Connect with us

China

တရုတ်-လာအိုရထားလမ်းအတွက် “လန်ချန်း”ကျည်ဆန်ရထားကြီးအား ဗီယင်ကျန်းမြို့တွင် လွှဲပြောင်းပေးအပ်

တရုတ်-လာအို နှစ်နိုင်ငံနယ်စပ် ချစ်ကြည်ရေး ဥမင်လိုဏ်ခေါင်းအတွင်းသို့ ဖြတ်သန်းမောင်းနှင်သွားသည့် “လန်ချန်း”ကျည်ဆန်ရထားကြီးအား အောက်တိုဘာ ၁၅ ရက်က တွေ့ရစဉ် (ဆင်ဟွာ)

ဗီယင်ကျန်း၊ အောက်တိုဘာ ၁၈ ရက်(ဆင်ဟွာ)

“လန်ချန်း”ကျည်ဆန်ရထားတွဲကြီးကို အောက်တိုဘာ ၁၆ ရက်က ဆောက်လုပ်ပြီးစ တရုတ်-လာအိုရထားလမ်း ဗီယင်ကျန်းဘူတာကြီးသို့ ပို့ဆောင်၍ Laos-China Railway Co., Ltd သို့ တရားဝင် လွှဲပြောင်းပေးအပ်ခဲ့ကြောင်း သိရသည်။

တရုတ်-လာအို နှစ်နိုင်ငံနယ်စပ် ချစ်ကြည်ရေး ဥမင်လိုဏ်ခေါင်းအတွင်းသို့ ဖြတ်သန်းမောင်းနှင်ပြီးနောက် လာအိုနိုင်ငံမြောက်ပိုင်းနယ်စပ်မြို့လေး Botenတွင် ရပ်နားသည့် “လန်ချန်း”ကျည်ဆန်ရထားကြီးအား အောက်တိုဘာ ၁၅ ရက်က တွေ့ရစဉ်(ဆင်ဟွာ)

လာအိုနိုင်ငံ ဗီယင်ကျန်းဘူတာကြီးတွင် “လန်ချန်း”ကျည်ဆန်ရထားအား အောက်တိုဘာ ၁၆ ရက်က တွေ့ရစဉ်(ဆင်ဟွာ)

လာအိုနိုင်ငံ ဗီယင်ကျန်းဘူတာကြီးတွင် “လန်ချန်း”ကျည်ဆန်ရထားအရှေ့၌ လူငယ်နှစ်ဦး အမှတ်တရ ဓါတ်ပုံ ရိုက်ကူးနေသည်ကို အောက်တိုဘာ ၁၆ ရက်က တွေ့ရစဉ်(ဆင်ဟွာ)

လာအိုနိုင်ငံ ဗီယင်ကျန်းဘူတာကြီးတွင် “လန်ချန်း”ကျည်ဆန်ရထားအရှေ့၌ လူငယ်နှစ်ဦး အမှတ်တရ ဓါတ်ပုံ ရိုက်ကူးနေသည်ကို အောက်တိုဘာ ၁၆ ရက်က တွေ့ရစဉ်(ဆင်ဟွာ)

တရုတ်-လာအို နှစ်နိုင်ငံနယ်စပ် ချစ်ကြည်ရေး ဥမင်လိုဏ်ခေါင်းအတွင်းသို့ ဖြတ်သန်းမောင်းနှင်သွားသည့် “လန်ချန်း”ကျည်ဆန်ရထားကြီးအား အောက်တိုဘာ ၁၅ ရက်က တွေ့ရစဉ် (ဆင်ဟွာ)

လာအိုနိုင်ငံ ဗီယင်ကျန်းမြို့တွင် ကျင်းပသည့် “လန်ချန်း” ကျည်ဆန်ရထား လွှဲပြောင်းပေးအပ်ပွဲ အခမ်းအနားကို လာအိုနိုင်ငံဆိုင်ရာ တရုတ်နိုင်ငံ သံအမတ်ကြီး ကျန်းကျိုက်တုန်း၊ လာအိုနိုင်ငံ ပြည်သူ့ဆောက်လုပ်ရေးနှင့်ပို့ဆောင်ရေးဝန်ကြီး Viengsavath Siphandone တို့ တက်ရောက်ခဲ့ကြသည်။

