မော်စကို၊ မတ် ၇ ရက် (ဆင်ဟွာ) ရုရှားနိုင်ငံ ကာကွယ်ရေးဝန်ကြီးဋ္ဌာနက မတ် ၆ရက်တွင် ဆီးရီးယားနိုင်ငံ ၌ ပျက်ကျခဲ့သော စစ်ဘက် ပို့ဆောင်ရေးလေယာဉ်တစ်စီးသည် ကနဦးတွင် လူ ၃၂ဦးတင်ဆောင်လာသည်ဟု သတင်းရရှိသော်လည်း နောက်ပိုင်းတွင် ပျက်ကျချိန်၌ လူ ၃၉ဦးကို တင်ဆောင်လာခြင်းဖြစ်ကြောင်း ပြောကြားခဲ့သည်။
မော်စကို၊ မတ် ၆ရက် (ဆင်ဟွာ) ရုရှားနိုင်ငံ နိုင်ငံခြားရေးဝန်ကြီးဋ္ဌာန သည် လာမည့်သမ္မတရွေးကောက်ပွဲတွင် အမေရိကန်၏ ဝင်ရောက်စွက်ဖက်ရန် ကြိုးစားမှုများကို စောင့်ကြည့်နေမည်ဖြစ်ကြောင်း နိုင်ငံခြားရေးဒုတိယဝန်ကြီး Sergei Ryabkov က မတ် ၅ ရက်တွင်ပြောကြားခဲ့သည်။
အန်ကာရာ၊ မတ် ၆ ရက် (ဆင်ဟွာ) တူရကီနိုင်ငံ ရဲတပ်ဖွဲ့သည် နိုင်ငံအတွင်းရှိ အမေရိကန်သံရုံး အပေါ် တိုက်ခိုက်လာနိုင်ခြေတစ်ရပ်အား စုံစမ်းစစ်ဆေးနေခြင်း၏ တစ်စိတ်တစ်ပိုင်းအဖြစ် နိုင်ငံမြောက်ပိုင်း Samsun ပြည်နယ် ၌ IS စစ်သွေးကြွ ၄ဦးကို မတ်လ ၅ရက်က ဖမ်းဆီးထိန်းသိမ်းခဲ့ကြောင်း သိရသည်။
ဘာလင်၊ မတ် ၁ ရက် (ဆင်ဟွာ) လကမ္ဘာပေါ်တွင် ပထမဆုံး 4G ဆဲလ်ဖုန်း ကွန်ရက်အား ၂၀၁၉ ခုနှစ်၌ ရရှိနိုင်တော့မည် ဖြစ်ကြောင်း ကွန်ရက် တည်ထောင်သူ Vadafone က ဖေဖော်ဝါရီလ ၂၇ ရက်က ပြောကြားလိုက်သည်။
မော်စကို၊ မတ် ၁ ရက် (ဆင်ဟွာ) ရုရှားနိုင်ငံ ဗဟိုဘဏ် (CBR) သည် လွန်ခဲ့သည့်လက ရွှေတုံးပိုင်ဆိုင်မှု ၂၀ မက်ထရစ်တန်မှ ၁၈၅၇ တန်အထိ တိုးမြှင့်ပိုင်ဆိုင်လာသည့်အတွက် ပဉ္စမမြောက် ရွှေတုံးပိုင်ဆိုင်မှုအများဆုံးနိုင်ငံ ဖြစ်လာခဲ့သည်။
ကီးအက်ဗ်၊ ဖေဖော်ဝါရီ ၂၈ ရက် (ဆင်ဟွာ) ယူကရိန်းနိုင်ငံ ပါလီမန်အနီးတွင် ဖေဖော်ဝါရီ ၂၇ ရက် က ရဲတပ်ဖွဲ့ဝင်များ နှင့် ဆန္ဒပြသူများအကြား ပဋိပက္ခများဖြစ်ပွားရာ အနည်းဆုံး ရဲတပ်ဖွဲ့ဝင် ၁၁ဦး ဒဏ်ရာရရှိခဲ့ကြောင်း အာဏာပိုင်များက ပြောကြားခဲ့သည်။
မော်စကို၊ ဖေဖော်ဝါရီ ၂၈ ရက် (ဆင်ဟွာ) ရုရှားနိုင်ငံ ကာဇန်မြို့ တွင် ဖြစ်ပွားခဲ့သော သေနတ်ပစ်ခတ်မှုဖြစ်စဉ်တစ်ခု၌ အထူးရဲအရာရှိတစ်ဦး အား သတ်ခဲ့သည်ဟု သံသယရှိသော အမျိုးသားတစ်ဦးသည် ၎င်းအား ဖမ်းဆီးထိန်းသိမ်းရန် ရဲတပ်ဖွဲ့က ဆောင်ရွက်စဉ် သေကြောင်းကြံစည်သွားခဲ့ကြောင်း ပြည်ထဲရေးဝန်ကြီးဋ္ဌာနက ဖေဖော်ဝါရီ ၂၈ ရက်တွင် ထုတ်ပြန်ခဲ့သည်။
မော်စကို၊ ဖေဖော်ဝါရီ ၂၇ ရက် (ဆင်ဟွာ) ရုရှားနိုင်ငံ အနောက်ပိုင်း Perm ဒေသ ရှိ ဟော်တယ်တစ်ခု၌ ဖေဖော်ဝါရီ ၂၇ ရက်တွင် မီးလောင်မှုဖြစ်ပွားခဲ့ရာ ကလေး ၃ဦးအပါအဝင် လူ ၆ဦးသေဆုံးခဲ့ကြောင်း ဒေသစုံစမ်းစစ်ဆေးရေးကော်မတီက ကြေညာချက် ထုတ်ပြန်ခဲ့သည်။
ဗန်ကူဗာ၊ ဖေဖော်ဝါရီ ၂၆ ရက် (ဆင်ဟွာ) ကနေဒါနိုင်ငံ ဗြိတိန်ကိုလံဘီယာ (BC) ပြည်နယ် အဝေးပြေးလမ်းမတစ်ခုပေါ်ရှိ ရေခဲများဖုံးလွှမ်းနေသော လမ်းပိုင်းတစ်ခုတွင် မော်တော်ယာဉ် ၆စီး တိုက်မိခဲ့ရာ လူ ၂၉ဦး ကို ဆေးရုံသို့ပို့ဆောင်ခဲ့ရကြောင်း CTV သတင်းက ဖေဖော်ဝါရီ ၂၆ ရက်တွင်ဖော်ပြခဲ့သည်။
နယူးယောက်၊ ဖေဖော်ဝါရီ ၂၇ ရက် (ဆင်ဟွာ) ပါပူဝါနယူးဂီနီနိုင်ငံ မန်ဒီမြို့ အနောက်တောင်ပိုင်း ၅၆ကီလိုမီတာ အကွာတွင် ရစ်ချ်တာစကေး ၆.၃ပမာဏရှိ ငလျင်တစ်ခု လှုပ်ခတ်ခဲ့ကြောင်း အမေရိကန် ဘူမိဗေဒတိုင်းတာရေး (USGS) က ဖေဖော်ဝါရီ ၂၆ရက်တွင်ပြောကြားခဲ့သည်။
