တရုတ်နိုင်ငံ တိုင်းရင်းဆေးအဖွဲ့က မြန်မာနိုင်ငံတွင် အခမဲ့ ကုသိုလ်ဖြစ် ကျန်းမာရေးစောင့်ရှောက်မှုပေးခဲ့ (သတင်းဆောင်းပါး)

ရန်ကုန်၊ အောက်တိုဘာ ၃ ရက် (ဆင်ဟွာ)

မိုးဖွဲဖွဲကျနေသည့် ရန်ကုန်မြို့၏ နံနက်ခင်းတစ်ခုတွင် တရုတ်တိုင်းရင်းဆေး ဆရာဝန်နှင့်ပြသလိုသူ ဒေသခံများက ယာယီဆေးခန်းတွင် စိတ်အားထက်သန်စွာ စောင့်ဆိုင်းလျက်ရှိသည်။

အဆိုပါ ကုသိုလ်ဖြစ် ပရဟိတဆေးခန်းလေးဖြစ်မြောက်အောင် တရုတ်နိုင်ငံ ဖူကျန့်ပြည်နယ် ပြည်ပရောက် တရုတ်နွယ်ဖွား အသင်းချုပ်နှင့် မြန်မာနိုင်ငံ ဖူကျန့်ကုန်သည်ကြီးများ အသင်းက အတူလက်တွဲဆောင်ရွက်ခြင်း ဖြစ်သည်။

ဆေးခန်းတွင် လာရောက်ပြသသူများအတွက် ဆေးဘက်ဆိုင်ရာ တိုင်ပင်ဆွေးနွေးမှု၊ အပ်စိုက်ကုထုံးနှင့် တရုတ်တိုင်းရင်းဆေးကုသမှု အမျိုးမျိုး အခမဲ့ ဆောင်ရွက်ပေးခြင်း ဖြစ်ကြောင်း တရုတ်နိုင်ငံ ဖူကျန့်ပြည်နယ် တရုတ်နွယ်ဖွားအသင်းချုပ်က ဆိုသည်။

လည်ပင်းကျီးပေါင်းနှင့် ခါးနာရောဂါ ခံစားနေရသည့် အသက် ၅၈ နှစ်အရွယ် ဒေါ်မေလှိုင်က တရုတ်ဆရာဝန်များ၏ ကျွမ်းကျင်မှုကို ချီးမွမ်းပြောဆိုခဲ့ရာ “အခု ကျွန်မ အများကြီး သက်သာသွားပြီ။ တရုတ်ပြည်ကလာတဲ့ တရုတ်တိုင်းရင်းဆေး ဆရာဝန်တွေနဲ့က ပထမဆုံး ပြဖူးတာ။ မြန်မာနိုင်ငံမှာ ဒီလို ကျွမ်းကျင်တဲ့ တရုတ်တိုင်းရင်းဆေးဆရာဝန် မရှိဘူး ထင်တယ်။ အပ်စိုက်တာလည်း ကျွမ်းကျင် ထိမိမှုရှိတယ် ” ဟု ၎င်း၏ အပ်စိုက်ကုထုံး အတွေ့အကြုံကို မျှဝေခဲ့သည်။
ယခင်ကလည်း တရုတ်တိုင်းရင်းဆေးကုသမှုဖြင့် လေဖြန်းရောဂါသက်သာပျောက်ကင်းရန်အတွက် အထောက်အပံ့ဖြစ်စေခဲ့ကြောင်း ၎င်းက ပြောသည်။

အသက် ၈၀ အရွယ် အဘွား လီဟုန်ဖောင်းကမူ ရင်သားနှင့်အသည်း ကျန်းမာရေးအခြေအနေကို ဆေးလာစစ်ခြင်း ဖြစ်သည်။
“ဆရာဝန်ကြည့်ပေးတာတော့ အကုန်ကောင်းတယ်။ အသက်ကြီးပြီဆိုတော့ ဆရာဝန်က ကျွန်မကို အနေအထိုင်အစားအသောက် ဂရုစိုက်ဖို့တော့မှာကြားထားတယ်” ဟု ဆိုသည်။
လီဟုန်ဖောင်းအတွက် တရုတ်တိုင်းရင်းဆေးက အကျွမ်းတဝင် ရှိသည်။ ယခင်ကလည်း တရုတ်တိုင်းရင်းဆေးကုသမှုခံယူဖူးရာ အကြောအချဉ်ညောင်းညာကိုက်ခဲမှုများ ပျောက်ကင်းအောင် ကုသနိုင်ခဲ့ကြောင်း၊ တရုတ်တိုင်းရင်းဆေးသည် ကျန်းမာရေးထိန်းသိမ်းမှုအတွက် ပိုပြီးကောင်းမွန်ကြောင်း ၎င်းက ဆိုသည်။

