၂၀၂၄ ခုနှစ် ဒီဇင်ဘာ ၂၄ ရက်အတွက် ဆင်ဟွာ၏ စိတ်ဝင်စားဖွယ်ရာ အားကစားသတင်းကောက်နုတ်ချက်

— ဘွန်ဒက်စ်လီဂါတွင် ဒေ့ါမွန်က ဝုဖ်ဘတ်ကို အနိုင်ယူ
၂၀၂၄ ခုနှစ်၏ ဘွန်ဒက်စ်လီဂါ နောက်ဆုံးပွဲစဥ်အဖြစ် ဒေ့ါမွန်အသင်းနှင့် ဝုဖ်ဘတ်အသင်းတို့ ဒီဇင်ဘာ ၂၂ ရက်က ယှဥ်ပြိုင်ကစားခဲ့ရာ ဒေ့ါမွန်က ၃-၁ ဂိုးဖြင့် အနိုင်ရရှိခဲ့ပြီး အနိုင်ဂိုး ၃ ဂိုးစလုံးကို ပထမပိုင်းမှာပင် ၅ မိနစ်အတွင်း သွင်းယူခဲ့ခြင်းဖြစ်သည်။
ဒေ့ါမွန်အနေဖြင့် ပွဲစစချင်းကတည်းကပင် စိုးမိုးထားခဲ့ပြီး ပွဲချိန် ၂၅ မိနစ်တွင် ဒွန်ရယ်လ် မာလန်က ထောင့်ကန်ဘောမှတစ်ဆင့် ခေါင်းတိုက်၍ အဖွင့်ဂိုးသွင်းယူခဲ့သည်။ သုံးမိနစ်အကြာတွင် ဂျူလီယန် ဘရန့်ထ်၏ကန်ချက် လျှံထွက်လာစဥ် မက်စီမီလီယန် ဘိုင်ယာက အနီးကပ်ပိတ်သွင်း၍ ဒုတိယဦးဆောင်ဂိုး သွင်းယူခဲ့သည်။ ဒေ့ါမွန်အသင်းက ဆက်လက် တိုက်စစ်ဆင်ကစားခဲ့ပြီး ဘရန့်ထ်က ပွဲချိန် ၃၀ မိနစ်တွင် တတိယဂိုး သွင်းယူခဲ့သည်။
ဒုတိယပိုင်း ပြန်စချိန်တွင် ဒေ့ါမွန်က ခံစစ်ကို အားပြုကစားခဲ့ရာ ဝုဖ်ဘတ်က ပွဲကိုပြန်ထိန်းချုပ်နိုင်ခဲ့ပြီး ပွဲချိန် ၅၈ မိနစ်တွင် ဒန်းနစ်စ် ဗက်ဗ်ရိုက ထောင့်ကန်ဘောမှတစ်ဆင့် ခေါင်းတိုက်၍ အိမ်ရှင်အသင်းအတွက် ချေပဂိုးတစ်ဂိုး သွင်းယူခဲ့သည်။
ထို့နောက် ဒေ့ါမွန်အသင်းမှ ပါစကယ် ဂရော့စ်က ဝုဖ်ဘတ်မှ လူးကက်စ် မီချာကို ပြစ်ဒဏ်ကျူးလွန်ခဲ့သဖြင့် တိုက်ရိုက်အနီကတ်ဖြင့် ထုတ်ပယ်ခံရပြီးနောက် ဒေ့ါမွန်အနေဖြင့် ပိုမိုအခက်ကြုံခဲ့ရသည်။ သို့သော် လူတစ်ယောက် အသာရထားသည့် ဝုဖ်ဘတ်အနေဖြင့် ပွဲချိန်‌နှောင်းပိုင်းတွင် အပိုင်အခွင့်အရေးများ ဖန်တီးနိုင်ခြင်း မရှိသည့်အတွက် ဒေ့ါမွန်က အနိုင်သုံးမှတ်ကို ရယူနိုင်ခဲ့သည်။
…..