အခမ်းအနားတွင် တရုတ်နိုင်ငံ သံအမတ်ကြီး ကျန်းကျိုက်တုန်းက အမှာစကားပြောကြားခဲ့ရာ ယနေ့ လာအိုနိုင်ငံသည် သမိုင်းတွင် ပထမဆုံး ခေတ်မီရထားတွဲကြီးကို ကြိုဆိုခဲ့ကြောင်း၊ ၎င်းမှာ တရုတ်-လာအို ရထားလမ်းတည်ဆောက်မှု၏ အဆုံးအဖြတ်ပေးနိုင်သည့်တိုးတက်မှု ဖြစ်သလို တရုတ်နိုင်ငံ၏ “ရပ်ဝန်းနှင့်ပိုးလမ်းမ” အဆိုပြုချက်နှင့် လာအိုနိုင်ငံ၏ “ကုန်းတွင်းပိတ်နိုင်ငံမှ ကုန်းတွင်းချိတ်ဆက်နိုင်ငံအဖြစ်သို့ ပြောင်းလဲခြင်း” မဟာဗျူဟာနှင့် ချိတ်ဆက်ထားသော ပြယုဂ်အောင်မြင်မှုဖြစ်ကြောင်း ဆိုသည်။
လက်ရှိတည်ဆောက်မှုတိုးတက်ရေးအခြေအနေအရ ဆိုလျှင် လာအိုနိုင်ငံဘက်က ဒီဇင်ဘာ ၂ ရက် လာအိုအမျိုးသားနေ့ အထိမ်းအမှတ်ပွဲတော်အခါသမယတွင် တရားဝင်ရထားပြေးဆွဲနိုင်အောင် အကောင်အထည်ဖော်ရေး အဆိုပြုထားရာ မိမိတို့အနေဖြင့် အားတက်ရပါကြောင်းနှင့် လာအိုနိုင်ငံနှင်အတူ ကြိုးပမ်းဆောင်ရွက်သွားမည် ဖြစ်ကြောင်း ပြောကြားခဲ့သည်။

တရုတ်-လာအို ရထားလမ်း ဖွင့်လှစ်ပြေးဆွဲပြီးနောက်ပိုင်း ဗီယင်ကျန်းမှ တရုတ်-လာအိုနယ်စပ်၏ ခရီးအကွာအဝေးသည် ၂ ရက် ကြာရာမှ ၃ နာရီဖြင့် ရောက်ရှိနိုင်မည်ဖြစ်သလို ကူမင်းသို့ဆိုလျှင် နံနက်၌ ထွက်ခွာပါက ညနေတွင် ရောက်ရှိနိုင်မည်ဖြစ်ရာ နှစ်နိုင်ငံအကြား အပြန်အလှန်ချိတ်ဆက်မှုများက ခုန်ပျံကျော်လွှားတိုးတက်မည့် အခြေအနေကို အကောင်အထည်ဖော်နိုင်မည်ဖြစ်ကြောင်း ကျန်းကျိုက်တုန်းက ပြောကြားခဲ့သည်။

