တရုတ်နိုင်ငံမှ BeiDou-3 ဂြိုဟ်တု ၂လုံး လွှတ်တင်

ရှီချန်၊ စက်တင်ဘာ ၂၀ ရက် (ဆင်ဟွာ)

တရုတ်နိုင်ငံသည် BeiDou-3 တည်နေရာပြဂြိုဟ်တုသစ် ၂လုံး အား ဂြိုဟ်တုသယ်ဆောင်ရေးဒုံးပျံ တစ်စင်းတည်းဖြင့် စက်တင်ဘာ ၁၉ ရက်ညနေပိုင်းတွင် အာကာသအတွင်းသို့ လွှတ်တင်ခဲ့ကြောင်း သိရသည်။

Long March-3B ဂြိုဟ်တုသယ်ဆောင်ရေးဒုံးပျံ သည် ရှီချန် ဂြိုဟ်တုလွှတ်တင်ရေးစင်တာမှ ဒေသစံတော်ချိန် ၁၀း၀၇နာရီတွင် ပျံတက်သွားခဲ့ပြီး ယင်းလွှတ်တင်မှုသည် Long March ဒုံးပျံ၏ ၂၈၅ကြိမ်မြောက် ဖြစ်ကြောင်းသိရသည်။

ဂြိုဟ်တု ၂လုံးသည် BeiDou တည်နေရာပြစနစ် ၏ ၃၇ကြိမ် နှင့် ၃၈ ကြိမ်မြောက်ဖြစ်ကြောင်းသိရသည်။ စမ်းသပ်လုပ်ဆောင်မှုများစွာ ပြုလုပ်ပြီးနောက် ၎င်းတို့သည် ဂြိုဟ်ပတ်လမ်းကြောင်းအတွင်းရှိပြီးသား BeiDou-3 ဂြိုဟ်တု ၁၂ လုံးနှင့် အတူတကွ ချိတ်ဆက်လုပ်ဆောင်သွားမည်ဖြစ်ကြောင်း သိရသည်။

အဆိုပါ ဂြိုဟ်တု ၂လုံးသည် ကမ္ဘာတစ်ဝန်းလုံးမှ အသုံးပြုသူများအတွက် အန္တရာယ်သတိပေးမှု နှင့် တည်နေရာပြဝန်ဆောင်မှုများကို ဖြည့်ဆည်းပေးသွားမည်ဖြစ်ကာ ယခုနှစ် အကုန်မတိုင်မီ BeiDou-3 ဂြိုဟ်တု ၁၈လုံးရှိသည့် အခြေခံစနစ်တခုကို တည်ဆောက်သွားမည်ဖြစ်ပြီး ခေတ်သစ်ပိုးလမ်းမကြီး စီမံကိန်းတွင်ပါဝင်သော နိုင်ငံများအတွက် ဝန်ဆောင်မှုပေးသွားမည်ဖြစ်ကြောင်း သိရသည်။

စက်တင်ဘာ ၁၉ ရက်က လွှတ်တင်ခဲ့သော ဂြိုဟ်တုများ နှင့် ဒုံးပျံအား တရုတ်နိုင်ငံအာကာသနည်းပညာအကယ်ဒမီ နှင့် တရုတ်နိုင်ငံ ယာဉ်များလွှတ်တင်ရေးနည်းပညာ အကယ်ဒမီ တို့မှ အသီးသီး တည်ဆောက်ခဲ့ကြောင်းသိရသည်။ (Xinhua)