လန်ဒန်၊ စက်တင်ဘာ ၁၇ ရက် (ဆင်ဟွာ) ဗြိတိန်နိုင်ငံ လူတန်မြို့ ရှိ လမ်းမတစ်ခု တွင် ရန်ပွဲတစ်ခု ဖြစ်ပွားပြီးနောက် ဓားဒဏ်ရာများရရှိခဲ့သည့် လူအများအပြားအား ဆေးရုံသို့ ပို့ဆောင်ပေးခဲ့ကြောင်း ဒေသခံရဲတပ်ဖွဲ့က စက်တင်ဘာ ၁၆ ရက်တွင်ပြောကြားခဲ့သည်။
မနီလာ၊ စက်တင်ဘာ ၁၇ ရက် (ဆင်ဟွာ) ဖိလစ်ပိုင်နိုင်ငံ မြောက်ပိုင်း Benguet ပြည်နယ် တွင် တိုင်ဖုန်းမုန်တိုင်းကြောင့် ဖြစ်ပေါ်လာသော မြေပြိုမှုများကြောင့် မိုင်းတူးလုပ်ငန်းလုပ်ကိုင်ရာ Itogon မြို့ တွင် အနည်ဆုံး မိုင်းတွင်းအလုပ်သမား ၃၃ဦးသေဆုံးပြီး ၂၉ဦးပျောက်ဆုံးနေကြောင်း အာဏာပိုင်များက စက်တင်ဘာ ၁၆ရက်တွင်ပြောကြားခဲ့သည်။
ဝါရှင်တန်၊ စက်တင်ဘာ ၁၇ ရက်(ဆင်ဟွာ) အမေရိကန်နိုင်ငံ အရှေ့ကမ်းရိုးတန်းရှိ မြောက်ကာရိုလိုင်းနား နှင့်တောင်ကာရိုလိုင်းနား ပြည်နယ်များ တွင် Florence ဟာရီကိန်းမုန်တိုင်း တိုက်ခတ်မှုကြောင့် စက်တင်ဘာလ ၁၆ ရက် အထိ သေဆုံးသူ ၁၇ ဦးရှိပြီဖြစ်ကြောင်း သိရသည်။
ရန်ကုန် ၊ စက်တင်ဘာ ၁၇ ရက်(ဆင်ဟွာ) ရခိုင် ပြည်နယ် မာန်အောင်မြို့နယ် ရဲကျွန်း အုပ်စုအတွင်းရှိ မီးတောင်မှ ချော်ရည်ပူ မှုတ်ထုတ်မှုများ ဖြစ်ပွားကာ မီးတောင်အနီးရှိ လယ်မြေ အချို့ချော်ရည်ပူ ဖုံးလွှမ်းပျက်စီးခဲ့ကြောင်း ပြန်ကြားရေး ဝန်ကြီးဌာန၏ ထုတ်ပြန်သော သတင်း အရ သိရသည်။
နယူးယောက် ၊ စက်တင်ဘာ ၁၇ ရက်(ဆင်ဟွာ) ဖီဂျီကျွန်းများ၏ တောင်ပိုင်းတွင် (စက်တင်ဘာ ၁၆ ရက် ) ဂရင်းနစ်စံတော်ချိန် ၂၁:၁၁:၄၈ နာရီတွင် ပြင်းအား ၆.၅ အဆင့်ရှိ ငလျင်တစ်ခု လှုပ်ခတ်ခဲ့ကြောင်း အမေရိကန်နိုင်ငံ ဘူမိတိုင်းတာရေးဌာန ကဆိုသည်။