အသက် ၄၂ နှစ်အရွယ် မမေဇင်က လည်ချောင်းနာခြင်း၊ အာရုံကြောနှင့် နားကိုက်ခြင်းတို့ကြောင့် တရုတ်တိုင်းရင်းဆေးလာရောက်ပြသခြင်း ဖြစ်သည်။
“ဆရာဝန်ကြည့်တဲ့အခါကျတော့ သွေးကြောကိုစမ်းတယ်။ အပူများနေတယ်လို့ ပြောပါတယ်။ တရုတ်တိုင်းရင်းဆေး ၅ ရက်စာ ပေးလိုက်တယ်” ၊ “အရင်ကတော့ ဒီလိုဆေးခန်းမှာ မပြဖူးဘူး။ ဒါက ပထမဦးဆုံးပါ။ အရင် အဘိုး၊ အဘွား၊ အဖေ၊ အမေတွေတုန်းက ပြဖူးတယ်။ ဒဏ်ကြေဆေးတို့၊ ရာပန်းဆီတို့လိုမျိုး လိမ်းဆေးနဲ့ အပူကျဆေးဆိုရင် တရုတ်ဆေးက ကောင်းတယ်။ အဲဒါတွေသုံးတာ များတယ်” ဟု ၎င်းက ပြောသည်။

ယခုလို တရုတ်ပြည်မှလာရောက်၍ တရုတ်တိုင်ရင်းဆေးဖြင့် ကုသိုလ်ဖြစ် ဆေးကုသပေးသည့် အစီအစဉ်အပေါ် မမေဇင်က “ဒီလိုအစီအစဉ်က ယဉ်ကျေးမှုဖလှယ်ရာရောက်ပြီး တရုတ်ယဉ်ကျေးမှုအကြောင်း၊ တရုတ်တိုင်းရင်းဆေးအကြောင်း ပိုပြီနားလည်လာမယ်ထင်ပါတယ်” ဟု ဆိုသည်။

အစာအိမ်နှင့်အူလမ်းကြောင်းရောဂါ လာရောက်ပြသသည့် ရန်ကုန်မြို့နေ အသက် ၆၃ နှစ်အရွယ် လျိုကော်ကွမ်းက “ဒီအစီအစဉ်က အရမ်းကောင်းပါတယ်။ တရုတ်နိုင်ငံကိုလည်း ကျေးဇူးတင်တယ်။ နောင်မှာ ဒါမျိုး အစီအစဉ်တွေ အများကြီး ရှိပါစေလို့ မျှော်လင့်မိတယ်” ဟု ပြောသည်။

တရုတ်နိုင်ငံ ဖူကျန့်ပြည်နယ် ဆေးရုံ ပြန်လည်ကျန်းမာသန်စွမ်းရေးဌာန သမားတော်၊ တရုတ်တိုင်းရင်းဆေးအဖွဲ့ဝင် ဖြစ်သူ ချန်ကျယ်က ယခုအကြိမ် မြန်မာနိုင်ငံသို့ ကုသိုလ်ဖြစ် ဆေးကုသပေးရန် လာရောက်ခြင်းမှာ ၎င်းအနေဖြင့် ဒုတိယအကြိမ်ဖြစ်ကြောင်း၊ ယခုအကြိမ် တရုတ်တိုင်းရင်းဆေးကုသရန် လာရောက်သူက သိသိသာသာများလာကြောင်း၊ ၎င်းတို့အနက် အများစုမှာ ခါးနာ၊ ကျောနာ ရောဂါဖြစ်သူများ ဖြစ်ကြောင်း ပြောကြားခဲ့သည်။

