Connect with us

Business

မြန်မာနိုင်ငံမှ ဆန်တင်ပို့မှု ဧပြီလတွင် ၄၇,၈၈၈ တန်အထိတင်ပို့နိုင်

ရန်ကုန်မြို့ရှိ ဆိပ်ခံတံတားတစ်ခုတွင် ဆန်အိတ်ထမ်းလာကြသည့် အလုပ်သမားများကို တွေ့ရစဉ် (ဓာတ်ပုံ- ပြန်ကြားရေးဝန်ကြီးဌာန)

ရန်ကုန်၊ မေ ၉ ရက် (ဆင်ဟွာ)

၂၀၂၃ ခုနှစ် ဧပြီလတွင် မြန်မာနိုင်ငံမှ ဆန်စပါးကို ၄၇,၈၈၈ တန်ချိန် တင်ပို့နိုင်ခဲ့ပြီး ယမန်နှစ်၊ ကာလတူတွင် ၁၄၄,၀၃၄.၈၆၆ တန်တင်ပို့နိုင်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက တာဝန်ရှိသူတစ်ဦးက ဆင်ဟွာသို့ အတည်ပြုပြောကြားသည်။

ရန်ကုန်တိုင်းဒေသကြီးတွင် စပါးစိုက်နေကြသည့် တောင်သူများကို တွေ့ရစဉ် (ဓာတ်ပုံ-ပြန်ကြားရေးဝန်ကြီးဌာန)

ပဲခူးတိုင်းဒေသကြီးတွင် စပါးစိုက်နေကြသည့် တောင်သူများကို တွေ့ရစဉ် (ဓာတ်ပုံ- ပြန်ကြားရေးဝန်ကြီးဌာန)

ပဲခူးတိုင်းဒေသကြီးတွင် စပါးစိုက်နေကြသည့် တောင်သူများကို တွေ့ရစဉ် (ဓာတ်ပုံ- ပြန်ကြားရေးဝန်ကြီးဌာန)

ဧပြီလတွင် ဆန်ကွဲတန်ချိန် ၃၉,၇၆၀ တန် တင်ပို့နိုင်ခဲ့ပြီး ယမန်နှစ် ဧပြီလတွင် ၁၀၆,၉၁၂ တန် တင်ပို့နိုင်ခဲ့ကြောင်း မြန်မာနိုင်ငံဆန်စပါးအဖွဲ့ချုပ်မှ ထုတ်ပြန်သော စာရင်းများအရ သိရသည်။

ဧပြီလတွင် မလေးရှားနိုင်ငံသည် မြန်မာနိုင်ငံမှ ဆန် ၈,၀၅၀တန်ကိုဝယ်ယူခဲ့ကာ ဆန်အများဆုံးဝယ်ယူသည့်နိုင်ငံဖြစ်ခဲ့ပြီး ၊ အဆိုပါကာလအတွင်း ဘယ်လ်ဂျီယံနိုင်ငံမှ ဆန်ကွဲ ၁၅,၇၂၅ တန် ဝယ်ယူခဲ့ပြီး ဆန်ကွဲအများဆုံးဝယ်သည့်နိုင်ငံဖြစ်ခဲ့ကြောင်း ကိန်းဂဏန်းများအရ သိရသည်။
မြန်မာနိုင်ငံမှ ဆန်နှင့်ဆန်ကွွွဲကို ပင်လယ်ရေကြောင်းမှ အဓိက တင်ပို့လျက်ရှိကြောင်း သိရသည်။ မြန်မာနိုင်ငံမှ ဆန်နှင့် ဆန်ကွဲများကို တရုတ်နိုင်ငံ၊ မလေးရှားနိုင်ငံ၊ ဖိလစ်ပိုင်နိုင်ငံ၊ ဥရောပသမဂ္ဂနိုင်ငံများနှင့် အခြားနိုင်ငံများသို့ တင်ပို့လျက်ရှိကြောင်း သိရသည်။

မြန်မာနိုင်ငံသည် ၂၀၂၂- ၂၀၂၃ ဘဏ္ဍာနှစ်အတွင်း ဆန်နှင့် ဆန်ကွဲတန်ချိန် ၂.၂ သန်းတင်ပို့ခဲ့ပြီး အမေရိကန်ဒေါ်လာ ၈၅၃.၄၇၂ သန်း ဝင်ငွေရရှိခဲ့ကြောင်း သိရသည်။
မြန်မာနိုင်ငံတွင် စပါးသည် အဓိကလယ်ယာထွက်ကုန်ဖြစ်ပြီး ၎င်း၏နောက်တွင် ပဲနှင့် ပဲတီစိမ်းမှ အဓိက လယ်ယာထွက်ကုန်များဖြစ်ကြောင်း သိရသည်။ (Xinhua)