Environment, Disasters & Accidents
မန္တလေးတိုင်းဒေသကြီး၊ ကျောက်ပန်းတောင်းမြို့နယ်၌ ရထားနှင့် ထော်လာဂျီယာဉ် တိုက်မိမှုဖြစ်ပွား
ရန်ကုန်၊ စက်တင်ဘာ ၂၆ ရက် (ဆင်ဟွာ)
မန္တလေးတိုင်းဒေသကြီး၊ ကျောက်ပန်းတောင်းမြို့နယ်၌ ရထားနှင့် ထော်လာဂျီယာဉ် တိုက်မိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။
ဖြစ်စဉ်မှာ ၂၀၁၈ခုနှစ်၊ စက်တင်ဘာလ ၂၅ ရက်နေ့၊ ၁၅း၄၀နာရီ အချိန် ကျောက်ပန်းတောင်းမြို့နယ် ကျောက်ပန်းတောင်းဘူတာနှင့် အင်းတောကျယ် ဘူတာကြား မိုင်တိုင်(၃၅၇/၇-၆)ကြား တရားမဝင် မြေသား သံလမ်းကူး၌ ကျောက်များတင်ဆောင်လာသည့် ယာဉ်မောင်း(စုံစမ်းဆဲ) မောင်းနှင်သော ထော်လာဂျီ ယာဉ် မှ ရထားသံလမ်းအား ဖြတ်သန်းမောင်းနှင်စဉ် အမှတ်(၁၀၆)အစုန် ကျောက်ပန်းတောင်း-တောင်တွင်းကြီး လူစီးလော်ကယ် ရထားစက်ခေါင်းနှင့် တိုက်မိခဲ့သဖြင့် ထော်လာဂျီမှာ ရထားစက်ခေါင်းရှေ့ ရထား သံလမ်းပေါ် ကန့်လန့်ဖြတ် ချိတ်ပါတိမ်းမှောက်ခဲ့ပြီး ရထားရပ်တန့်ခဲ့စဉ် ထော်လာဂျီယာဉ်မှာ ရှေ့မှန်ကွဲ၊ ယာနံရံ/ ဝဲနောက်ဘီး ပြုတ်ထွက်ခဲ့ပြီး ယာဉ်မောင်းမှာ ထွက်ပြေးသွားခဲ့သဖြင့် ယာဉ်တိုက်မိ၍ ရထား လမ်းပိုင်းအား ခေတ္တပိတ်ထားခဲ့ရာမှ ၁ရး၂၅ နာရီအချိန်တွင် ပြန်လည်ဖွင့်လှစ်ပေးခဲ့ပြီး အင်တောကျယ် ဘူတာရုံပိုင် ဦးကျော်ဝင်းနိုင်မှ တိုင်တန်း၍ ထော်လာဂျီ ယာဉ်မောင်း(စုံစမ်းဆဲ)အား ကျောက်ပန်းတောင်း မြို့မရဲစခန်း (ပ) ၃၀၅/၂၀၁၈၊ ရထားပို့ဆောင်ရေးဥပဒေပုဒ်မ ၈၅ ဖြင့် အမှုဖွင့် စုံစမ်းလျက်ရှိကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)