သမ္မတ ရှီကျင့်ဖိန်က တရုတ်နိုင်ငံနှင့် ဘင်္ဂလားဒေ့ရှ်နိုင်ငံကြား အရည်အသွေးမြင့် ရပ်ဝန်းနှင့် ပိုးလမ်းမ ပူးပေါင်းဆောင်ရွက်မှုအတွက် တိုက်တွန်း

ဂျိုဟန်နာဘတ်စ်၊ ဩဂုတ် ၂၄ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်က တရုတ်နိုင်ငံနှင့် ဘင်္ဂလားဒေ့ရှ်နိုင်ငံတို့အနေဖြင့် အရည်အသွေးမြင့် ပူးပေါင်းဆောင်ရွက်မှုအတွက် တွန်းအားပေးရန်နှင့် စီးပွားရေးဆက်ဆံမှု အပြည့်အဝဆောင်ရွက်နိုင်ရန် ဩဂုတ် ၂၃ ရက်က တိုက်တွန်းခဲ့သည်။

သမ္မတ ရှီသည် ဘင်္ဂလားဒေ့ရှ်နိုင်ငံ ဝန်ကြီးချုပ် ရှိတ် ဟာစီနာ (Sheikh Hasina) နှင့် BRICS ထိပ်သီးအစည်းအဝေး ကျင်းပစဉ်အတွင်း သီးခြားတွေ့ဆုံခဲ့ရာ၌ ထိုသို့ပြောကြားခဲ့ခြင်းဖြစ်ပြီး နှစ်နိုင်ငံအနေဖြင့် အခြေခံအဆောက်အအုံ၊ သတင်းအချက်အလက် နည်းပညာ၊ စွမ်းအင်သစ်နှင့် လယ်ယာစိုက်ပျိုးရေးနှင့် အခြားနယ်ပယ်များ၌ ပူးပေါင်းဆောင်ရွက်မှု ပြုလုပ်ရန်လည်း တိုက်တွန်းခဲ့သည်။

ထို့ပြင် တရုတ်နိုင်ငံနှင့် ဘင်္ဂလားဒေ့ရှ်နိုင်ငံတို့သည် အစဉ်အလာရှိသော ချစ်ကြည်ရင်းနှီးမှုရှိသလို ၂၀၁၆ ခုနှစ်က နှစ်နိုင်ငံဆက်ဆံရေးကို မဟာဗျူဟာမြောက် ပူးပေါင်းဆောင်ရွက်မှု မိတ်ဖက်ဆက်ဆံရေးသို့ အဆင့်မြှင့်တင်ခဲ့ကြောင်း၊ ယင်းမှာ ပူးပေါင်းဆောင်ရွက်မှု နက်ရှိုင်ရေးအတွက် လမ်းကြောင်းညွှန်ပြလိုက်ခြင်း ဖြစ်ကြောင်း ရှီက ဆိုသည်။

ဘင်္ဂလားဒေ့ရှ်နိုင်ငံအနေဖြင့် New Development Bank ၌ ပါဝင်မှုအတွက် ဝမ်းမြောက်ကြောင်း၊ တရုတ်နိုင်ငံက ဘင်္ဂလားဒေ့ရှ်နိုင်ငံနှင့်အတူ နိုင်ငံစုံရေးရာများ ညှိနှိုင်းမှုနှင့် ပူးပေါင်းဆောင်ရွက်မှု အားကောင်းရန်၊ နိုင်ငံတကာ သာတူညီမျှရှိမှုနှင့် တရားမျှတမှုတို့အပြင် ဖွံ့ဖြိုးဆဲနိုင်ငံများ၏ အကျိုးစီးပွားမျှဝေမှုကို ထိန်းသိမ်းရန် ဆန္ဒရှိကြောင်း သမ္မတ ရှီက ဘင်္ဂလားဒေ့ရှ် ဝန်ကြီးချုပ် ဟာစီနာအား ပြောကြားခဲ့သည်။
ထို့နောက် ဘင်္ဂလားဒေ့ရှ် ဝန်ကြီးချုပ် ဟာစီနာက ၂၀၁၆ ခုနှစ်က ဘင်္ဂလားဒေ့ရှ်နိုင်ငံသို့ သမ္မတ ရှီကျင့်ဖိန် လာရောက်လည်ပတ်ခြင်းသည် နှစ်နိုင်ငံဆက်ဆံရေး၌ သမိုင်းဝင်မှတ်တိုင်တစ်ခု ဖြစ်လာခဲ့ကြောင်း မှတ်ချက်ပြုခဲ့သည်။