ကုသိုလ်ဖြစ် ကျန်းမာရေး စောင့်ရှောက်ပေးသည့် ယခုအကြိမ်ခရီးစဉ်တွင် တရုတ်တိုင်းရင်းဆေး သမားတော် ၅ ဦး ပါဝင်ပြီး လူနာပေါင်း ၃၀၀ ခန့်ကို ကြည့်ရှုကုသပေးခဲ့ကြောင်း သိရသည်။
ဖူကျန့်ပြည်နယ် ပြည်ပရောက် တရုတ်နွယ်ဖွား အသင်းချုပ်အဖွဲ့ဝင် ကျန်းရောက်က အသင်းအနေဖြင့် နှစ်စဉ် တရုတ်တိုင်းရင်းဆေးပညာရှင်များကို စုစည်းပြီး ပြည်ပတွင် ကုသိုလ်ဖြစ် ကျန်းမာရေးစောင့်ရှောက်မှုများ ပြုလုပ်ခဲ့ကြောင်း၊ ယခုအစီအစဉ်က ကုသိုလ်ဖြစ် ကျန်းမာရေးစောင့်ရှောက်ပေးသည့်ခရီးစဉ်များအနက် တစ်ခုဖြစ်ပြီး လာအိုနိုင်ငံ၊ သီရိလင်္ကာနိုင်ငံပြီးနောက် မြန်မာနိုင်ငံသို့ လာရောက်ခဲ့ခြင်း ဖြစ်ကြောင်း ပြောကြားခဲ့သည်။
“ကျွန်မတို့ရဲ့ရည်ရွယ်ချက်က ပြည်ပရောက် တရုတ်နွယ်ဖွားတွေကို ကျန်းမာရေးစောင့်ရှောက်မှုပေးဖို့ ၊ တရုတ်တိုင်းရင်းဆေးရဲ့ကောင်းမွန်မှုကို အများသူငါ သိစေဖို့ ရည်ရွယ်တာပါ” ဟု ၎င်းက ပြောကြားခဲ့သည်။ (Xinhua)

………………………………..
(English Version)
Feature: Chinese medical team brings free TCM healthcare to Myanmar

YANGON, Oct. 3 (Xinhua) — On a rainy morning in Yangon, Myanmar, local residents eagerly awaited their turn to receive Traditional Chinese Medicine (TCM) treatments from a team of Chinese doctors at a temporary clinic.
The charity clinic was established by the Returned Overseas Chinese Federation of Fujian Province and the Fujian General Chamber of Commerce in Myanmar.
The clinic has provided free medical consultations, acupuncture and various TCM treatments to the city’s residents, the federation said.
Daw May Hlaing, 58, suffering from cervical spondylosis (neck pain) and waist discomfort, shared her positive experience with acupuncture, praising Chinese doctors’ expertise.
“I’m getting better now. It is my first time with Chinese TCM doctors. I think there is no experts like them in Myanmar,” she said, mentioning their skillful placement of needles into her blood vessels.
She also recounted her previous success with TCM treatment that aided in her recovery from a partial stroke.
Another patient 80-year-old Li Hong Fang said that she had come to the clinic seeking a medical evaluation for her breast and liver health.
“They (the organs) are good after medical checkup, but doctor advised me to be careful as I’m ageing,” she said.
Li Hong Fang was no stranger to TCM. She said she had received TCM treatment in the past for alleviating body stiffness and maintaining overall wellness, saying, “I’m grateful to the Chinese doctors.”
Ma May Zin, 42, received treatment for throat, nerve, and ear pain from the TCM experts. Following her medical assessment, she was informed of high temperature in her body, she said.
“This is my first experience with TCM treatment. However, my grandparents used to receive TCM treatments,” she remarked, mentioning her use of Chinese balm for relief.
Regarding the free TCM healthcare program, she said, “By providing free medical treatment like this, more people in Myanmar will come to know about TCM.”
Liu Guoguang, 63, a Yangon resident who came to see TCM doctor for his gastrointestinal disease at the temporary clinic, said, “This program is very good. I am grateful to China and also hope to have many medical activities like this in the future.”
Chen Jie, chief physician of the Rehabilitation Department of Fujian Provincial Hospital and a member of the Chinese TCM team, said that this was his second visit to Myanmar for a charity TCM clinic. He also noted a significant increase in the number of patients seeking TCM services this time, mostly with back pain.
The team of five Chinese doctors aided by medical staff provided free TCM healthcare services to about 300 people, mostly overseas Chinese, during their healthcare mission this time.
Zang Yao, a member of the Returned Overseas Chinese Federation of Fujian Province, said their federation annually assembles TCM professionals and dispatches them to foreign countries for charity clinics. Myanmar is the third country that they visited in this program this time, following their previous endeavors in Laos and Sri Lanka.
“Our purpose is to take care of overseas Chinese people and to promote the essence of traditional Chinese medicine,” she explained. Enditem