Environment, Disasters & Accidents
လာနီညာဖြစ်စဉ်ကြောင့် ဇွန်လအတွင်း ပုံမှန်မိုးရာသီထက် မိုးရွာသွန်းမှုပိုများနိုင်
ရန်ကုန်၊ ဇွန် ၁ ရက် (ဆင်ဟွာ)
ဇွန်လအတွင်းအား အနည်းငယ်ရှိသော လာနီညာအဆင့်တွင် ရှိနိုင်သောကြောင့် ပုံမှန်မိုးရာသီထက် မိုးရွာသွန်းမှုများနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူး ဦးလှထွန်းက ဆင်ဟွာသို့ ယနေ့ ဇွန် ၁ရက်တွင်ပြောသည်။ဦးလှထွန်းက “ လာနီညာရဲ့ သဘောတရားအရတော့ ပုံမှန်မိုးထက် မိုးရွာသွန်းမှုများတယ်။ အဲဒီတော့ မိုးများမယ့် အနေအထားတော့ရှိတယ်။ ဒါပေမယ့် လာနီညာရဲ့ အင်အားပေါ်တော့ မူတည်တာပေ့ါ’’ ဟုပြောသည်။
(က) အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean)၏ ပင်လယ် ရေမျက်နှာပြင်အပူချိန်နှင့် လေထုဖြစ်စဉ်များမှာ အားအနည်းငယ်ရှိသော လာနီညာ အခြေအနေသို့ ရောက်ရှိနေကြောင်း၊လာနီညာဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့်ဖြစ်စဉ် ဖြစ်သော်လည်း အဆိုပါ လာနီညာဖြစ်စဉ်ကြောင့် အကျိုးသက်ရောက်မှုမှာ ယေဘုယျအားဖြင့် အရှေ့ ဘက်မှ လေပွေလှိုင်းများ တိုက်ခတ်ခြင်း၊ ဘင်္ဂလားပင်လယ်အော်တွင် လေဖိအား နည်းရပ်ဝန်းများ ပိုမိုဖြစ်ပေါ်လာနိုင်ခြင်းနှင့် မိုးရွာသွန်းမှု ပုံမှန်ထက်ပိုမိုခြင်းတို့ ဖြစ်ပေါ်လေ့ရှိကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန မှ သိရသည်။
“လာနီညာဖြစ်စဉ်ကြောင့် လေဖိအားနည်းရပ်ဝန်းဖြစ်နိုင်သလို မုန်တိုင်းလည်း ဖြစ်နိုင်တော့ သတိပြုဖို့ လိုအပ်ပါတယ်’’ ဟု ဦးလှထွန်းက ဖြည့်စွက်ပြောကြားသည်။ (Xinhua)