ကမ္ဘာ့ဖလားပြိုင်ပွဲမှ အနားယူမည်ဟု မက်ဆီ အရိပ်အမြွက်ပြောကြား

ဗျူနိုအေးရိစ်၊ သြဂုတ် ၂၉ ရက် (ဆင်ဟွာ)
လီယွန်နယ်မက်ဆီက လာမည့်နှစ်၌ ကျင်းပမည့် ဖီဖာကမ္ဘာ့ဖလားပြိုင်ပွဲတွင် နိုင်ငံတကာဘောလုံးလောကအား နှုတ်ဆက်သွားမည်ဖြစ်ကြောင်း ၎င်းက အခိုင်အမာ အရိပ်အမြွက် ပြောကြားလိုက်ကြောင်း သိရသည်။
အမေရိကန်၊ မက္ကဆီကိုနှင့် ကနေဒါနိုင်ငံတို့တွင် ကျင်းပမည့် ၂၀၂၆ ခုနှစ် ဖိုင်နယ်အဆင့်ပြိုင်ပွဲများ၌ နေရာတစ်နေရာရရန် သေချာနှင့်ပြီးဖြစ်သော အာဂျင်တီးနားနိုင်ငံက စက်တင်ဘာ ၉ ရက်တွင် အီကွေ‌ဒေါအသင်းနှင့် အဝေးကွင်းယှဥ်ပြိုင်မှု ခြေစစ်ပွဲမတိုင်မီ စက်တင်ဘာ ၄ ရက်၌ အိမ်ရှင်အဖြစ် ဗျူနိုအေးရိစ်မြို့ရှိ Monumental Stadium အားကစားကွင်း၌ ဗင်နီဇွဲလားအသင်းနှင့် ယှဥ်ပြိုင်ကစားရမည်ဖြစ်သည်။
“ဒီ (ဗင်နီဇွဲလား) ပွဲစဉ်က နောက်ဆုံးခြေစစ်ပွဲဖြစ်လို့ ကျွန်တော့်အတွက် သိပ်ကို ထူးခြားတဲ့ပွဲဖြစ်မှာပါ” ဟု အသက် ၃၈ နှစ်အရွယ် ရှေ့တန်းတိုက်စစ်မှူး မက်ဆီက အင်တာမိုင်ယာမီအသင်းကို လိဂ်ဖလားဖိုင်နယ်အဆင့်သို့ ရောက်ရှိစေခဲ့ပြီးနောက် သတင်းထောက်များအား ပြောကြားခဲ့ခြင်းဖြစ်သည်။
မက်ဆီက ၎င်း၏မိသားစုမှာ ဗင်နီဇွဲလားပွဲအား လာရောက်ကြည့်ရှုကြမည်ဖြစ်ပြီး ယင်းကစားပွဲက ပြည်တွင်းပရိသတ်များရှေ့၌ ၎င်း၏နောက်ဆုံးအခွင့်အရေးဖြစ်ဖွယ်ရှိကြောင်း အသိပေးပြောကြားခဲ့သည်။
“ဗင်နီဇွဲလားနဲ့ပွဲပြီးရင် ချစ်ကြည်ရေးခြေစမ်းပွဲတွေ ဒါမှမဟုတ် နောက်ထပ်ပွဲတွေ ရှိဦးမလားမသိပေမဲ့ ဒီပွဲကတော့ အရမ်းထူးခြားတဲ့ပွဲပါ၊ ဒါကြောင့် ကျွန်တော့်ဇနီး၊ ကျွန်တော့်ရဲ့ သားသမီးတွေ၊ မိဘတွေ၊ မောင်နှမတွေ ကျွန်တော်နဲ့အတူ ရှိနေမှာပါ” ဟုလည်း ၎င်းက ဖြည့်စွက်ပြောကြားခဲ့သည်။
အာဂျင်တီးနားအသင်းခေါင်းဆောင် မက်ဆီက ၂၀၂၆ ခုနှစ်တွင် အာဂျင်တီးနား၏ ချန်ပီယံဆုကို ကာကွယ်မှုက ၎င်း၏ နိုင်ငံတကာ ကစားသမားဘဝ ကုန်ဆုံးမှုကို ဂုဏ်ပြုမည်ဟုလည်း ယခင်က ထုတ်ဖော်ပြောကြားခဲ့သည်။ ဘာစီလိုနာနှင့် ပဲရစ်စိန့်ဂျာမိန်းအသင်းတို့၏ ကြယ်ပွင့်ဟောင်းလည်းဖြစ်သော မက်ဆီက နောက်လာမည့်ကမ္ဘာ့ဖလားခြေစစ်ပွဲများ ၂၀၂၇ ခုနှစ်တွင် စတင်သောအခါ အသက် ၄၀ အရွယ်ရှိမည်ဖြစ်သည်။
တောင်အမေရိကဘောလုံးအဖွဲ့ချုပ် CONMEBOL က မက်ဆီ၏ မှတ်ချက်များအား သံယောင်လိုက်၍ အာဂျင်တီးနားအသင်းအင်္ကျီ ဝတ်ထားသော မက်ဆီ၏ရုပ်ပုံနှင့်အတူ “နောက်ဆုံးပွဲ လာမည်” ဟု ဩဂုတ် ၂၈ ရက်၌ ဖော်ပြခဲ့ကြောင်း သိရသည်။
Ballon d’Or ဆု ၈ ဆု ဆွတ်ခူးထားသော မက်ဆီက အာဂျင်တီးနား၏ ထာဝရဂိုးသွင်းအများဆုံးနှင့် ပွဲအများဆုံးကစားရသည့် ကစားသမားဖြစ်သည်။ ၎င်း၏သရဖူဆောင်းချိန်မှာ ကာတာနိုင်ငံတွင် တတိယမြောက် ကမ္ဘာ့ဖလားအောင်ပွဲရရှိရန် အသင်းအတွက် စွမ်းဆောင်ပေးခဲ့သော ၂၀၂၂ ခုနှစ် ဒီဇင်ဘာလ၌ ဖြစ်သည်။ (Xinhua)

