ထရမ့်က နိုင်ငံအများအပြားအပေါ် စည်းကြပ်ခွန် ကောက်ခံမှုက ဥပဒေချိုးဖောက်ရာကျသည်ဟု အမေရိကန် ပြည်ထောင်စု အယူခံတရားရုံး စီရင်ချက်ချ

ဝါရှင်တန်၊ ဩဂုတ် ၃၀ ရက် (ဆင်ဟွာ)
အမေရိကန်က သမ္မတ ထရမ့်က နိုင်ငံအများအပြားအပေါ် စည်းကြပ်ခွန် ကောက်ခံရန် ခွင့်ပြုရာတွင် ကိုးကားထားသည့် ဥပဒေသည် လက်တွေ့တွင် ၎င်းအား အဆိုပါစည်းကြပ်ခွန်များ ကောက်ခံရန် လုပ်ပိုင်ခွင့် ခွင့်ပြုထားခြင်းမရှိဟု အမေရိကန် ပြည်ထောင်စု အယူခံတရားရုံးက ဩဂုတ် ၂၉ ရက်တွင် စီရင်ချက်ချခဲ့သည်။
ပြည်ထောင်စု အယူခံတရားရုံးသည် ၇ မဲ – ၄ မဲ ရလဒ်ဖြင့် ယခင် အောက်အဆင့်တရားရုံး၏ စီရင်ချက်အား ဆက်လက်ထားရှိခဲ့ရာ ထရမ့်ကိုးကားထားသည့် အရေးပေါ်ဥပဒေက ၎င်းအား စည်းကြပ်ခွန်အများစု ကောက်ခံရန် ခွင့်ပြုထားခြင်းမရှိဟု ယူဆသည်။
“နိုင်ငံတကာ အရေးပေါ် စီးပွားရေး အခွင့်အာဏာ အက်ဥပဒေ” အနေဖြင့် “ပုံမှန်မဟုတ်သောနှင့် ထူးခြားသော ခြိမ်းခြောက်မှု” အား ရင်ဆိုင်ရန်အတွက် သမ္မတအား အရေးပေါ်အခြေအနေ၌ အချို့သော စီးပွားရေး အစီအမံ ထုတ်ပြန်ရန်သာ ခွင့်ပြုထားပြီး သမ္မတက ဘက်စုံလှုပ်ရှားမှုလုပ်ဆောင်ရန် ခွင့်ပြုထားခြင်း မရှိကြောင်း၊ “နိုင်ငံတကာ အရေးပေါ် စီးပွားရေး အခွင့်အာဏာ အက်ဥပဒေ” သည် သမ္မတအား တင်သွင်းမှုကို ကြီးကြပ်ရန် အခွင့်အာဏာ ခွင့်ပြုထားသော်လည်း သမ္မတက အမိန့်ကြေညာချက် ထုတ်ပြန်ခြင်းဖြင့် စည်းကြပ်ခွန် ကောက်ခံရန် ခွင့်ပြုထားသည်ဟု မဆိုလိုကြောင်း တရားရုံး၏ စီရင်ချက်၌ ဖော်ပြထားသည်။
ထရမ့်အစိုးရက အမေရိကန် ပြည်ထောင်စု တရားရုံးချုပ်ထံ အယူခံဝင်နိုင်ရန်အတွက် အဆိုပါစီရင်ချက်သည် အောက်တိုဘာ ၁၄ ရက်မတိုင်မီ အသက်ဝင်မည်မဟုတ်ကြောင်း စီရင်ချက်အရ သိရသည်။
အဆိုပါစီရင်ချက်သည် ထရမ့်အစိုးရ၏ အစွန်းရောက်သော ကုန်သွယ်ရေး မူဝါဒအပေါ် ပြင်းထန်သည့် ထိုးနှက်မှုဖြစ်ကြောင်း အမေရိကန်ဒေသတွင်းမီဒီယာများက ယူဆကြသည်။

