Politics, Law & Military
ရခိုင်ပြည်နယ် မောင်တော၌ ကျပ် သိန်း ၁၄၀၀ကျော်တန်ဖိုးရှိ စိတ်ကြွဆေးပြားများ ပိုင်ရှင်မဲ့ဖမ်းမိ
ရန်ကုန်၊ဖေဖော်ဝါရီ ၂၃ ရက် (ဆင်ဟွာ)
ရခိုင်ပြည်နယ် မောင်တောမြို့နယ်အတွင်း ကျပ် သိန်း ၁၄၀၀ကျော်တန်ဖိုးရှိ စိတ်ကြွဆေးပြားများ ပိုင်ရှင်မဲ့ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က ထုတ်ပြန်သော သတင်းအရ သိရသည်။
မောင်တောမြို့နယ် နယ်မြေ(၃)အတွင်းပူးပေါင်းအဖွဲ့သည် ဖေဖော်ဝါရီ ၂၁ရက်က နယ်မြေလုံခြုံရေးဆောင်ရွက်စဉ် ခန့်မှန်းမြေပုံညွှန်း ဒီယူ-၁၉၉၄၈၁ အနီးချောင်းရိုးလျှိုအတွင်းမှ တောတိုးသံနှင့် စကားပြောသံများကြားရ၍ သွားရောက်ရှင်းလင်းရာ လူများရှာဖွေတွေ့ရှိခြင်းမရှိဘဲ လျှိုအတွင်း၌ ပုဆိုးဖြင့်ထုပ်ဝှက်ထားသည့် အထုပ် ၃ ထုပ်အတွင်းမှ WY စိတ်ကြွဆေးပြား(၇၄၀၀၀)ပြား(၁ ပြားလျှင် ၂၀၀၀ ကျပ်နှုန်းဖြင့် စုစုပေါင်း တန်ဖိုး ၁၄၈,၀၀၀,၀၀၀ သိန်း)အားသိမ်းဆည်းရမိခဲ့ကြောင်း သိရသည်။
အဆိုပါ စိတ်ကြွဆေးပြားများ ဖမ်းဆီးရရှိမှုနှင့် ပတ်သက်ပြီး တောင်ပြို(ယာ)နယ်မြေရဲစခန်းမူးယစ်(ပ)၁/၂၀၁၉၊ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေပုဒ်မ ၁၉(က)ဖြင့် အမှုဖွင့်စစ်ဆေးလျက်ရှိကြောင်း သိရသည်။(Xinhua)
