Politics, Law & Military
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ရခိုင်ပြည်နယ် မြောက်ပိုင်းသို့နေချင်းပြန် ခရီးစဉ် သွားရောက်
ရန်ကုန် ၊ နိုဝင်ဘာ ၂ ရက်(ဆင်ဟွာ)
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် ရခိုင်ပြည်နယ် မြောက်ပိုင်းသို့နေ့ချင်းပြန် ခရီးစဉ် အဖြစ် သွားရောက်နေကြောင်း နိုင်ငံတော် အတိုင်ပင်ခံရုံးမှ သိရသည်။
“ရခိုင်ပြည်နယ် မြောက်ပိုင်းကို နေ့ချင်းပြန် ခရီးစဉ် အဖြစ် သွားရောက်နေပါတယ်။အသေးစိတ် အချက်အလက် များကို သတင်း ထုတ်ပြန်ပေးသွားမှာ ဖြစ်ပါတယ်။”ဟု နိုင်ငံတော် အတိုင်ပင်ခံရုံး ဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ဆင်ဟွာသို့ယနေ့နိုဝင်ဘာ ၂ ရက်တွင် အတည်ပြု ပြောကြားခဲ့သည်။
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် ရခိုင်ပြည်နယ်အတွင်း လူသားချင်း စာနာ ထောက်ထားမှု အကူအညီ အထောက်အပံ့ ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD) ကော်မတီ ဥက္ကဋ္ဌ အဖြစ် တာဝန်ယူ ဆောင်ရွက်နေသည်။
ထိုကော်မတီသည် ရခိုင်ပြည်နယ် ဖွံ့ဖြိုးရေး အတွက် ဆောင်ရွက်မည့် ကဏ္ဍစုံ လုပ်ငန်းစဉ်များတွင် နိုင်ငံတော် အစိုးရ ၊ ပြည်သူများ ၊ ပုဂ္ဂလိက ၊ ပြည်တွင်း NGO နှင့် CSO များ ၊ မိတ်ဖက် နိုင်ငံများ ၊ ကုလသမဂ္ဂ အေဂျင်စီများ ၊ INGO များ ပူးပေါင်း ပါဝင်ပြီး ဖွံ့ဖြိုးရေး လုပ်ငန်းများ ဆောင်ရွက်နိုင်ရန် ဖွဲ့စည်းထားခြင်း ဖြစ်သည်။(Xinhua)