် Shanghai Port အသင်းက ဖေဖော်ဝါရီ ၂၈ ရက်၌ Changchun Yatai အသင်းအား အိမ်ကွင်း၌ ၂-၀ ဂိုးဖြင့် အနိုင်ရရှိကာ သုံးနှစ်ဆက်တိုက် ချန်ပီယံဖြစ်ရေးအတွက် ဆက်လက်ကြိုးပမ်းလျက်ရှိသည်။ လက်ရှိချန်ပီယံ Shanghai Port က နှစ်ပွဲကစားထားရာတွင် ရမှတ်ခြောက်မှတ် ရရှိထားပြီး အမှတ်ပေးဇယား၌ ဦးဆောင်လျက်ရှိသည်။ တရုတ်စူပါလိဂ် ပွဲစဉ်များကို ခေတ္တရပ်နားထားကာ ပွဲစဉ်-၃ ကို မတ် ၂၈ ရက်၌ ပြန်လည်စတင်မည်ဖြစ်သည်။
…..
— ဟီရန်ဗင်းမြို့တွင် ကျင်းပသည့် အမြန်စကိတ်စီး ကမ္ဘာ့ဖလားပြိုင်ပွဲ နောက်ဆုံးနေ့တွင် အိမ်ရှင်နယ်သာလန်က ရွှေတံဆိပ်သုံးခု ဆွတ်ခူး
နယ်သာလန်နိုင်ငံ ဟီရန်ဗင်းမြို့၌ ကျင်းပသည့် ISU အမြန်စကိတ်စီး ကမ္ဘာ့ဖလားပြိုင်ပွဲမှာ မတ် ၂ ရက်က ကျင်းပပြီးစီးခဲ့ပြီဖြစ်ကာ အိမ်ရှင် နယ်သာလန်အသင်းက ရွှေတံဆိပ်သုံးခု ဆွတ်ခူးနိုင်ခဲ့သည်။
လက်ရှိကမ္ဘာ့ချန်ပီယံ ဖမ်ကီကော့မှာ သီတင်းပတ်ကုန်၌ အမျိုးသမီး မီတာ ၅၀၀ ပြိုင်ပွဲတွင် ၃၇.၁၃ စက္ကန့်ဖြင့် ဒုတိယမြောက် ရွှေတံဆိပ်ဆု ဆွတ်ခူးနိုင်ခဲ့ပြီး နာမကျန်းဖြစ်ရာမှ ပြန်လည်ပြိုင်ပွဲဝင်နိုင်ခဲ့ပြီးနောက် ယခုရာသီတွင် ရှုံးပွဲမရှိစံချိန်ကို ဆက်လက်ထိန်းထားနိုင်ဆဲဖြစ်သည်။ ဗိုင်းရပ်စ်ကူးစက်မှုကြောင့် ရာသီဝက်ကြာ ပြိုင်ပွဲနှင့်လွဲချော်ခဲ့ရသည့် ၎င်းအနေဖြင့် ယခုနှစ် မီတာ ၅၀၀ ကမ္ဘာ့ဖလားပြိုင်ပွဲ ငါးခုတွင် ရွှေတံဆိပ်ငါးခု ဆွတ်ခူးထားပြီးဖြစ်သည်။ (Xinhua)

(250302) — CHENGDU, March 2, 2025 (Xinhua) — Xadas (R) of Tianjin Jinmen Tiger competes during the 2nd round match between Chengdu Rongcheng and Tianjin Jinmen Tiger at the 2025 season Chinese Football Super League (CSL) in Chengdu, southwest China’s Sichuan Province, March 2, 2025. (Xinhua/Wang Xi)

……………………..
(English Version)
Ancelotti expecting close tie in all-Madrid Champions League derby
Real Madrid coach Carlo Ancelotti believes his side’s Champions League last-16 tie against Atletico Madrid is going to be defined by fine margins.
The two teams, currently separated by just one point in La Liga, meet on Tuesday in the Santiago Bernabeu Stadium, with the return leg on March 12 in Atletico’s Metropolitano Stadium, and speaking to the press on Tuesday, Ancelotti said he expected the tie to be close.
“It’s going to be a really close tie and it will be decided in the return leg, but our aim is to play well and take a lead,” said Ancelotti.
“The game is going to be even and very competitive and we can’t think about getting a big lead,” he admitted.
…..
Messi named in provisional Argentina squad for World Cup qualifiers
Inter Miami forward Lionel Messi was among 33 players included in a provisional Argentina squad for World Cup qualifiers against Uruguay and Brazil.
Uncapped pair Claudio Echeverri (Manchester City) and Santiago Castro (Bologna) were also named on a preliminary list for the matches later this month, the Argentine Football Association said on its official website.
The reigning World Cup and Copa America champion currently leads the South American zone standings with 25 points from 12 games, five points ahead of second-placed Uruguay.
…..
Dramatic derby, rising stars highlight Chinese Super League round 2
The Chinese Super League (CSL) concluded its second round on Monday, headlined by a thrilling Beijing Guoan-Shanghai Shenhua derby draw and defending champion Shanghai Port maintaining its perfect start.
Some 40,000 fans packed the stadium for Saturday’s clash between Guoan and Shenhua, two historic rivals from China’s largest cities.
Meanwhile, Shanghai Port continued their quest for a third straight title with a 2-0 home win over Changchun Yatai on Friday. The reigning champion now leads the standings with six points from two matches. The league now enters a brief hiatus, resuming on March 28 for the third round.
…..
Host Netherlands grabs 3 golds on final day of Speed Skating World Cup in Heerenveen
The Netherlands ended the final day of the ISU Speed Skating World Cup in Heerenveen with three gold medals on Sunday.
Femke Kok claimed her second gold of the weekend in the women’s 500m, finishing in 37.13 seconds to remain unbeaten in the event this season since returning from illness. The reigning world champion, who missed the first half of the season due to a viral infection, has now won five gold medals in five World Cup 500m races this year.