Latin America
ဂွာတီမာလာ နိုင်ငံ ရှိ ဆေးရုံ တစ်ရုံအား ဒုစရိုက် ဂိုဏ်း တစ်ခု က တိုက်ခိုက်သဖြင့် ၇ ဦး သေဆုံး
မာနာဂွာ ၊ သြဂုတ် ၁၇ ရက် (ဆင်ဟွာ)
ဂွာတီမာလာ နိုင်ငံ ရဲတပ်ဖွဲ့ က ဒေသတွင်းရှိ ဒုစရိုက် ဂိုဏ်း တစ်ခု သည် သြဂုတ်လ ၁၆ ရက်နေ့ နံနက်ပိုင်း အချိန်တွင် နိုင်ငံမြို့တော်ရှိ ဆေးရုံ တစ်ရုံ ကို တိုက်ခိုက်ခဲ့ရာ အနည်းဆုံး လူပေါင်း ၇ ဦး သေဆုံးခဲ့ပြီး ၁၂ ဦး ဒဏ်ရာရရှိခဲ့ကြောင်း အတည်ပြု ပြောကြား ခဲ့သည်။
ရဲတပ်ဖွဲ့ က ဂွာတီမာလာ နိုင်ငံ ရှိ ဒုစရိုက် အဖွဲ့အစည်း ဖြစ်သည့် ကယ်တင်ရှင် အဖွဲ့ သည် ဆေးရုံရှိ ဒုစရိုက် ဂိုဏ်း ၏ အဓိက အဖွဲ့ဝင် ဖြစ်သူ များကို လာရောက် ခေါ်ထုတ်ကြရာ နံနက်ပိုင်း ၈ နာရီ အချိန်တွင် ဆေးရုံ ၌ တိုက်ခိုက်မှု ဖြစ်ပွား ခဲ့ကြကြောင်း ၊ တိုက်ခိုက်မှု အတွင်း ရဲတပ်ဖွဲ့ဝင် ၂ ဦး ၊ ဆေးရုံ ဝန်ထမ်း ၂ ဦး ၊ ကလေးငယ် ၂ ဦး နှင့် လမ်းသွားလာသူ ၁ ဦး တို့သေဆုံးခဲ့ရပြီး ဒဏ်ရာရရှိသူများအနက် ကလေးငယ် ၁ ဦး မှာ စိုးရိမ်ရကြောင်း ပြောကြားခဲ့သည်။
ရဲတပ်ဖွဲ့၏ ထုတ်ပြန်ချက်အရ ကယ်တင်ရှင် ဂိုဏ်း သည် ဆေးရုံအတွင်း ရဲတပ်ဖွဲ့၏ ထိန်းချုပ်မှု အောက်တွင် ဆေးဝါးစစ်ဆေးမှု ပြုလုပ်နေသည့် ဒုစရိုက် ဂိုဏ်း အဓိက အဖွဲ့ဝင်ကို ခေါ်ထုတ် သွားခဲ့ပြီး ရဲတပ်ဖွဲ့က ဒုစရိုက် ဂိုဏ်း အဖွဲ့ဝင် ၅ ဦး ကို ဖမ်းဆီး နိုင်ခဲ့ကြောင်း သိရှိခဲ့ရသည်။
အမေရိက တိုက် အလယ်ပိုင်းရှိ ဂွာတီမာလာ နိုင်ငံ သည် ကမ္ဘာပေါ်တွင် လုံခြုံရေး အဆိုးရွားဆုံးသော နိုင်ငံ တစ်နိုင်ငံ အပါအဝင် ဖြစ်ပြီး နေ့စဉ် လူပေါင်း ၁၃ ဦး ကျော်သည် တိုက်ခိုက်မှု များကြောင့် သေဆုံး ရကြောင်း သိရှိခဲ့ရသည်။(Xinhua)