ရန်ကုန် ၊ ဇန်နဝါရီ ၁၁ ရက်(ဆင်ဟွာ) တရုတ်ပြည်သူ့သမ္မတနိုင်ငံ အစိုးရက ပေးအပ်လှူဒါန်းသည့် Sinovac ကိုဗစ်-၁၉ ကာကွယ်ဆေး ၁ သန်းအား မြန်မာနိုင်ငံရှိ မြန်မာ-တရုတ် နယ်စပ်မြို့(၅)မြို့သို့ ဇန်နဝါရီ ၁၂ ရက်တွင် ဖြန့်ဝေပေးသွားမည် ဖြစ်ကြောင်း မြန်မာ နိုင်ငံခြားရေးဝန်ကြီးဌာနက ယနေ့တွင် သတင်းထုတ်ပြန်ခဲ့သည်။
ပေကျင်း ၊ ဇန်နဝါရီ ၁၁ ရက်(ဆင်ဟွာ) တရုတ်နိုင်ငံ နိုင်ငံတော်ကော်စီဝင် နှင့် နိုင်ငံခြာရေးဝန်ကြီး ဝမ်ရိသည် ရုရှားနိုင်ငံခြားရေးဝန်ကြီး Sergei Lavrov နှင့် ဇန်နဝါရီ ၁၁ ရက်တွင် နှစ်နိုင်ငံဆက်ဆံရေး နှင့် ကာဇက်စတန်နိုင်ငံဆိုင်ရာ အခြေအနေတို့အပေါ် တယ်လီဖုန်းပြောဆိုဆွေးနွေးမှုတစ်ခု ပြုလုပ်ခဲ့ကြောင်း သိရသည်။
မနီလာ၊ ဇန်နဝါရီ ၁၁ ရက်(ဆင်ဟွာ) ဖိလစ်ပိုင် ကျန်းမာရေးဝန်ကြီးဌာန၏ ဇန်နဝါရီ ၁၀ ရက်ထုတ်ပြန်ချက်များအရ ထပ်တိုး ကိုဗစ်အတည်ပြုလူနာ ၃၃,၁၆၉ ဦး ရှိရာ ပိုးတွေ့ရှိမှု ၄၆ ရာခိုင်နှုန်းရှိကြောင်း သိရသည်။ ယင်းကိန်းဂဏန်း ၂ ခုလုံးသည် ဖိလစ်ပိုင်တွင် ကပ်ရောဂါဖြစ်ပွားပြီးနောက် အမြင့်ဆုံးစံချိန်ဖြစ်သည်။
အက်တာနာ၊ ဇန်နဝါရီ ၁၁ ရက်(ဆင်ဟွာ) ပြည်တွင်း အဓိကရုဏ်းများကြောင့် လူအများအပြား အသက်ဆုံးရှုံးခဲ့ရခြင်းအတွက် ကာဇက်စတန်နိုင်ငံတွင် ဇန်နဝါရီ ၁၀ ရက်က တစ်ပြည်လုံး ဝမ်းနည်းခြင်းအထိမ်းအမှတ် လှုပ်ရှားမှုများ ပြုလုပ်ခဲ့ရာ ကာဇက်စတန်သမ္မတရုံး၊ အစိုးရဌာနအဆင့်ဆင့်နှင့် ပြည်ပအခြေစိုက် ကာဇက်စတန်ဌာနဆိုင်ရာများက နိုင်ငံတော်အလံတစ်ဝက်ချ၍ ဝမ်းနည်းအောက်မေ့ဖွယ်လှုပ်ရှားမှုပြုလုပ်ခဲ့သည်။
ဆိုးလ် ၊ ဇန်နဝါရီ ၁၁ ရက်(ဆင်ဟွာ) မြောက်ကိုရီးယားနိုင်ငံ(DPRK)သည် အရှေ့ဘက်ရေပြင်အတွင်းသို့ အမျိုးအမည်မသိဒုံးကျည်တစ်စင်းအား ပစ်လွှတ်ခဲ့ကြောင်း တောင်ကိုရီးယားနိုင်ငံ ပူးတွဲစစ်ဦးစီးချုပ် (JCS) က ဇန်နဝါရီ ၁၁ ရက်တွင် ပြောကြားခဲ့သည်။
