North America
ဗာဂျီးနီးယားကမ်းခြေ သေနတ်ပစ်ခတ်မှုအတွင်း အနည်းဆုံး လူ ၁၃ ဦးသေဆုံး၊ ၆ ဦး ဒဏ်ရာရ
ဝါရှင်တန်၊ ဇွန် ၁ ရက် (ဆင်ဟွာ)
အမေရိကန်နိုင်ငံ ဗာဂျီးနီးယားကမ်းခြေတွင် မေလ ၃၁ ရက်က သေနတ်ပစ်ခတ်မှုဖြစ်ပွားခဲ့ရာ အနည်းဆုံး လူ ၁၃ ဦးသေဆုံးပြီး ၆ ဦး ဆေးရုံတင်လိုက်ရကြောင်း ဒေသခံရဲတပ်ဖွဲ့က သတင်းစာရှင်းလင်းပွဲ၌ ပြောကြားခဲ့သည်။
သေနတ်သမားမှာ အလုပ်သမားတစ်ဦးဖြစ်ပြီး သေဆုံးသွားခဲ့ကြောင်း ဗာဂျီးနီးယားကမ်းခြေရဲချုပ် ဂျင်မ်ဆာဗီရာ (Jim Cervera) က ပြောခဲ့သည်။
အဆိုပါ ပစ်ခတ်မှုမှာ အမေရိကန်နိုင်ငံ အရှေ့ပိုင်း ဗာဂျီးနီးယားပြည်နယ် ဗာဂျီးနီးယားကမ်းခြေတွင် မေလ ၃၁ ရက် နေ့လယ်ပိုင်းက ဖြစ်ပွားခဲ့ခြင်းဖြစ်သည်။
“ဒါကတော့ ဗာဂျီးနီးယားကမ်းခြေသမိုင်းမှာ ဝမ်းနည်းစရာအကောင်းဆုံးနေ့ပါပဲ” ဟု မြို့တော်ဝန် Bobby Dwyer က ပြောကြားခဲ့သည်။
“သေဆုံးခဲ့တဲ့ထဲမှာပါဝင်တဲ့လူတွေက ကျွန်တော်တို့ မိတ်ဆွေတွေ၊ အလုပ်သမားတွေ၊ အိမ်နီးချင်းတွေနဲ့ လုပ်ဖော်ကိုင်ဖက်တွေ ဖြစ်ပါတယ်” ဟု ၎င်းက ဆိုသည်။ (Xinhua)