18
Fri, Oct
578 New Articles

ဆိုးလ် ၊ ဇွန် ၂၃ ရက် (ဆင်ဟွာ)

တောင်ကိုရီးယား နှင့် မြောက်ကိုရီးယား နှစ်နိုင်ငံ ကိုယ်စားလှယ် အဖွဲ့ တို့က ဇွန်လ ၂၂ ရက် တွင် မြောက်ကိုရီးယား နိုင်ငံ Kumgangတောင် အပန်းဖြေစခန်း ဟိုတယ် ၌ တွေ့ဆုံဆွေးနွေးမှု တစ်ရပ် ကျင်းပ ပြုလုပ် ခဲ့ပြီး နှစ်နိုင်ငံ ကွဲကွာနေသည့် မိသားစုများ ပြန်လည် တွေ့ဆုံပွဲ ကို သြဂုတ်လ ၂၀ ရက် မှ ၂၆ ရက် အထိ Kumgangတောင် အပန်းဖြေစခန်း တွင် ကျင်းပ ပြုလုပ်သွားရန် သဘောတူညီမှု ရရှိခဲ့သည်။

ကန်ဒါဟာ၊ ဇွန် ၂၂ ရက် (ဆင်ဟွာ)

အာဖဂန်နစ္စတန်နိုင်ငံ တောင်ပိုင်း ကန်ဒါဟာပြည်နယ် ရှိ လမ်းဖောက်လုပ်ငန်းရေးလုပ်ငန်းခွင် တစ်ခုကို စစ်သွေးကြွများက တိုက်ခိုက်ခဲ့ပြီးနောက် ရဲတပ်ဖွဲ့ဝင် ၄ဦးသေဆုံးပြီး အလုပ်သမား ၁၃ဦး ပြန်ပေးဆွဲခံရကြောင်း ဒေသခံရဲတပ်ဖွဲ့က ဇွန် ၂၂ ရက်တွင်ပြောကြားခဲ့သည်။

ဆိုးလ်၊ ဇွန် ၂၂ ရက် (ဆင်ဟွာ)

တောင်ကိုရီးယားနိုင်ငံ နှင့် မြောက်ကိုရီးယားနိုင်ငံ သည် ကိုရီးယား နှစ်နိုင်ငံ နယ်စပ်တစ်လျှောက် ခွဲခြားထားခံရသည့် ကိုရီးယားမိသားစုဝင်များ ပြန်လည်တွေ့ဆုံခြင်းအပါအဝင် လူသားချင်းစာနာထောက်ထားမှု ကိစ္စရပ်များအား ဆွေးနွေးရန် ဇွန် ၂၂ ရက်တွင် ဆွေးနွေးညှိနှိုင်းမှုစကားဝိုင်းအား စတင်ပြုလုပ်ခဲ့ကြောင်း တောင်ကိုရီးယားနိုင်ငံ၏ ပြန်လည်ပေါင်းစည်းရေးဝန်ကြီးဌာနက ပြောကြားခဲ့သည်။

တိုကျို ၊ ဇွန် ၂၂ ရက်(ဆင်ဟွာ)

ဂျပန်နိုင်ငံ ကာဂိုရှီးမားစီရင်စု(Kagoshima) နှင့် မီယာဆာကီစီရင်စု(Miyazaki) ကြားတည်ရှိနေသည့် ရှင်မိုမီးတောင်(Mt.Shinmoe) သည် ယနေ့(ဇွန် ၂၂ ရက်) ဒေသစံတော်ချိန် နံနက် ၉ နာရီ ဝ၉ မိနစ်တွင် ပေါက်ကွဲမှု ထပ်မံဖြစ်ပွားခဲ့ကြောင်း ဂျပန်နိုင်ငံမိုးလေဝသအေဂျင်စီ(JMA) ၏ ထုတ်ပြန်ချက်အရ သိရသည်။

နယူးဒေလီ၊ ဇွန် ၂၁ ရက် (ဆင်ဟွာ)

