Connect with us

Asia

မြောက်ကိုရီးယား ခေါင်းဆောင် ကင်ဂျုံအန်း က နျူကလီးယား လက်နက်များအား အသင့်ပြင်ထားရန် ပြောကြား

ပဲ့ထိန်းဒုံးကျည်များအား ကြည့်ရှုစစ်ဆေးနေသည့် မြောက်ကိုရီးယား ခေါင်းဆောင် ကင်ဂျုံအန်း အား တွေ့ရစဉ် (ဓာတ်ပုံ-အင်တာနက်)

ပြုံယမ်း၊ မတ် ၁၁ ရက် (ဆင်ဟွာ)

မြောက်ကိုရီးယားနိုင်ငံ (DPRK) ခေါင်းဆောင် ကင်ဂျုံအန်း က နျူကလီးယား လက်နက်များအား စစ်ရေး လှုပ်ရှားမှုများအတွက် အသင့်ပြင်ထားရန် ပဲ့ထိန်း ဒုံးကျည်များ ပစ်ခတ်သည့် စစ်ရေးလေ့ကျင့်ပွဲသို့ တက်ရောက် ကြည့်ရှုစဉ် အမိန့်ပေး ညွှန်ကြားခဲ့ကြောင်း သိရသည်။

ကင်သည် တောင်ကိုရီးယားနိုင်ငံ (ROK) ၏ တိုက်ခိုက်မှု ညွှန်ကြားရေး စင်တာများနှင့် အာရှ-ပစိဖိတ် ဒေသအတွင်းရှိ အမေရိကန်နိုင်ငံ စစ်အခြေစိုက် စခန်းများ အား ပစ်မှတ်ထားသည့် မဟာဗျူဟာမြောက် စစ်တပ်၏ နျူကလီးယား လက်နက်များအား စစ်ရေးလှုပ်ရှားမှုများ နှင့် တိကျ ပြတ်သားသော စစ်ပွဲတစ်ခု အတွက် အသင့်ပြင်ထားရန် အမိန့်ပေးညွှန်ကြားခဲ့ကြောင်း သိရသည်။

ကင် က နျူကလီးယားဆိုင်ရာ သုတေသန လုပ်ငန်းနှင့် ဒုံးပျံသုတေသန လုပ်ငန်းများကြား ပူးပေါင်းဆောင်ရွက် မှုများ ပိုမိုအားကောင်းလာစေရန် လိုအပ်ကြောင်း၊ အသစ် ထုတ်လုပ်လိုက်သည့် နျူကလီးယား ထိပ်ဖူးများ၏ စွမ်းအားကို ခန့်မှန်းတွက်ချက်နိုင်ရန်နှင့် နျူကလီးယားတိုက်ခိုက်မှု စွမ်းရည် မြင့်မားလာစေရန် အနာဂါတ်တွင် နျူကလီးယားဆိုင်ရာ စမ်းသပ်ချက်များ ပိုမိုလုပ်ဆောင်ရန် ညွှန်ကြားခဲ့ကြောင်း သိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.