ရန်ကုန်လေဆိပ်၌ တွေ့ရှိသော M-150အချိုရည်ပုလင်းအတွင်း အရည်များသည် ပေါက်ကွဲစေသော ဓာတုပစ္စည်းများမဟုတ်ဘဲ ဒဏ်ကြေလိမ်းဆေးအဆီများဖြစ်ဟု အစိုးရထုတ်ပြန်

ရန်ကုန်၊ နိုဝင်ဘာ ၂၉ ရက် (ဆင်ဟွာ)

ရန်ကုန်အပြည်ပြည်ဆိုင်ရာလေဆိပ် Terminal 1 လေယာဉ် လက်မှတ် အရောင်းကောင်တာဘေးရှိ ခုံပေါ်၌ ယနေ့ နိုဝင်ဘာ ၂၉ ရက်နေ့ နံနက် ၉ နာရီခွဲတွင် တွေ့ရှိသော M-150အချိုရည်ပုလင်းအတွင်း အရည်များသည် ပေါက်ကွဲစေသော ဓာတုပစ္စည်းများမဟုတ်ဘဲ ဒဏ်ကြေလိမ်းဆေးအဆီများဖြစ်ကြောင်း နိုင်ငံတော်အတိုင်ပင်ခံ ရုံးသတင်းထုတ်ပြန်ရေးကော်မတီက ထုတ်ပြန်သည်။

ကြွပ်ကြွပ်အိတ်ထဲ၌ အဝါရောင် အရည်ပျစ်များ ထည့်ထားသည့် M-150 အချိုရည် ၄ ပုလင်းအား လုံခြုံစိတ်ချရသည့်နေရာသို့ ရွှေ့ပြောင်း၍ စစ်ဆေးခဲ့ရာ အတွင်း၌ ပေါက်ကွဲစေတတ်သော ဓါတုပစ္စည်းပါရှိခြင်း မရှိဘဲ အတွင်း၌ပါရှိသော အရည်မှာ ဖယောင်းနှင့် အဆီတို့ရောစပ်ထားသော ဒဏ်ကြေလိမ်းဆေး အဆီများဖြစ်ကြောင်း ပဏာမ စစ်ဆေးချက်အရ ထုတ်ပြန်ချက်တွင် ဖော်ပြထားသည်။

အဆိုပါ အချိုရည်ပုလင်း (၄) လုံးအား ဓါတုဗေဒဝန်ရုံးသို့ ပေးပို့၍ အသေးစိတ် ဆက်လက် စစ်ဆေးလျက်ရှိကြောင်း နိုင်ငံတော်အတိုင်ပင်ခံ ရုံးသတင်းထုတ်ပြန်ရေးကော်မတီက ထုတ်ပြန်လိုက်သည်။(Xinhua)