ကာတာနိုင်ငံ လူဆေးလ်မြို့ရှိ လူဆေးလ်အားကစားကွင်း၌ ၂၀၂၂ ခုနှစ် ဖီဖာကမ္ဘာ့ဖလားဘောလုံးပြိုင်ပွဲ၏ ဆုပေးပွဲအခမ်းအနားအတွင်း ကမ္ဘာ့ဖလားဆုအား ကြည့်ရှုနေသော အာဂျင်တီးနားအသင်းမှ လီယွန်နယ်မက်ဆီအား ၂၀၂၂ ခုနှစ် ဒီဇင်ဘာ ၁၈ ရက်က တွေ့ရစဥ် (ဆင်ဟွာ)

ကာတာနိုင်ငံ မြို့တော်ဒိုဟာတွင် ၂၀၂၂ ခုနှစ် ဖီဖာကမ္ဘာ့ဖလားဘောလုံးပြိုင်ပွဲ၌ ဆော်ဒီအာရေဗျအသင်းနှင့် အာဂျင်တီးနားအသင်းတို့အကြား အုပ်စု C ပွဲစဥ်မတိုင်မီ တစ်ရက်အလို ၂၀၂၂ ခုနှစ် နိုဝင်ဘာ ၂၁ ရက်က ပြုလုပ်သည့် သတင်းစာရှင်းလင်းပွဲသို့ တက်ရောက်လာသော အာဂျင်တီးနားအသင်းမှ ရှေ့တန်းကစားသမား လီယွန်နယ် မက်ဆီအား တွေ့ရစဥ် (ဆင်ဟွာ)

……………………
(English Version)
Messi drops World Cup retirement hint
BUENOS AIRES, Aug. 28 (Xinhua) — Lionel Messi has given his strongest hint yet that he will bid farewell to international football at next year’s FIFA World Cup.
Argentina, already assured of a place at the 2026 finals in the United States, Mexico and Canada, will host Venezuela on September 4 at the Monumental Stadium in Buenos Aires before completing qualifying away to Ecuador on September 9.
“It [the Venezuela clash] is going to be a very, very special match for me because it’s the last qualifying match,” the 38-year-old forward told reporters after leading Inter Miami into the Leagues Cup final.
Messi said his family will be present for the Venezuela game and acknowledged it could be his last opportunity to appear in front of home fans.
“I don’t know if there will be friendlies or more matches [after Venezuela], but it is a very special match, so my wife, my children, my parents, my siblings will be there with me,” he added.
The Albiceleste captain has signaled before that Argentina’s title defense in 2026 would mark the end of his international career. The former Barcelona and Paris Saint-Germain star will be 40 when the next World Cup qualifiers begin in 2027.
South American football governing body CONMEBOL echoed his comments on Thursday, posting “the last dance is coming” alongside a picture of Messi in an Argentina shirt.
Messi, the winner of eight Ballon d’Or trophies, is Argentina’s all-time leading scorer and most-capped player. His crowning moment came in December 2022 when he led the team to its third World Cup triumph in Qatar. ■
English Caption 1
Argentina’s Lionel Messi (L) attends a training session ahead of an international friendly match against Australia at Workers’ Stadium in Beijing, capital of China, June 14, 2023. (Xinhua/Jia Haocheng)
English Caption 2
Lionel Messi of Argentina looks at the World Cup Trophy during the awarding ceremony of the 2022 FIFA World Cup at Lusail Stadium in Lusail, Qatar, Dec. 18, 2022. (Xinhua/Cao Can)
English Caption 3
Argentina’s forward Lionel Messi attends a press conference one day ahead of the group C match between Argentina and Saudi Arabia at the 2022 Qatar FIFA World Cup in Doha, Qatar, Nov. 21, 2022. (Xinhua/Xia Yifang)