Africa & Middle East
နှစ်နိုင်ငံဆက်ဆံရေးပိုမိုအားကောင်းလာစေရန် အီဂျစ်သမ္မတ ဆော်ဒီအာရေဗျနိုင်ငံသို့ အလည်အပတ် သွားရောက်
ရီယာ့ဒ်၊ ဧပြီ ၂၄ ရက် (ဆင်ဟွာ)
အီဂျစ်နိုင်ငံ သမ္မတ အဗ္ဗဒူလ် ဖတ်တာ အယ်လ်စီစီ သည် အဆင့်မြင့်အရာရှိကြီးများလိုက်ပါလာသော ကိုယ်စားလှယ်အဖွဲ့ နှင့် အတူ ဆော်ဒီအာရေဗျနိုင်ငံ ရီယာ့ဒ်မြို့သို့ ဧပြီ ၂၃ ရက် က တရားဝင်ခရီးစဉ် ရောက်ရှိလာခဲ့ကြောင်း Al Arabiya ပြည်တွင်းသတင်းစာ ကဖော်ပြခဲ့သည်။
၎င်းအား ဆော်ဒီအာရေဗျနိုင်ငံဘုရင် ဆော်လ်မန်ဘင်အဗ္ဗဒူလာဇဇ် က လေဆိပ်တွင် ကြိုဆိုခဲ့ကြောင်း သိရသည်။
နှစ်နိုင်ငံခေါင်းဆောင်များသည် အီဂျစ်-ဆော်ဒီ ထိပ်သီးညီလာခံသို့ တက်ရောက်သွားမည်ဟု ခန့်မှန်းရပြီး ယင်းညီလာခံ၌ နှစ်နိုင်ငံ အကြားဆက်ဆံရေး ပိုမိုအားကောင်းလာစေရန် ဆွေးနွေးသွားမည့်အပြင် ဒေသတွင်း နှင့် နိုင်ငံတကာအရေးများ အထူးသဖြင့် အကြမ်းဖက်မှု တန်ပြန်တိုက်ခိုက်ရေးတို့ကိုလည်း ဆွေးနွေးသွားမည်ဖြစ်ကြောင်း သိရသည်။
အီဂျစ်နိုင်ငံ နိုင်ငံခြားရေးဝန်ကြီး Sameh Shoukry က ညီလာခံတွင် အရှေ့အလယ်ပိုင်းဒေသအပေါ် စိုးရိမ်မှုပိုစေသည့် အမေရိကန်နိုင်ငံ၏ မူဝါဒအသစ်များ၊ ဒေသတွင်း စိန်ခေါ်မှုများ နှင့် ပတ်သက်၍ ဆွေနွေးသွားမည်ဖြစ်ကြောင်း ပြောကြားခဲ့သည်။ (Xinhua)
