စက်မှုဝန်ကြီးဌာန၏ ပြည်ထောင်စုဝန်ကြီးအား ရာထူးမှ နှုတ်ထွက်ခွင့်ပြု

ရန်ကုန်၊ ဇူလိုင် ၂၆ ရက် (ဆင်ဟွာ)

စက်မှုဝန်ကြီးဌာန၏ ပြည်ထောင်စုဝန်ကြီး ဦးခင်မောင်ချိုအား ယင်း၏ သဘောဆန္ဒအရ ရာထူးမှ နှုတ်ထွက်ခွင့်ပြုလိုက်ကြောင်း နိုင်ငံတော် သမ္မတရုံးက ယနေ့ ထုတ်ပြန်သော သတင်းအရ သိရသည်။

ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၃၅ ၊ ပုဒ်မခွဲ (ခ) နှင့် ပြည်ထောင်စုအစိုးရ အဖွဲ့ ဥပဒေပုဒ်မ ၆၈၊ ပုဒ်မခွဲ (က) တို့ပါ ပြဌာန်းချက်များအရ စက်မှုဝန်ကြီးဌာန၏ ပြည်ထောင်စုဝန်ကြီး ဦးခင်မောင်ချိုအားနှုတ်ထွက်ခွင့်ပြုလိုက်သည်ဟူ၍ နိုင်ငံတော်သမ္မတရုံး ၏ ထုတ်ပြန်ချက်ထဲတွင် ဖော်ပြထားသည်။

ပြည်ထောင်စုဝန်ကြီးရာထူးမှ မိမိ သဘောဆန္ဒအရ နှုတ်ထွက်ခွင့်အဖြစ်၂၀၁၈ ခုနှစ်တွင် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းကိုလည်းကောင်း၊၂၀၁၇ ခုနှစ်တွင်
လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်းအားလည်းကောင်း နိုင်ငံတော် သမ္မတက နှုတ်ထွက်ခွင့်ပြုခဲ့သည်။(Xinhua)