ပြည်ထောင်စု အယူခံတရားရုံးက စီရင်ချက် ထုတ်ပြန်ပြီးနောက် ထရမ့်က ထိုနေ့တွင် လူမှုမီဒီယာ၌ ပို့စ်တင်၍ “စည်းကြပ်ခွန်အားလုံးက အသက်ဝင်နေဆဲပါ” ဟု ခိုင်မာစွာ ပြောကြားခဲ့ပြီး ပြည်ထောင်စု တရားရုံးချုပ်ထံ အယူခံဝင်သွားမည်ဟုလည်း ဆိုခဲ့သည်။
ထရမ့်အစိုးရသည် ယခုနှစ် ဇန်နဝါရီလတွင် စတင်တာဝန်ထမ်းဆောင်လာပြီးနောက် အမေရိကန် “နိုင်ငံတကာ အရေးပေါ် စီးပွားရေး အခွင့်အာဏာ အက်ဥပဒေ” ကို ကိုးကား၍ လွှတ်တော်ခွင့်ပြုချက် ရယူရန်မလိုဘဲ၊ အမိန့်ကြေညာချက်အား တိုက်ရိုက်ထုတ်ပြန်ခြင်း ပုံစံဖြင့် စည်းကြပ်ခွန် တိုးမြှင့်ကောက်ခံမှု အစီအမံများစွာကို ထုတ်ပြန်ခဲ့သည်။ အမေရိကန် နိုင်ငံတကာ ကုန်သွယ်ရေး တရားရုံးက မေလ၌ ထရမ့်အစိုးရ၏ အဆိုပါလုပ်ရပ်သည် တရားဥပဒေ ချိုးဖောက်ရာကျသည်ဟု စီရင်ချက်ချခဲ့သည်။ ထို့နောက် ထရမ့်အစိုးရက ပြည်ထောင်စု အယူခံတရားရုံးထံသို့ အယူခံဝင်ခဲ့ခြင်းဖြစ်သည်။ (Xinhua)

အမေရိကန်နိုင်ငံ ဝါရှင်တန်မြို့ရှိ အိမ်ဖြူတော်၌ သတင်းစာရှင်းလင်းပွဲ တက်ရောက်နေသော အမေရိကန် သမ္မတ ထရမ့် (အလယ်) အား ၂၀၂၅ ခုနှစ် ဩဂုတ် ၁၁ ရက်က တွေ့ရစဉ် (ဆင်ဟွာ)

——————
(Chinese Version)
美国联邦巡回上诉法院裁定特朗普对多国征收关税违法
新华社华盛顿8月29日电 美国联邦巡回上诉法院29日裁定，美国总统特朗普批准对多国征收关税时援引的法律实际上并没有赋予其征收这些税款的权力。
联邦巡回上诉法院以7比4的投票结果维持了之前下级法院的裁决，认为特朗普援引的紧急法案并未授权他征收大部分关税。
法院的裁决书说，《国际紧急经济权力法》授权总统在紧急情况下颁布某些经济措施，以应对“异常和特殊威胁”，但不允许总统采取全面行动。《国际紧急经济权力法》授予总统监管进口的权力，但并不意味着授权总统通过发布行政命令征收关税。
根据裁决书，该裁决10月14日之前不会生效，以便特朗普政府向美国最高法院提出上诉。
美国当地媒体认为，这一裁决对特朗普政府激进的贸易政策是沉重打击。在联邦巡回上诉法院发布裁决后，特朗普当天在社交媒体上发文坚称“所有关税仍然有效”，并表示将向最高法院提出上诉。
特朗普政府今年1月上台后援引美国《国际紧急经济权力法》，以不经过国会批准、直接颁布行政令的方式出台一系列加征关税措施。美国国际贸易法院5月裁定特朗普政府此举违法。随后，特朗普政府向联邦巡回上诉法院提起上诉。（完）
1、这是2025年1月10日在美国首都华盛顿拍摄的美国最高法院。新华社/法新
2、8月11日，美国总统特朗普（中）在华盛顿白宫出席新闻发布会。新华社记者 胡友松 摄