လာအိုနိုင်ငံ ပြည်သူ့ဆောက်လုပ်ရေးနှင့် ပို့ဆောင်ရေးဝန်ကြီး Viengsavath Siphandone က ကျည်ဆန်ရထား(EMU) ၏ ဒီဇိုင်းရေးဆွဲထုတ်လုပ်မှုသည် လာအို-တရုတ် ရထားလမ်းတည်ဆောက်မှု၏ အဓိကအခန်းဏ္ဍတွင်ပါဝင်ကြောင်း၊ လာအိုနိုင်ငံအစိုးရအနေဖြင့် အထူးအလေးထားပါကြောင်း ၊ ဒီဇိုင်းရေးဆွဲမှုများအား သမ္မတ Thongloun Sisoulith ကိုယ်တိုင် စီစဉ်စိစစ်ခဲ့သလို ရထား၏နာမည်ကိုလည်း ဝန်ကြီးချုပ် Phankham Viphavanh က အမည်ပေးခဲ့ခြင်းဖြစ်ကြောင်း ပြောကြားခဲ့သည်။ “လန်ချန်း” ကျည်ဆန်ရထားကြီး အောင်မြင်စွာ လွှဲပြောင်းပေးအပ်ခြင်းသည် လာအို-တရုတ် ရထားလမ်းစီမံကိန်း၏ တည်ဆောက်ရေးကာလမှ အသုံးချလည်ပတ်ရေးကာလသို့ ကူးပြောင်းခြင်း၏ အမှတ်သင်္ကေတဖြစ်ပြီး လာအိုနိုင်ငံ၏ ရထားလမ်းပို့ဆောင်ရေး ခေတ်သစ်ကာလသို့ဝင်ရောက်ပြီဖြစ်သည်ကို ကြေညာအပ်ပါကြောင်း၊ လာအိုပြည်သူများက လည်းလမ်းပန်းဆက်သွယ်ရေးနှင့် သယ်ယူပို့ဆောင်ရေးပြုပြင်ပြောင်းလဲသည့် ခေတ်သစ်ကို ကြိုဆိုကြကြောင်း ပြောကြားခဲ့သည်။

လာအို-တရုတ် ရထားလမ်း တည်ဆောက်ပြီးစီးသည့်အခြေခံပေါ်တွင် ကောင်းစွာအသုံးချလည်ပတ်နိုင်ရန်၊ ဖွံ့ဖြိုးလာရန် နှစ်နိုင်ငံ လက်တွဲအတူ ကြိုးပမ်းဆောင်ရွက်သွားမည်ဖြစ်ကြောင်း ၊ လာအို-တရုတ် ရထားလမ်းတည်ဆောက်မှုကို နှစ်နိုင်ငံ ချစ်ကြည်ရေး၏ပြယုဂ်စီမံကိန်းအဖြစ် နှစ်နိုင်ငံပြည်သူများ၏အကျိုးကို ဖော်ဆောင်သွားမည်ဖြစ်ကြောင်း Phankham Viphavanh က ပြောကြားခဲ့သည်။
“လန်ချန်း” ဟူသောအမည်သည် လာအိုရှေးခေတ် လင်းဇင်းပြည်နှင့် တရုတ်-လာအို နှစ်နိုင်ငံကို ဖြတ်သန်းစီးဆင်းသည့် လန်ချန်းမြစ်ကို အရင်းခံခြင်းဖြစ်ပြီး နှစ်နိုင်ငံ အိမ်နီးချင်းကောင်း၊ မိတ်ဆွေကောင်း၊ ရဲဘော်ကောင်း၊ မိတ်ဖက်ကောင်းဆက်ဆံရေး အတိတ်နိမိတ်ရှိကြောင်း သိရသည်။ “လန်ချန်း” ကျည်ဆန်ရထား၏ကိုယ်ထည်ကို လာအိုနိုင်ငံ၏အလံအရောင်ဖြစ်သည့် “အနီ၊ အပြာ၊ အဖြူ” သုံးရောင်ချယ်သထားသည်။ ရထားအတွင်း ဒီဇိုင်းရေးဆွဲမှုကို တရုတ်-လာအို ရိုးရာယဉ်ကျေးမှုနှင့်အမျိုးသားယဉ်ကျေးမှုအလှအပများပါဝင်ရာ လာအိုပြည်သူများ၏အနာဂတ်လှပမှုမျှော်မှန်းချက်နှင့် တရုတ်-လာအို နှစ်နိုင်ငံပြည်သူများ၏ချစ်ကြည်ရေးကို ဖော်ဆောင်လျက်ရှိသည်။

