Asia
အိုကီနာဝါကမ်းလွန် ရှိ Miyakejima ကျွန်း၌ ပြင်းအား ၆.၄ အဆင့်ရှိ ငလျင်လှုပ် ၊ ဆူနာမီ သတိပေးချက်ထုတ်ပြန်ထားခြင်း မရှိ
တိုကျို ၊ မေ ၉ ရက် (ဆင်ဟွာ)
ဂျပန်နိုင်ငံ တောင်ဘက်အစွန်း ၊ အိုကီနာဝါပြည်နယ် ၊ Miyakejima ကျွန်း ကမ်းရိုးတန်းတစ်လျှောက်တွင် ယနေ့(မေလ ၉ ရက်)တွင် ပြင်းအား ၆.၄ အဆင့်ရှိ ငလျင်တစ်ခု လှုပ်ခတ်သွားကြောင်း မိုးလေဝသအေဂျင်စီက သတင်းထုတ်ပြန်ခဲ့သော်လည်း ဆူနာမီသတိပေးမှု ထုတ်ပြန်ခဲ့ခြင်းမရှိကြောင်း သိရသည်။
ဂျပန်မိုးလေဝသအေဂျင်စီ ( JMA ) အဆိုအရ ဒေသစံတော်ချိန် နံနက် ၁ဝ နာရီ ၅၄ မိနစ်တွင် မြောက်လတ္တီကျူ့ ၂၅.၂ ဒီဂရီ နှင့် အရှေ့လောင်ဂျီကျူ့၁၂၆.၅ ဒီဂရီ အတွင်း လှုပ်ခတ်ခဲ့ခြင်းဖြစ်ကြောင်း သိရသည်။ ၎င်းငလျင်သည် ပင်လယ်ကြမ်းပြင်အောက် အနက် ၁ဝ ကီလိုမီတာ၌ ဗဟိုပြု၍ လှုပ်ခတ်ခဲ့ခြင်းဖြစ်ကြောင်း အေဂျင်စီက ဆိုသည်။
ထို့ပြင် မိုးလေဝသအေဂျင်စီက “ ကမ်းခြေဒေသတွေမှာ ပင်လယ်ရေမျက်နှာပြင် ပြောင်းလဲမှုတွေ ဖြစ်ပေါ်နေပေမယ့် ငလျင်ကြောင့် ဂျပန်မှာ အသေအပျောက်တော့ မရှိပါဘူး” ဟု ပြောကြားခဲ့သည်။
ဒေသတွင်းမီဒီယာ (သို့မဟုတ်) အဆိုပါ ဒေသတွင်း ပထမဆုံး သတင်းတုန့်ပြန်ဖော်ပြခဲ့သူများ၏အဆိုအရ ကမ်းခြေတွင် လှုပ်ခတ်ခဲ့သော ငလျင်ကြောင့် မည်သည့် ထိခိုက်ဒဏ်ရာရမှု (သို့မဟုတ်) မတော်တဆမှု သတင်းပေးပို့ချက်ကို လက်ခံရရှိထားခြင်း မရှိသေးကြောင်း သိရသည်။(Xinhua)