Environment, Disasters & Accidents
ဖားကန့်တွင် မြေစာပုံပြိုကျမှုဖြစ်ပွားပြီး လူအသေအပျောက်ရှိ
ရန်ကုန်၊ မတ် ၁၇ ရက် (ဆင်ဟွာ)
ကချင်ပြည်နယ် ဖားကန့်မြို့နယ် လုံးခင်းအပိုင်အတွင်းရှိ စွန့်ပစ်မြေစာပုံသည် မတ် ၁၆ ရက်နေ့ ည ၁၀ နာရီ ၅၀ ခန့်တွင် ပြိုကျမှုဖြစ်ပွားပြီး လူအသေအပျောက်ရှိကြောင်း လုံးခင်း နယ်မြေရဲစခန်းမှ ရဲအရာရှိတစ်ဦးက ဆင်ဟွာသို့ ပြောကြားသည်။
“အသေအပျောက်တော့အတိအကျ မရသေးပါဘူး။ ခုမှစစ်ဆေးနေပါတယ်။ အနီးနားကပြောတာတော့ ငါးဦးလို့ပြောတယ်။ ဖားကန့်မြို့နယ်ရဲ တပ်ဖွဲ့မှူးရုံးကတာဝန်ရှိသူတွေ သွားစစ်နေပါတယ်”ဟု ၎င်းက ဆိုသည်။
လုံးခင်းနယ်မြေ၊ လှမှော်၊ ဒေသအခေါ်(ကန်ခါ) စွန့်ပစ်မြေစာပုံပြိုကျနေမှုအားတွေ့ရစဉ် (ဓာတ်ပုံ- wai phyo aung)
လုံးခင်းနယ်မြေ၊ လှမှော်၊ ဒေသအခေါ်(ကန်ခါ) စွန့်ပစ်မြေစာပုံတွင် အလုပ်လုပ်ကိုင်နေသော ဝန်ထမ်းအချို့ ပြိုကျမှုအတွင်း ပါသွားကြောင်း လုံးခင်းနယ်မြေတွင် ကယ်ဆယ်ရေး လုပ်ကိုင်နေသူတစ်ဦးက ပြောသည်။
“ကန်ခါ ၁၁၁ မြေစာပုံပြိုကျတာပါ။ သေဆုးံသူ အရေအတွက် မသိရသေးဘူး။ ကုမ္ပဏီဝန်ထမ်းနဲ့ မြေသယ်ကားတွေ ပြိုကျတဲ့ထဲ ပါသွားတယ်” ဟု ၎င်းကဆိုသည်။ (Xinhua)