မြောက်ကိုရီးယား နိုင်ငံ ကို ဒုံးကျည် တွန်းအားပေး စက်ကိရိယာ ရောင်းချခဲ့မှု နှင့် ပတ်သက်၍ ယူကရိန်း နိုင်ငံ က ငြင်းဆို

ကိယက်ဗ် ၊ သြဂုတ် ၁၅ ရက် (ဆင်ဟွာ)

ယူကရိန်း နိုင်ငံ နိုင်ငံတော် လုံခြုံရေး နှင့် ကာကွယ်ရေး ကော်မတီ အတွင်းရေးမှူး Oleksandr Turchynov က သြဂုတ်လ ၁၄ ရက်နေ့၌ ယူကရိန်း နိုင်ငံ လုပ်ငန်းကုမ္ပဏီ တစ်ခု မှ မြောက်ကိုရီးယား နိုင်ငံ အား ဒုံးကျည် တွန်းအားပေး စက်ကိရိယာ ရောင်းချမှု နှင့် ပတ်သက်၍ ငြင်းဆိုမှု ပြလုပ်ခဲ့သည်။

Turchynov က ဒေသတွင်း မီဒီယာ များ၏ တွေ့ဆုံမေးမြန်းမှု ကို ဖြေကြားခဲ့ရာတွင် ပြည်ပ မီဒီယာ များ၏ သက်ဆိုင်ရာ သတင်းဖော်ပြမှု များသည် လက်တွေ့လုံးဝမကျကြောင်း ၊ ယူကရိန်း နိုင်ငံ မှ မြောက်ကိုရီးယား နိုင်ငံအား ဒုံးကျည် တွန်းအားပေး စက်ကိရိယာ ရောင်းချခဲ့သည် ဟု ပြောကြားခြင်းများသည် သက်သေ အထောက်အထား လုံးဝ မရှိကြောင်း ပြောကြား ခဲ့သည်။

ထို့ပြင် Turchynov က ယူကရိန်း နိုင်ငံ အနေဖြင့် ကုလသမဂ္ဂ ၏ ဆုံးဖြတ်ချက်များကို လုံးဝထောက်ခံ သဖြင့် မြောက်ကိုရီးယား နိုင်ငံ သို့ ဒုံးကျည် တွန်းအားပေး စက်ကိရိယာ အပြင် အန္တရယ်ရှိနိုင်သော မည်သည့် စက်ကိရိယာ ကိုမှ ရောင်းချမည် မဟုတ်ကြောင်း ပြောကြား ခဲ့သည်။

အမေရိကန် နိုင်ငံ NewYork Times သတင်းဌာန က သြဂုတ်လ ၁၄ ရက်နေ့၌ မြောက်ကိုရီးယား နိုင်ငံ ၏ အမေရိကန် နိုင်ငံ အထိ ရောက်ရှိ နိုင်သော ဒုံးကျည် စမ်းသပ်မှု အောင်မြင်ခဲ့ခြင်းသည် အဓိက အားဖြင့် ယူကရိန်း နိုင်ငံ မှ လုပ်ငန်း ကုမ္ပဏီ များသည် စစ်လက်နက် မှောင်ခိုဈေးကွက်မှ မြောက်ကိုရီးယား နိုင်ငံ သို့ ဒုံးကျည် တွန်းအားပေး စက်ကိရိယာ ရောင်းချခဲ့ခြင်းကြောင့် ဖြစ်ကြောင်း ရေးသားဖော်ပြခဲ့သည် ဟု သိရှိခဲ့ရသည်။(Xinhua)