Environment, Disasters & Accidents
ကျောက်ဖြူ မြို့နယ်၌ စက်လှေ ၁ စီး မီးလောင်မှု ဖြစ်ပွားခဲ့ရာ အမျိုးသမီး ၄ ဦး သေဆုံးပြီး ကလေး၂ ဦး ပျောက်ဆုံး
ရန်ကုန် ၊ မတ် ၁၈ ရက်(ဆင်ဟွာ)
ရခိုင်ပြည်နယ် ကျောက်ဖြူမြို့မှ ဦးကင်းအုပ်စု ကုလားဘာတောင်ကျွေးရွာ အလှူပွဲသို့သွားသော စက်လှေ ၁ စီးသည် မတ် ၁၇ ရက်တွင် စက်အင်ဂျင် မီးလောင်မှု ဖြစ်ပွားခဲ့ရာ လှေပေါ် စီးနင်း လိုက်ပါလာသူများ အနက် အမျိုးသမီး ၄ ဦးမှာ ရေနစ် သေဆုံးခဲ့ပြီး ကလေး ၂ ဦးမှာ ပျောက်ဆုံး နေကြောင်း နိုင်ငံတော် အတိုင်ပင်ခံရုံး သတင်း ထုတ်ပြန်ရေး ကော်မတီမှ သိရသည်။
လှေပေါ်စီးနင်းလိုက်ပါလာသူ ကျား ၇ ဦး ၊ မ ၈ ဦး စုစုပေါင်း ၁၅ ဦးအနက် ၉ ဦးအား ဓညဝတီ ရေတပ် စခန်း ဌာနချုပ် မှ ကယ်တင်ထားကြောင်း နှင့် လိုအပ်သော ကျန်းမာရေး စောင့်ရှောက်မှု များကို ဆောင်ရွက် ပေးလျက် ရှိကြောင်း ၊ အခင်းဖြစ်ပွားရာ နေရာသို့ ကျောက်ဖြူ မြို့နယ် အုပ်ချုပ်ရေးမှူးနှင့်အဖွဲ့ဝင်များ၊ တပ်မတော်သား များနှင့် မီးသတ်တပ်ဖွဲ့ဝင်များက သွားရောက်ကူညီဆောင်ရွက်ပေး လျက်ရှိကြောင်း သိရသည်။
ထိုစက်လှေအား ပဲ့နင်း ဦးဘမောင်ဦး မောင်းနှင်ခဲ့ပြီး မတ် ၁၇ ရက် မွန်းလွှဲ ၁နာရီ ၃၅မိနစ်တွင် သစ်ပုတ်တောင် အနီး၌် စက်အင်ဂျင် မီးလောင်မှု ဖြစ်ပွားခဲ့ကြောင်း သိရသည်။(Xinhua)
