အမေရိကန်က တရုတ်နိုင်ငံ ထိုင်ဝမ်ဒေသသို့ စစ်လက်နက်ပစ္စည်းရောင်းချခြင်းအား ပြတ်သားစွာ ကန့်ကွက်ကြောင်း တရုတ်နိုင်ငံခြားရေးဝန်ကြီးဌာန ပြောကြား

ပေကျင်း၊ ဧပြီ ၇ ရက်(ဆင်ဟွာ)

အမေရိကန်က တရုတ်နိုင်ငံ ထိုင်ဝမ်ဒေသသို့ စစ်လက်နက်ပစ္စည်းရောင်းချမှုကို တရုတ်နိုင်ငံက ပြတ်သားစွာ ကန့်ကွက်ကြောင်းနှင့် အားကောင်းခိုင်မာသည့်နည်းလမ်းများ ဆက်လက်အသုံးပြုပြီး မိမိ၏အချုပ်အခြာအာဏာနှင့်လုံခြုံရေးအကျိုးစီးပွားကို ခိုင်မာစွာ ကာကွယ်သွားမည် ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကျောက်လိကျန်းက ဧပြီ ၆ ရက် ပုံမှန်သတင်းစာရှင်းလင်းပွဲတွင် ပြောကြားခဲ့သည်။

အမေရိကန်နိုင်ငံခြားရေးဝန်ကြီးဌာနက အမေရိကန်အခြေစိုက် ထိုင်ပေ စီးပွားရေးနှင့်ယဉ်ကျေးမှုရေးရာရုံးသို့ စုစုပေါင်းတန်ဖိုး အမေရိကန် ဒေါ်လာ ၉၅ သန်းရှိ စစ်ဘက်ဆိုင်နည်းပညာနှင့်ဆက်စပ်ပစ္စည်းများကို ရောင်းချရန် ခွင့်ပြုလိုက်ကြောင်း၊ ၎င်းတို့တွင် အဓိကအားဖြင့် Patriotလေကြောင်းရန်ကာကွယ်ရေးစနစ်အတွက် သက်ဆိုင်ရာ လေ့ကျင့်မှု၊စီမံဖြန့်ကျက်မှု၊ လည်ပတ်မှု၊ ပြင်ဆင်မှု၊ ထောက်ပံ့မှုများနှင့်အခြားသော သက်ဆိုင်ရာ စက်ပစ္စည်းများ ပါဝင်ကြောင်း အမေရိကန် ကာကွယ်ရေးကဏ္ဍလုံခြုံရေးပူးပေါင်းဆောင်ရွက်မှုအေဂျင်စီက ဧပြီ ၅ ရက်တွင် သတင်းထုတ်ပြန်ခဲ့သည်။

ထို့အပေါ် ကျောက်လိကျန်းက အမေရိကန်က တရုတ်နိုင်ငံ ထိုင်ဝမ်ဒေသသို့ စစ်လက်နက်ပစ္စည်းရောင်းချခြင်းသည် တရုတ်တစ်နိုင်ငံတည်း မူဝါဒနှင့် တရုတ်-အမေရိကန် ပူးတွဲကြေညာချက် ၃ စောင် အထူးသဖြင့် “ဩဂုတ်.၁၇ ”ကြေညာချက်ကို ဆိုးဝါးစွာ ချိုးဖောက်ခြင်း ဖြစ်ပြီး တရုတ်နိုင်ငံ၏ အချုပ်အခြာအာဏာနှင့်လုံခြုံရေးအကျိုးစီးပွား၊ တရုတ်-အမေရိကန် ဆက်ဆံရေးနှင့် ထိုင်ဝမ်ရေလက်ကြား ငြိမ်းချမ်းရေး၊တည်ငြိမ်ရေးကို ဆိုးဝါးစွာ ထိခိုက်စေကြောင်း ပြောကြားခဲ့သည်။ ထို့အပေါ် တရုတ်နိုင်ငံက ပြတ်သားစွာ ဆန့်ကျင်သလို ပြင်းထန်စွာ ပြစ်တင်ရှုတ်ချကြောင်း ဆိုသည်။

“အမေရိကန်ဘက်က တရုတ်တစ်နိုင်ငံတည်းမူဝါဒနဲ့ တရုတ်-အမေရိကန် ပူးတွဲကြေညာချက် ၃ စောင်ရဲ့ သတ်မှတ်ချက်ကို လိုက်နာစောင့်ထိန်းသင့်ပြီး အဆိုပါ လက်နက်ရောင်းချမှုအစီအစဉ်ကို ဖျက်သိမ်းပြီး လက်နက်ရောင်းချမှုနဲ့ အမေရိကန်-ထိုင်ဝမ် စစ်ရေးဆက်သွယ်မှုရပ်တန့်ရမှာ ဖြစ်တယ်။ တရုတ်နိုင်ငံအနေဖြင့် ခိုင်မာအားကောင်းတဲ့ နည်းလမ်းတွေ ဆက်လက်အသုံးပြုပြီး မိမိ၏အချုပ်အခြာအာဏာနဲ့ လုံခြုံရေးအကျိုးစီးပွားကို ခိုင်မာစွာ ကာကွယ်သွားမှာ ဖြစ်တယ် ”ဟု ကျောက်လိကျန်းက ပြောကြားခဲ့သည်။ (Xinhua)

………………………………..
(Chinese Version)
外交部：中方坚决反对美向中国台湾地区出售武器
2022/04/06 18:55:05

新华社北京4月6日电（记者温馨、董雪）外交部发言人赵立坚6日在例行记者会上说，中方坚决反对美国向中国台湾地区出售武器，将继续采取坚决有力措施，坚定捍卫自身主权和安全利益。

据报道，4月5日，美国防安全合作局发布消息称，美国务院已批准向“驻美台北经文处”出售总额9500万美元的军事技术及相关设备，主要包括为爱国者防空系统提供相关训练、计划、部署、运行、维修、支援和其他有关设备等。

赵立坚在回答相关提问时说，美国向中国台湾地区出售武器，严重违反一个中国原则和中美三个联合公报特别是“八•一七”公报规定，严重损害中国主权和安全利益，严重损害中美关系和台海和平稳定。中方对此坚决反对，予以强烈谴责。

“美方应恪守一个中国原则和中美三个联合公报规定，撤销上述对台军售计划，停止售台武器和美台军事联系。中方将继续采取坚决有力措施，坚定捍卫自身主权和安全利益。”赵立坚说。