ရန်ကုန်၊ သြဂုတ် ၁၂ ရက် (ဆင်ဟွာ) သံလွင်မြစ်ရေသည် ဘားအံမြို့ တွင် သုံးပေခန့် ယင်းမြို့၏ စိုးရိမ်ရေမှတ်အထက်သို့ ကျော်လွန်နေကြောင်း ယနေ့ မွန်းလွဲ နှစ်နာရီခွဲ တိုင်းတာချက်အရ သိရကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနက ထုတ်ပြန်သော သတင်းအရ သိရသည်။
ရန်ကုန်၊ သြဂုတ် ၁၂ ရက် (ဆင်ဟွာ) ရှမ်းပြည်နယ်၊ တာချီလိတ်မြို့နယ် မိုင်းဟဲ ကျေးရွာအုပ်စု၊ ယမ်းခေါင်ကျေးရွာအနီး၌ ကျပ်သိန်းပေါင်း ၇၈,၂၀၀ သိန်း တန်ဖိုးရှိ စိတ်ကြွရူးသွပ်ဆေးပြားများကို သြဂုတ် ၁၀ရက်နေ့တွင် ဖမ်းဆီးရမိခဲ့ကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။
အမ္မန်၊ သြဂုတ် ၁၂ ရက်(ဆင်ဟွာ) ဂျော်ဒန်လုံခြုံရေးတပ်ဖွဲ့သည် သြဂုတ် ၁၁ ရက် ညနေပိုင်းက မြို့တော် အမ္မန် အနီးရှိ Al Saltမြို့တွင် အကြမ်းဖက်သမားများနှင့်တိုက်ပွဲအပြင်းအထန်ဖြစ်ပွားခဲ့ရာ လူ ၁ ဦး သေဆုံးပြီး ၁၆ ဦး ဒဏ်ရာ ရရှိခဲ့ ကြောင်း သိရသည်။
လီမာ၊ သြဂုတ် ၁၂ ရက် (ဆင်ဟွာ) ပီရူးနိုင်ငံအလယ်ပိုင်း Huanuco ဒေသရှိ ချောက်နက်တစ်ခုထဲသို့ သြဂုတ် ၁၁ ရက်က ဘတ်စ်ကားတစ်စီး ပြုတ်ကျခဲ့ရာ အနည်းဆုံး လူ၇ဦးသေဆုံးပြီး အခြားလူ ၄၈ဦး ဒဏ်ရာရရှိခဲ့ကြောင်း ပီရူးနိုင်ငံ အမျိုးသားအရေးပေါ်အခြေအနေဆောင်ရွက်ရေးစင်တာက ပြောကြားခဲ့သည်။
