တရုတ်ဘက်က တရုတ်-အမေရိကန် ဆက်ဆံရေး အနေအထားအသစ်ကို ရည်ရွယ်ချက်တူ လျှောက်လှမ်းသည့် လှုပ်ရှားမှုများအဖြစ် ပြောင်းလဲရန် အမေရိကန်ဘက်နှင့်အတူ လုပ်ဆောင်သွားရန် ဆန္ဒရှိကြောင်း တရုတ်နိုင်ငံခြားရေးဝန်ကြီးဌာန ဆို

ပေကျင်း၊ မေ ၁၄ ရက် (ဆင်ဟွာ)

ယနေ့နံနက်ပိုင်းတွင် သမ္မတ ရှီကျင့်ဖိန် နှင့် သမ္မတ ထရမ့် တို့သည် တွေ့ဆုံဆွေးနွေးမှုများ ပြုလုပ်ခဲ့ပြီး “အပြုသဘောဆောင်သော မဟာဗျူဟာမြောက် တည်ငြိမ်မှုရှိသည့် တရုတ်-အမေရိကန် ဆက်ဆံရေး” အနေအထားအသစ် တည်ဆောက်ရေးနှင့် စပ်လျဉ်း၍ နှစ်ဖက် သဘောတူညီမှုများ ရရှိခဲ့ရာ နောင်လာမည့် ၃ နှစ်မှသည် ပိုမိုရှည်လျားသော ကာလတွင် တရုတ်-အမေရိကန် ဆက်ဆံရေးအတွက် မဟာဗျူဟာ လမ်းညွှန်မှုများ ပေးအပ်မည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကောကျားခွန်းက မေ ၁၄ ရက် ပုံမှန်သတင်းစာရှင်းလင်းပွဲ၌ မီဒီယာများ၏ မေးမြန်းမှုကို ဖြေကြားစဉ် ပြောကြားခဲ့သည်။
“အပြုသဘောဆောင်သော မဟာဗျူဟာမြောက် တည်ငြိမ်မှု” သည် ပူးပေါင်းဆောင်ရွက်မှုကို အဓိကထားသည့် အပြုသဘောဆောင်သော တည်ငြိမ်မှု၊ အသင့်အတင့် ယှဉ်ပြိုင်မှုရှိသော ကောင်းမွန်သည့် တည်ငြိမ်မှု၊ ကွဲလွဲမှုများကို ထိန်းချုပ်နိုင်သည့် ပုံမှန်တည်ငြိမ်မှု၊ ငြိမ်းချမ်းရေး မျှော်မှန်းနိုင်သော ရေရှည်တည်ငြိမ်မှု ဖြစ်သင့်ကြောင်း၊ တရုတ်နိုင်ငံသည် အမေရိကန်နိုင်ငံနှင့်အတူ တရုတ်-အမေရိကန် ဆက်ဆံရေး အနေအထားအသစ်ကို ရည်ရွယ်ချက်တူ လျှောက်လှမ်းသည့် လှုပ်ရှားမှုများအဖြစ် ပြောင်းလဲရန်၊ တရုတ်-အမေရိကန် ဆက်ဆံရေးအား တည်ငြိမ်၊ ကောင်းမွန်ပြီး စဉ်ဆက်မပြတ် ဖွံ့ဖြိုးတိုးတက်စေရေး အတူတကွ မြှင့်တင်ဆောင်ရွက်သွားရန် ဆန္ဒရှိကြောင်း ကောကျားခွန်းက ပြောကြားခဲ့သည်။ (Xinhua)

……………………….
(Chinese Version)
外交部：中方愿同美方一道将中美关系新定位转化为相向而行的行动
新华社北京5月14日电（记者万倩仪、马卓言）外交部发言人郭嘉昆14日在例行记者会上回答提问时表示，今天上午，习近平主席同特朗普总统举行会谈，双方就构建“中美建设性战略稳定关系”新定位达成共识，为未来3年乃至更长时间的中美关系提供战略指引。
郭嘉昆说，“建设性战略稳定”应该是合作为主的积极稳定、竞争有度的良性稳定、分歧可控的常态稳定、和平可期的持久稳定。中方愿同美方一道，将中美关系新定位转化为相向而行的行动，共同推动中美关系稳定、健康、可持续发展。（完）