၂၀၂၃ခုနှစ် အာရှဖလား တတိယအဆင့် ခြေစစ်ပွဲတွင် မြန်မာ့လက်ရွေးစင်ဘောလုံးအသင်းအပါအဝင် အသင်းပေါင်း ၂၄သင်း ဝင်ရောက်ယှဉ်ပြိုင်မည်

ရန်ကုန်၊ ဇွန် ၇ ရက် (ဆင်ဟွာ)

ကာဂျစ္စတန်နိုင်ငံ၌ ၂၀၂၂ ခုနှစ် ဇွန် ၈ ရက် မှ ၁၄ ရက်အထိ ကျင်းပမည့် ၂၀၂၃ခုနှစ် အာရှဖလား တတိယအဆင့် ခြေစစ်ပွဲတွင် မြန်မာ့လက်ရွေးစင်ဘောလုံးအသင်းအပါအဝင် လက်ရွေးစင်ဘောလုံးအသင်းစုစုပေါင်း ၂၄သင်း ဝင်ရောက်ယှဉ်ပြိုင်မည်ဖြစ်ကြောင်း မြန်မာနိုင်ငံဘောလုံးအဖွဲ့ချုပ် မှ အထွေထွေအတွင်းရေးမှူး ဦးကိုကိုသိန်းက ဆင်ဟွာသို့ ယနေ့ ဇွန် ၇ ရက်တွင်ပြောသည်။ဦးကိုကိုသိန်းက “ကျွန်တော်တို့ မြန်မာ့လက်ရွေးစင်ဘောလုံးအသင်း အနေနဲ့ ဇွန် ၈ ရက်နေ့ မှာ တာဂျစ်ကစ္စတန်လက်ရွေးစင်ဘောလုံးအသင်းနဲ့ကစားမယ်။ ဇွန် ၁၁ ရက် မှာ ကာဂျစ္စတန်လက်ရွေးစင်ဘောလုံးအသင်း နဲ့ကစားမယ်။ ဇွန်၁၄ ရက် နေ့မှာ စင်ကာပူလက်ရွေးစင်ဘောလုံးအသင်းနဲ့ ကစားမှာပါ’’ ဟု ပြောသည်။

ဘယ်လ်ဂျီယံနိုင်ငံ ဘရပ်ဆဲလ်မြို့ရှိ NATO ဌာနချုပ်၌ အလံများ လွှင့်ထူထားသည်ကို ဧပြီလ ၆ ရက်တွင် တွေ့ရစဉ်(ဆင်ဟွာ)

အာရှဘောလုံးအဖွဲ့ချုပ်အနေဖြင့် ပထမအဆင့်နှင့် ဒုတိယအဆင့် ခြေစစ်ပွဲများကို အိမ်ကွင်း၊ အဝေးကွင်းစနစ်ဖြင့်ကျင်းပခဲ့သော်လည်း COVID-19 ကပ်ရောဂါအခြေအနေကြောင့် အုပ်စုတစ်ခုကို အိမ်ရှင်နိုင်ငံ တစ်နိုင်ငံ ရွေးချယ်၍ ကျင်းပမည်ဖြစ်ကြောင်း ဆိုသည်။

“မြန်မာ့လက်ရွေးစင်ဘောလုံးအသင်း အနေနဲ့ ပြီးခဲ့တဲ့ ၂ လကတည်းက စခန်းသွင်းလေ့ကျင့်မှုတွေကို ဆောင်ရွက်ခဲ့တယ်။မနေ့က ကျွန်တော်တို့ လက်ရွေးစင်ဘောလုံးအသင်းက ကာဂျစ္စတန်နိုင်ငံ ကို ရောက်တယ်။လက်ရွေးစင်အသင်းအနေနဲ့ ပြိုင်ပွဲဝင်ဖို့ အဆင်သင့်ဖြစ်နေပါပြီ’’ ဟု ဦးကိုကိုသိန်းက ဖြည့်စွက်ပြောကြားသည်။

အာရှဖလားခြေစစ်ပွဲဝင်မည့်
မြန်မာ့လက်ရွေးစင်အသင်း ၏ အပြီးသတ်လူစာရင်းတွင် စုစုပေါင်း ကစားသမား (၂၃)ဦးကို ရွေးချယ်ထားကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။ (Xinhua)

#ဘောလုံး #အာရှဖလား #ဆင်ဟွာ
#FootBall #AsiaCup #Xinhua #Myanmar #XinhuaMyanmar