ခိုင်မာသော ဘင်္ဂလားဒေ့ရှ်-တရုတ် ဆက်ဆံရေးသည် အပြန်အလှန်လေးစားမှုနှင့် နိုင်ငံအချင်းချင်း ပြည်တွင်းရေးကို ဝင်ရောက်မစွက်ဖက်ရေးမူကို အခြေခံထားကြောင်း ဟာစီနာက ဆိုသည်။

ရပ်ဝန်းနှင့် ပိုးလမ်းမ အဆိုပြုချက် ဖော်ဆောင်မှု ၁၀ နှစ်ပြည့်မြောက်သည့်အတွက် ဂုဏ်ယူကြောင်း၊ ရပ်ဝန်းနှင့် ပိုးလမ်းမ ပူးပေါင်းဆောင်ရွက်မှုက ဘင်္ဂလားဒေ့ရှ်နိုင်ငံ ဖွံ့ဖြိုးတိုးတက်မှု တံခါးသစ်ကို ဖွင့်လှစ်ပေးလိုက်ခြင်းလည်း ဖြစ်ကြောင်း ဟာစီနာက ရှီအား ပြောကြားခဲ့သည်။

ဘင်္ဂလားဒေ့ရှ်နိုင်ငံအနေဖြင့် တရုတ်တစ်နိုင်ငံတည်းမူဝါဒကို အခိုင်အမာထောက်ခံကြောင်း၊ ဒေသတွင်း ငြိမ်းချမ်းရေးနှင့် တည်ငြိမ်ရေး မြှင့်တင်ရာ၌ တရုတ်နိုင်ငံ၏ အရေးပါသော အခန်းကဏ္ဍအား ကျေးဇူးတင်ကြောင်း၊ ၎င်း၏နိုင်ငံအနေဖြင့် တရုတ်နိုင်ငံနှင့်အတူ ဆက်ဆံရေးနက်ရှိုင်းရန်နှင့် BRICS ကဲ့သို့ နိုင်ငံစုံပူးပေါင်းဆောင်ရွက်မှု ယန္တရားများတွင် ပူးပေါင်းဆောင်ရွက်မှု အားကောင်းအောင် ဆောင်ရွက်ရန် အသင့်ရှိကြောင်း ဟာစီနာက ထည့်သွင်းပြောကြားခဲ့သည်။
ယင်းအချက်မှာ BRICS ယန္တရား ဖွံ့ဖြိုးတိုးတက်မှုက ဖွံ့ဖြိုးဆဲနိုင်ငံများအား ဖွံ့ဖြိုးတိုးတက်မှု အခွင့်အလမ်းသစ်များ ဆောင်ကြဉ်းပေးမည်ဟု ယုံကြည်ကြောင်း ၎င်းက ဖြည့်စွက်ပြောခဲ့သည်။ (Xinhua)

………………………………
(English Version)
Xi calls for high-quality Belt and Road cooperation between China, Bangladesh
JOHANNESBURG, Aug. 23 (Xinhua) — Chinese President Xi Jinping on Wednesday called on China and Bangladesh to push for high-quality Belt and Road cooperation, and give full play to their economic complementarity.
Xi, in his meeting with Bangladeshi Prime Minister Sheikh Hasina on the sidelines of the BRICS summit, also urged the two sides to step up cooperation in infrastructure, information technology, new energy and agriculture, among other areas.
China and Bangladesh enjoy traditional friendship, Xi said, adding that the two sides upgraded bilateral ties in 2016 to a strategic cooperative partnership, which has indicated the direction for deepening their cooperation.
He extended congratulations to the prime minister on her country’s joining the New Development Bank, saying that China is willing to strengthen coordination and cooperation with Bangladesh in multilateral affairs and to safeguard the international equity and justice as well as the shared interests of developing countries.
Hasina noted that Xi’s state visit to Bangladesh in 2016 has become a milestone in bilateral ties.
Hasina said the sound Bangladesh-China relationship is based on mutual respect and non-interference in each other’s internal affairs.
She congratulated Xi on the 10th anniversary of the Belt and Road Initiative, saying that Belt and Road cooperation has opened a new door of development for Bangladesh.
Bangladesh, she said, firmly adheres to the one-China policy and appreciates China’s important role in promoting regional peace and stability, adding that her country is ready to deepen ties with China and strengthen cooperation in multilateral mechanisms such as BRICS.
It is believed that the development of the BRICS mechanism will bring new development opportunities to developing countries, she added.
Photo 1, 2: Chinese President Xi Jinping meets with Bangladeshi Prime Minister Sheikh Hasina on the sidelines of the 15th BRICS Summit in Johannesburg, South Africa, Aug. 23, 2023. (Xinhua/Yin Bogu)