ယခုအကြိမ် လွှဲပြောင်းပေးအပ်သည့် “လန်ချန်း”ကျည်ဆန်ရထားကို တရုတ်နိုင်ငံ CRRC Group မှ ထုတ်လုပ်ခြင်းဖြစ်ပြီး တစ်နာရီလျှင် အမြင့်ဆုံး ၁၆၀ ကီလိုမီတာ မောင်းနှင်နိုင်ပြီး ရထားတွဲ ၉ တွဲ ပါရှိရာ လူ ၇၂၀ ဦး လိုက်ပါစီးနင်းနိုင်ကြောင်း သိရသည်။

တရုတ်-လာအို ရထားလမ်း အလုံးစုံကို တရုတ်နိုင်ငံ၏ စီမံခန့်ခွဲမှုနှင့်နည်းပညာစံချိန်စံညွှန်းများအတိုင်း တည်ဆောက်ထားခြင်းဖြစ်ပြီး တစ်နာရီလျှင်အမြင့်ဆုံး ၁၆၀ ကီလိုမီတာမောင်းနိုင်သည့် ခရီးသည်နှင့်ကုန်ပစ္စည်းနှစ်မျိုးလုံး သယ်ယူပို့ဆောင်နိုင်သော လျှပ်စစ်ရထားလမ်းဖြစ်ကြောင်း သိရသည်။ ယင်းစီမံကိန်းကို ၂၀၁၆ ခုနှစ် ဒီဇင်ဘာလတွင် ဘက်စုံစတင်အကောင်အထည်ဖော်ဆောင်ရွက်ခဲ့ခြင်း ဖြစ်သည်။ (Xinhua)

———————————–
(Chinese Version)

全球连线 | 中老铁路“澜沧号”动车组交付!
2021-10-17 11:11:35
新华社万象10月17日电 “澜沧号”动车组16日运抵刚刚建成的中老铁路万象站,正式交付老中铁路有限公司。中国驻老挝大使姜再冬、老挝公共工程与运输部部长荣沙瓦出席了在万象站举行的“澜沧号”动车组交付仪式。

姜再冬在致辞时说,今天老挝迎来历史上第一组现代化列车。这是中老铁路建设的决定性进展,也是中国“一带一路”倡议与老挝“变陆锁国为陆联国”战略对接的标志性成果。根据目前建设进度,老方提出以老挝国庆(12月2日)为目标节点实现正式通车,我们深受鼓舞并愿同老方共同努力。
姜再冬说,中老铁路通车后,万象到中老边境车程将由2天缩短到3小时,到昆明可朝发夕至,中老之间互联互通实现跨越式发展。
荣沙瓦说,动车组的设计、制造是老中铁路建设的重要组成部分,老挝政府高度重视,通伦总书记亲自组织审定设计方案,潘坎总理亲自为动车组命名。“澜沧号”顺利交付,标志着老中铁路即将由建设期进入运营期,也宣告老挝迈入铁路运输新时期,老挝人民迎来交通运输变革的新时代。
荣沙瓦说,老中双方将携手努力,在建设好老中铁路的基础上,运营好、开发好老中铁路,把老中铁路建设成为老中友谊标志性工程,造福两国人民。
“澜沧号”的命名源于老挝的古称澜沧王国和流经中老两国的澜沧江,寓意两国好邻居、好朋友、好同志、好伙伴关系。“澜沧号”动车组车体采用老挝国旗色“红、蓝、白”三色涂装。动车组内饰主题设计融合中老传统文化和民族审美元素,寓意老挝人民对未来美好生活的憧憬和中老两国人民的友谊。
据介绍,此次交付的“澜沧号”动车组由中国中车集团制造,最高运营时速160公里,编组为9辆,定员720人。
中老铁路全部采用中国管理标准和技术标准建设,设计时速160公里,为电气化客货混运铁路。工程于2016年12月全面开工。(记者:章建华;报道员:杜大鹏:剪辑:谢彬彬;编辑:刘浩、刘向、谢彬彬、唐志强、程大雨)
新华社国际部出品
新华社国际传播融合平台出品