ကိုလံဘို ၊ ဇူလိုင် ၂ ရက်(ဆင်ဟွာ) သီရိလင်္ကာနိုင်ငံတောရိုင်းတိရစ္ဆာန်ထိန်းသိမ်းစောင့်ရှောက်ရေးဌာန(DWC) က နိုင်ငံအတွင်း ဆင် နှင့် လူ ပဋိပက္ခများ လျော့ပါးစေရန် ရည်ရွယ်၍ တောဆင်ရိုင်းများ၏ ခန္ဓာကိုယ်ထဲတွင် လမ်းပြမြေပုံစနစ်(GPS) ကို ထည့်သွင်းသွားမည်ဖြစ်ကြောင်း ဇူလိုင် ၁ ရက်တွင် ထုတ်ဖော်ပြောကြားခဲ့သည်။
ဒါကာ ၊ ဇူလိုင် ၂ ရက်(ဆင်ဟွာ) ဘင်္ဂလားဒေ့ရှ်နိုင်ငံ ဒါကာမြို ့ရှိ ကော်ဖီဆိုင်တစ်ခုအား စစ်သွေးကြွများက အကြမ်းဖက်ဝင်ရောက်တိုက်ခိုက်မှုကြောင့် နိုင်ငံခြားသားအများစု အပါအဝင် လူအများအပြား သေဆုံးခဲ့ရသည့် အဖြစ်အပျက် ၃ နှစ်မြောက် အောက်မေ့ဖွယ်အခမ်းအနားကို ကျင်းပပြုလုပ်ခဲ့ကြောင်း သိရသည်။
မွမ်ဘိုင်း၊ ဇူလိုင် ၂ ရက် (ဆင်ဟွာ) အိန္ဒိယနိုင်ငံ မွမ်ဘိုင်းမြို့တွင် လွန်ခဲ့သည့်ရက်အနည်းငယ်အတွင်း မိုးသည်းထန်စွာရွာသွန်းပြီးနောက် ဇူလိုင်လ ၂ ရက် ဒေသစံတော်ချိန် နံနက် ၂း၀၀ နာရီက ခြံစည်းရိုးနံရံပြိုကျခဲ့ပြီး လူ ၁၃ ဦးသေဆုံးကာ အခြားလူ ၄ ဦး ဒဏ်ရာရရှိခဲ့ကြောင်း သိရသည်။
တူးနစ် ၊ ဇူလိုင် ၂ ရက်(ဆင်ဟွာ) လုံခြုံရေးအကြောင်းပြချက်ဖြင့် တူနီးရှားနိုင်ငံရှိ အမေရိကန်သံရုံးကို ဇူလိုင် ၁ ရက်တွင် ပိတ်ပစ် ခဲ့ကြောင်း သိရသည်။
ဆူဗာ၊ ဇူလိုင် ၂ ရက်(ဆင်ဟွာ) တောင်ပစိဖိတ်သမုဒ္ဒရာ ဗာနူအာကျွန်းနိုင်ငံ Luganville မြို့အရှေ့ပင်လယ်ပြင်တွင် ဇူလိုင် ၂ ရက်က ပြင်းအား ၆ အဆင့် ငလျင်လှုပ်ခတ်ခဲ့ကြောင်းသိရသည်။ လက်ရှိတွင် သေဆုံးဒဏ်ရာရမှုနှင့် ပျက်စီးဆုံးရှုံးမှုစာရင်း မထွက်ရှိသေးကြောင်း သိရသည်။
