Europe
ဘူဂေးရီးယားတွင် ခရီးသည်တင်ယာဉ် မတော်တဆဖြစ်မှုကြောင့် အနည်းဆုံး လူ ၁၆ ဦး သေဆုံး
ဆိုဖီယာ ၊ သြဂုတ် ၂၆ ရက်(ဆင်ဟွာ)
ဘူဂေးရီးယားနိုင်ငံ မြို့တော် ဆိုဖီယာမြို့ အနီးတွင် သြဂုတ် ၂၅ ရက် က ခရီးသည်တင်ယာဉ်တစ်စီး တိမ်းမှောက်ပြီးချောက်ထဲ ပြုတ်ကျမှုကြောင့် အနည်းဆုံး လူ ၁၆ ဦး သေဆုံးပြီး ၂၇ ဦး ဒဏ်ရာရရှိခဲ့ ကြောင်း သိရသည်။
အဆိုပါယာဉ်မတော်တဆမှုမှာ သြဂုတ် ၂၅ ရက် နံနက် ၅ နာရီ ၁၀မိနစ်ခန့်က ဆိုဖီယာမြို့ မြောက်ဘက် Svoge မြို့ အနီးတွင် ဖြစ်ပွားခဲ့ခြင်းဖြစ်ကြောင်း ၊ အခင်းဖြစ်ပွားချိန်တွင် မိုးသည်းထန် စွာ ရွာသွန်းနေချိန်ဖြစ် ကြောင်း ၊ ခရီးသည်တင်ယာဉ်သည် ယာဉ်ငယ် ၄ စီး ကို တိုက်ပြီး အမြန်ယာဉ် လမ်းဘေးရှိ မီတာ ၂၀ အနက်ရှိသော ချောက်ထဲကို ကျသွားခြင်းဖြစ်ကြောင်း ဒေသခံမီဒီယာများ၏ ပြောကြားချက်အရ သိရသည်။ လူ ၁၃ ဦးသည် အခင်းဖြစ်သောနေရာတွင် ပွဲချင်းပြီးသေဆုံးခဲ့ကြောင်း၊ ကျန်သူ ၃ ဦးမှာ ဒဏ်ရာပြင်းထန်ခဲ့ကြောင်း ၊ ယာဉ်ငယ်တွင် စီးနင်းလိုက်ပါလာသူများကမူ သေဆုံး ဒဏ်ရာရမှု မရှိကြောင်း သိရသည်။
ခရီးသည်တင်ယာဉ်တွင် လိုက်ပါလာသူများအနက် ၃၃ ဦးမှာ ဆိုဖီယာမြို့မြောက်ဘက်ရှိ ကျေးရွာ တစ်ရွာမှဖြစ်ကြောင်း ၊ဗရင်ဂျီ ဘုရားရှစ်ခိုးကျောင်းသို့သွားပြီး အပြန်တွင် ယခုကဲ့သို့ဖြစ်ပွားခဲ့ခြင်း ဖြစ် ကြောင်း သိရသည်။ အရေးပေါ်အသက်ကယ်ယာဉ် အစီး ၂၀ ကျော်က ကူညီကယ်ဆယ်မှုများပြုလုပ်နေပြီး ဒဏ်ရာရသူ များကို အမြန်ဆုံးဆေးရုံသို့ ပို့ဆောင်ကုသနေကြောင်းသိရသည်။ (Xinhua)