— ဗက်စကို ဒဂါးမားအသင်းက ဒေးဗစ်လူးဝစ်စ်ကို ခေါ်ယူရန် စိတ်ဝင်စားနေ
ဘရာဇီးလက်ရွေးစင် နောက်ခံလူဟောင်း ဒေးဗစ်လူးဝစ်ဇ်မှာ ဖလာမင်ဂိုအသင်းနှင့် လမ်းခွဲပြီးနောက် ရီယိုဒီဂျနေးရိုး မြို့ခံပြိုင်ဘက် ဗက်စကို ဒဂါးမားအသင်းထံ ပြောင်းရွှေ့ဖွယ်ရှိကြောင်း ဘရာဇီးမီဒီယာများ၏ ဖော်ပြချက်အရ သိရသည်။
ဗက်စကို ဒဂါးမားအသင်းသည် ရာသီကြိုကာလတွင် ခံစစ်ပိုင်းအားဖြည့်ရန် ပြင်ဆင်လျက်ရှိပြီး မန်နေဂျာသစ် ဖေဘီယို ကာရီလီလက်ထက်၌ ခေါ်ယူလိုသည့် ကစားသမားစာရင်းတွင် လူးဝစ်စ်က ထိပ်ဆုံးမှပါဝင်နေသည်ဟု Globoesporte သတင်းစာက ဖော်ပြခဲ့သည်။ ထို့အတူ အသက် ၃၇ နှစ်အရွယ် လူးဝစ်စ်သည် ဘရာဇီးနှင့် ပြည်ပမှ ကလပ်အသင်းအချို့၏ ကမ်းလှမ်းမှုများကိုလည်း ရရှိထားကြောင်း သိရသည်။
…..
— CBA ပြိုင်ပွဲတွင် Zhejiang Lions က သုံးပွဲဆက်အနိုင်ရရှိကာ အမှတ်ပေးဇယားကို ဦးဆောင်နေ
၂၀၂၄-၂၀၂၅ ခုနှစ် တရုတ်ဘတ်စကက်ဘောအဖွဲ့ချုပ် (CBA) ပြိုင်ပွဲ၊ ပုံမှန်ရာသီ၏ ပွဲစဥ်-၂၁ တွင် Zhejiang Lions အသင်းက Nanjing Monkey Kings အသင်းအား ၁၀၁-၈၈ မှတ်ဖြင့် အနိုင်ယူကာ သုံးပွဲဆက် အနိုင်ရလဒ်ကို ရယူနိုင်ခဲ့သဖြင့် အမှတ်ပေးဇယား ထိပ်ဆုံးသို့ တက်လှမ်းနိုင်ခဲ့ကြောင်း သိရသည်။ (Xinhua)

……………………….
(English Version)
Dortmund downs Wolfsburg in Bundesliga
Three first-half goals in a five-minute span propelled Borussia Dortmund to a 3-1 victory over Wolfsburg in the final Bundesliga match of 2024 on Sunday.
Dortmund dominated from the outset and opened the scoring in the 25th minute when Donyell Malen headed home Ramy Bensebaini’s corner. Just three minutes later, Dortmund doubled its lead. Maximilian Beier reacted quickly to the rebound of Julian Brandt’s initial shot and slotted home from close range. Dortmund continued its attack, and Brandt got on the scoresheet in the 30th minute.
After the break, Dortmund turned defensive and allowed Wolfsburg to take control. The home side pulled one back in the 58th minute when Denis Vavro nodded in Maximilian Arnold’s corner.
Dortmund’s situation worsened moments later when Pascal Gross was shown a straight red card for a foul on Lukas Nmecha, who was through on goal. Despite its numerical advantage, Wolfsburg failed to create clear-cut chances in the closing stages as Dortmund held on for three points.
…..
Vasco da Gama shows interest in David Luiz
Former Brazil international defender David Luiz could join Vasco da Gama after his release from Rio de Janeiro rival Flamengo, according to media reports in the South American country.
Vasco is seeking to bolster its defense in the off-season and Luiz is at the top of the club’s wishlist under new manager Fabio Carille, Globoesporte reported. It added that the 37-year-old had also received offers from other clubs in Brazil and abroad.
…..
Zhejiang Lions leads standings after third consecutive win
The Zhejiang Lions beat the Nanjing Monkey Kings 101-88 and climbed to the top of the Chinese Basketball Association league (CBA) as the team notched its third consecutive victory in the 21st round of 2024-25 CBA regular season.