North America
ထရမ့် ၏ ဗြိတိန်နိုင်ငံခရီးစဉ်ကို ဖျက်သိမ်းမှုက ဗြိတိန်နိုင်ငံနှင့်ဆက်ဆံရေးကို မထိခိုက်နိုင်
ဝါရှင်တန်၊ ဇန်နဝါရီ ၁၂၊(ဆင်ဟွာ)
အမေရိကန်ပြည်ထောင်စု နိုင်ငံသမ္မတ ဒေါ်နယ်ထရမ့် က၎င်း၏ ဗြိတိန်နိုင်ငံခရီးစဉ်ကို ဖျက်သိမ်းလိုက်ခြင်းမှာ ၎င်းအားလူစုလူဝေးဆန္ဒပြမှုများနှင့် ကြုံတွေ့ရမည်ကို စိုးရိမ်ကြောက်လန့်၍ ဖြစ်ကြောင်း အမေရိကန်နိုင်ငံရေး ကျွမ်းကျင်သူများက ဆင်ဟွာသတင်းဌာန သို့ပြောကြားခဲ့ကြသည်။
ဇန်နဝါရီလ ၁၁ ရက်ညက သမ္မတ ဒေါ်နယ်ထရမ့် က ၎င်း၏တွစ်တာ စာမျက်နှာတွင် ၎င်းအနေဖြင့်လန်ဒန်တွင် အကောင်းဆုံးနေရာ၌ တည်ရှိပြီး အကောင်းဆုံးသံရုံး ဖြစ်နိုင်သော အမေရိကန်သံရုံးကို ယခင် သမ္မတဟောင်း အိုဘားမားအစိုးရ ကဈေးအနည်းငယ်နှင့်ရောင်းချခဲ့ကာ သံရုံး အသစ်ကို ဒေါ်လာ ၁ ဒသမ ၂ ဘီလီယံအကုန် အကျခံကာတည်ဆောက်ခဲ့မှု အား သဘောမကျကြောင်း၊ ထိုသံရုံးသစ်ကိုလည်း ဖဲကြိုးဖြတ် ဖွင့်လှစ်ပေးမှုမပြု လို၍ ဗြိတိန်နိုင်ငံခရီးစဉ်ကို ဖျက်သိမ်းခဲ့ခြင်းဖြစ်ကြောင်း ရေးသားခဲ့သည်။
သို့သော် နိုင်ငံရေး ကျွမ်းကျင်သူများကမူ ၎င်းကထရမ့် ၏ ဗြိတိန်နိုင်ငံခရီးစဉ်ကို ဖျက်သိမ်းလိုက်ခြင်း အတွက် အမှန်တကယ်အကြောင်းရင်းမဟုတ်ကြောင်း၊ သွေးကွဲမှုများကိုဖြစ်စေသောစကားများကို ပြောဆိုတတ်ခြင်းအ တွက် လန်ဒန်တွင်ရှုတ်ချဆန္ဒပြမှုများကြုံရနိုင်သည်ကို စိုးရိမ်၍သာဖြစ်ကြောင်း ပြောခဲ့ကြသည်။
ထိုကဲ့သို့ ထရမ့် ၏ ဗြိတိန်နိုင်ငံခရီးစဉ်ကို ဖျက်သိမ်းလိုက်ခြင်းက ကာလကြာရှည်လက်တွဲပြီး တူညီသောနိုင်ငံ ခြားရေးမူဝါဒများကို အမေရိကန်နိုင်ငံနှင့် အတ ူဆောင်ရွက်နေသော ဗြိတိန်နိုင်ငံနှင့် ဆက်ဆံရေးကိုမူ အကျိုး သက်ရောက်မှုရှိစေနိုင်မည်မဟုတ်ကြောင်း ကျွမ်းကျင်သူများကပြောခဲ့ကြသည်။(Xinhua)
