အိန္ဒိယ မောင်းသူမဲ့ ဒရုန်းအား ပါကစ္စတန် စစ်တပ်က ပစ်ချ

အစ္စလာမ်မာဘတ် ၊ ဇန်နဝါရီ ၃ ရက်(ဆင်ဟွာ)

ပါကစ္စတန် ထိန်းချုပ်ထားသည့် ကက်ရှမီးယား(Kashmir) ဒေသအတွင်း၌ အိန္ဒိယ မောင်းသူမဲ့ ဒရုန်းတစ်စင်းအား ဇန်နဝါရီလ ၂ ရက် နှောင်းပိုင်းတွင် ပါကစ္စတန် ကြည်းတပ်က ပစ်ချခဲ့ရာ ယင်းမှာ နှစ်ရက် အတွင်း ဒုတိယအကြိမ်မြောက် မောင်းသူမဲ့ ဒရုန်းအား ပစ်ချခဲ့ခြင်း ဖြစ်ကြောင်း ပါကစ္စတန် စစ်တပ်က ပြောကြားခဲ့သည်။

အိန္ဒိယ-ပါကစ္စတန် နှစ်နိုင်ငံ ထိန်းချုပ်ထားသည့် Kashmir ဒေသ နယ်နိမိတ်မျဉ်းအနီး Satwal နယ်မြေတွင် ပါကစ္စတန် စစ်သားများက အိန္ဒိယ ထောက်လှမ်းရေး မောင်းသူမဲ့ ဒရုန်းအား ပစ်ချခဲ့ကြောင်း ပါကစ္စတန် စစ်တပ်၏ ပြောခွင့်ရ ပုဂ္ဂိုလ် Asif Ghafoor က ၎င်း၏ တွစ်တာ စာမျက်နှာတွင် ရေးသားခဲ့သည်။

ထို့အတူ Bagh နယ်မြေတွင်လည်း အခြား အိန္ဒိယ ထောက်လှမ်းရေး မောင်းသူမဲ့ယာဉ် အား ဇန်နဝါရီ ၁ ရက်တွင် ပစ်ချ ခဲ့ကြောင်း ပါကစ္စတန် စစ်တပ်က ပြောကြားခဲ့သည်။

အဆိုပါ ဖြစ်စဉ်များသည် အိန္ဒိယ-ပါကစ္စတန် နှစ်နိုင်ငံ ဆက်ဆံရေး အကြားတွင် နယ်စပ် ဖြတ်ကျော်မှုများကြောင့် ပစ်ခတ်မှုများဖြင့် တင်းမာနေချိန်တွင် ဖြစ်ပွားခဲ့ကြောင်း သိရသည်။

အိန္ဒိယ-ပါကစ္စတန် နှစ်နိုင်ငံ ထိန်းချုပ်ထားသည့် နယ်စပ် ဖြတ်ကျော်မှုများအား ပစ်ခတ်မှုများ အတွင်း အိန္ဒိယ တပ်ဖွဲ့များ၏ ပစ်ခတ်မှုကြောင့် အမျိုးသမီး တစ်ဦး သေဆုံးကာ ၉ ဦး ဒဏ်ရာ ရရှိခဲ့ကြောင်း ပါကစ္စတန် စစ်တပ်က ပြောသည်။

ပါကစ္စတန် နှင့် အိန္ဒိယ နှစ်နိုင်ငံသည် ၂၀၀၃ ခုနှစ်တွင် နှစ်နိုင်ငံ ထိန်းချုပ်နယ်မြေမျဉ်းတစ်လျောက် အပစ်အခတ် ရပ်စဲရေးအား ကြေညာခဲ့ပြီး နှစ်ဘက်စလုံးကပင် အပစ်အခတ် ရပ်စဲရေး ချိုးဖောက်ကြကြောင်း တစ်ဦးကို တစ်ဦး အပြန်အလှန် စွပ်စွဲ ပြစ်တင်ကြသည်။ (Xinhua)