အိန္ဒိယနိုင်ငံ အရှေ့ပိုင်း အာဆံပြည်နယ်ရှိ ATM စက်တစ်လုံးအတွင်းမှ ရူပီး ၁.၂၃ သန်း (အမေရိကန်ဒေါ်လာ ၁၉,၀၀၀) တန်ဖိုးရှိသော အိန္ဒိယငွေစက္ကူများအား ကြွက်များက ကိုက်ဖြတ်ဖျက်ဆီးထားသည်ကို တွေ့ရကြောင်း Indian Express နေ့စဉ်သတင်းစာက ဖော်ပြထားသည်။

နယူးဒေလီ၊ ဇွန် ၂၁ ရက် (ဆင်ဟွာ)

အိန္ဒိယနိုင်ငံ အလယ်ပိုင်း Madhya Pradesh ပြည်နယ် တွင် ဇွန် ၂၁ ရက်က သဲတင်ယာဉ်တစ်စီး နှင့် ခရီးသည်ယာဉ်တစ်စီး တိုက်မိခဲ့ရာ အနည်းဆုံး လူ ၁၂ ဦးသေဆုံးပြီး အခြားလူ ၆ဦး ဒဏ်ရာရရှိခဲ့ကြောင်း ရဲတပ်ဖွဲ့ ကပြောကြားခဲ့သည်။

အစ္စလာမ်မာဘတ်၊ ဇွန် ၂၁ ရက် (ဆင်ဟွာ)

ပါကစ္စတန်နိုင်ငံ အနောက်မြောက်ပိုင်း Khyber Pakhtunkhwa ပြည်နယ်ရှိ လျှိုမြောင်တစ်ခုအတွင်းသို့ ခရီးသွား ဂျစ်ကားတစ်စီး ပြုတ်ကျခဲ့ရာ မိသားစုတစ်ခုတည်းမှ အမျိုးသမီး ၈ ဦးအပါအဝင် အနည်းဆုံး လူ ၁၀ ဦးသေဆုံးသွားခဲ့ကြောင်း၊ အခြားသူ ၄ ဦးမှာ စိုးရိမ်ဖွယ် ဒဏ်ရာများရရှိခဲ့ကြောင်း ဒေသတွင်း မီဒီယားက သတင်းဖော်ပြခဲ့သည်။

တိုကျို ၊ ဇွန် ၂၁ ရက် (ဆင်ဟွာ)

ဂျပန်နိုင်ငံတိုကျိုမြို့အရှေ့တောင်ပိုင်း ယိုကိုဟားမားမြို့ရှိ လူနေအိမ်ရာတစ်ခုတွင် လူသုံးဦး ဓားဖြင့်တိုက်ခိုက်ခံရကြောင်း နှင့် ယင်းတိုက်ခိုက်မှုကို ကျူးလွန်သည့် ဓားသမားတစ်ဦးကို ရဲတပ်ဖွဲ့က လိုက်လံရှာဖွေနေကြောင်း သိရသည်။

ဆိုးလ် ၊ ဇွန် ၂၁ ရက်(ဆင်ဟွာ)

တောင်ကိုရီးယားနိုင်ငံ နိုင်ငံခြားရေးဝန်ကြီးဌာန ဝန်ကြီး Kang Kyung-wha က ကိုရီးယားကျွန်းဆွယ် တည်ငြိမ်ရေး နှင့် လုံခြုံရေး ဆိုင်ရာ ကိစ္စရပ်များတွင် တရုတ်နိုင်ငံအနေဖြင့် အရေးပါသော အခန်းကဏ္ဍမှ ပါဝင်ရန် မျှော်လင့်ကြောင်း ဇွန်လ ၂ဝ ရက်တွင် ထုတ်ဖော်ပြောကြားလိုက်သည်။

ဟနွိုင်း၊ ဇွန် ၂၀ ရက် (ဆင်ဟွာ)

လာအိုနိုင်ငံမှ ဗီယက်နမ်နိုင်ငံသို့ မူးယစ်ဆေးဝါး ကုန်ကူးလာသော အသက် ၃၆ နှစ်အရွယ် အမျိုးသမီးတစ်ဦးအား ဗီယက်နမ်နိုင်ငံ အလယ်ပိုင်း Quang Tri ပြည်နယ်ရဲတပ်ဖွဲ့က ထိန်းသိမ်းခဲ့ရကြောင်း သိရသည်။